தமிழகத்தில் தங்கம் விலை இன்று மாற்றமின்றி நேற்றைய விலையிலேயே நீடிக்கிறது. சென்னையில் இன்று 22 கேரட் ஆபரணத் தங்கம் ஒரு கிராம் ரூ.13,900-க்கும், ஒரு சவரன் ரூ.1,11,200-க்கும் விற்பனை செய்யப்படுகிறது.. சர்வதேச சந்தையில் நிலவும் பொருளாதார மாற்றங்கள் மற்றும் டாலரின் மதிப்பு போன்ற காரணிகளால் கடந்த சில நாட்களாக தங்கம் விலையில் ஏற்ற இறக்கங்கள் காணப்பட்ட நிலையில், இன்று விலையில் பெரிய மாற்றங்கள் ஏதுமின்றி மந்தமான நிலையே நீடிக்கிறது.
வெள்ளி விலையை பொறுத்தவரை, ஒரு கிராம் வெள்ளி ரூ.260-க்கு விற்பனை செய்யப்படுகிறது. ஒரு கிலோ பார் வெள்ளியின் விலை ரூ.2,60,000 ஆக உள்ளது. சர்வதேச அளவில் தங்கம் விலை இன்று அதிகாலையில் சற்று சரிவைச் சந்தித்தாலும், தற்போது வர்த்தகத்தில் பெரிய முன்னேற்றமின்றி மந்தமான சூழலில் உள்ளதால் உள்ளூர் சந்தையிலும் அதன் தாக்கம் பிரதிபலிக்கிறது. வரும் நாட்களில் அமெரிக்க ஃபெடரல் வங்கியின் வட்டி விகித முடிவுகளைப் பொறுத்தே தங்கம் விலையில் அடுத்தகட்ட மாற்றங்கள் இருக்கும் என சந்தை வல்லுநர்கள் எதிர்பார்க்கின்றனர்.
