இதுதான் வளர்ச்சி! தமிழ்நாடு தான் இந்தியாவுக்கான மாடல் என்று அனைவரும் பாராட்டிடும் ஐந்தாண்டு சாதனைகளின் தொகுப்பாக இடைக்கால பட்ஜெட்டை தங்கம் தென்னரசு தாக்கல் செய்திருக்கிறார் என்று முதலமைச்சர் மு.க.ஸ்டாலின் தெரிவித்துள்ளார்.
தமிழ்நாடு அரசின் 2026-27ம் நிதியாண்டிற்கான இடைக்கால பட்ஜெட் மற்றும் வேளாண் பட்ஜெட் இன்று தாக்கல் செய்யப்பட்டது. அந்தந்த துறை சார்ந்த அமைச்சர்கள் பட்ஜெட்டை தாக்கல் செய்தனர். தேர்தல் வரும் சயத்தில் மக்களை ஈர்பதற்காக புதிய அறிவிப்புகள் வெளியிடப்படும் என்று எதிர்பார்த்திருந்த நிலையில், அத்தகைய புதிய அறிவிப்பு ஏதும் வெளியாகவில்லை. இதனால் எதிர்க்கட்சிகளும் விமர்சனம் செய்து வருகின்றனர்.
இந்தநிலையில், இதுதான் வளர்ச்சி! தமிழ்நாடு தான் இந்தியாவுக்கான மாடல் என்று அனைவரும் பாராட்டிடும் ஐந்தாண்டு சாதனைகளின் தொகுப்பாக இடைக்கால பட்ஜெட்டை தங்கம் தென்னரசு தாக்கல் செய்திருக்கிறார் என்று முதலமைச்சர் மு.க.ஸ்டாலின் தெரிவித்துள்ளார். அவரது எக்ஸ் தளத்தில், ஒன்றிய அரசின் ஓரவஞ்சனைகளை மீறி, அவர்களது வஞ்சகங்களைத் திறமையாகக் கையாண்டு, வளர்ச்சியில் சாதனை படைத்திருக்கும் ஐந்தாண்டுகளை நிறைவு செய்கிறோம்! ஜூலை மாதம் திராவிட மாடல் 2.0-வில் புதிய அறிவிப்புகளுடன் இன்னும் பிரமாண்டமான சாதனைகளுக்கு அடித்தளமிடும் நிதிநிலை அறிக்கையைத் தாக்கல் செய்வோம்!
நமது திராவிட மாடல் அரசின் சாதனைகளில் சிலவற்றையும் – ஒன்றிய பா.ஜ.க. அரசு செய்துவரும் ஓரவஞ்சனைகளில் சிலவற்றையும் உங்களின் பார்வைக்குப் பகிர்கிறேன்… என்று கூறியுள்ளார்.
