Author: editor5

தலைநகர் டெல்லியில் கடந்த 8-ம் தேதி இந்தியா கூட்டணியைச் சேர்ந்த முக்கிய கட்சித் தலைவர்கள் கூடியிருந்தனர். இந்தக் கூட்டத்தில் பேசிய காங்கிரஸ் மூத்த தலைவர் ராகுல் காந்தி, அரசியல் காரணங்களுக்காக கேரள முன்னாள் முதலமைச்சர் பினராயி விஜயனைத் தழுவ முடியாது எனக் கூறியிருந்தார். இந்தக் கருத்து கூட்டணிக் கட்சிகளிடையே பெரும் அதிர்வலைகளை ஏற்படுத்தியுள்ளது. இந்நிலையில், செய்தியாளர்களைச் சந்தித்த பினராயி விஜயன், ராகுல் காந்தியின் பேச்சுக்கு விரிவான விளக்கம் அளித்தார். “யார் யாரைத் தழுவுகிறார்கள் என்பது பற்றி எனக்கு எந்தக் கவலையும் இல்லை. ஆனால், ராகுல் காந்தி நரேந்திர மோடியைத் தழுவிய புகைப்படத்தை நாடு முழுவதும் உள்ள மக்கள் பார்த்திருக்கிறார்கள். அந்தச் செயலுக்கு என்னிடம் எந்த ஆட்சேபனையும் இல்லை” என்று அவர் தெரிவித்தார். அவர் மேலும் கூறியதாவது, “அந்தத் தழுவல் ஒரு குறிப்பிட்ட அரசியல் செய்தியை வெளிப்படுத்துகிறது. அது ராகுல் காந்தியின் அணுகுமுறையையும், இந்தியா கூட்டணியை அவர் எப்படிப் பார்க்கிறார் என்பதையும் தெளிவாகப்…

இன்று 250 ரூபாய்க்கு ஆசைப்பட்டு, எதிர்காலத்தில் மனிதர்களின் வேலைவாய்ப்புகளை ரோபோக்களிடம் இழக்க நேரிடும்” என்று பலர் கவலை தெரிவித்துள்ளனர். தொழில்நுட்பப் புரட்சியின் அடுத்த அலை இந்தியாவின் சாதாரண மக்களின் அன்றாட வாழ்க்கையைப் புதிய வடிவில் மாற்றி வருகிறது. வீட்டு வேலைகளைச் செய்யும் இல்லத்தரசிகள், பகுதிநேர ஊழியர்கள் மற்றும் தொழிற்சாலைத் தொழிலாளர்கள் தங்கள் தலையில் ஸ்மார்ட்போன் அல்லது சிறிய கேமராவைப் பொருத்திக்கொண்டு, தங்கள் அன்றாடச் செயல்களைப் பதிவு செய்து வருமானம் ஈட்டுகின்றனர். இந்த முதல் நபர் பார்வைத் தரவுகள் (Egocentric Data) உலகின் முன்னணி AI நிறுவனங்களுக்கு அனுப்பப்பட்டு, மனிதரைப் போன்று செயல்படும் ஹியூமனாய்டு ரோபோக்களுக்கு பயிற்சி அளிக்கப் பயன்படுத்தப்படுகின்றன. ஆப்ஜெக்ட்வேஸ் நிறுவனத்தின் முயற்சி: தமிழ்நாட்டின் கரூர் மாவட்டத்தை தளமாகக் கொண்டு செயல்படும் ஆப்ஜெக்ட்வேஸ் (Objectways) என்ற AI தரவு நிறுவனம் இந்தத் திட்டத்தை முன்னெடுத்து வருகிறது. இந்நிறுவனம் இந்தியா மற்றும் அமெரிக்காவில் செயல்படுகிறது. தலைமை நிர்வாக அதிகாரி ரவிஷங்கர் ராஜலிங்கம் (Ravishankar…

பல ஆண்டுகளாக உயர்த்தப்படாத லாரி வாடகையை 15 சதவீதம் அதிகரிக்க முடிவு செய்துள்ளதாக புதுச்சேரி மினி லாரி உரிமையாளர்கள் மற்றும் முகவர்கள் சங்கம் அறிவித்துள்ளது. இந்த உயர்வு நாளை (திங்கட்கிழமை) முதல் அமலுக்கு வருகிறது. மாநில தலைவர் எம். முருகசாமி தலைமையில் நேற்று மாலை மேட்டுப்பாளையம் கனரக வாகன மையத்தில் சங்கத்தின் பொதுக்குழு கூட்டம் நடைபெற்றது. கூட்டத்துக்குப் பின்னர் நிருபர்களிடம் பேசிய முருகசாமி, புதுச்சேரியில் லாரி வாடகை நீண்ட காலமாக உயர்த்தப்படவில்லை என்று தெரிவித்தார். “முதலமைச்சர் என். ரங்கசாமி கடந்த ஐந்து ஆண்டுகளாக டீசல் விலையை உயர்த்தவில்லை. தமிழகத்தைவிட ரூ.10 குறைவாகவே வைத்துள்ளார். ஆனால், எங்களது வாழ்வாதாரம் பல மடங்கு பாதிக்கப்பட்டுள்ளது. டோல்கேட் கட்டணங்கள் ஆண்டுக்கு 10 முறை வரை உயர்த்தப்பட்டு பல மடங்கு அதிகரிக்கப்பட்டுள்ளன. டீசல் விலை உயர்வுடன் சேர்த்து வாகன உதிரி பாகங்கள், டயர் உள்ளிட்ட அத்தியாவசிய பொருட்களின் விலையும் கணிசமாக உயர்ந்துள்ளது” என்று அவர் விளக்கினார். தமிழக…

கிராமப்புற வாழக்கையை தத்ரூபமாக திரையில் சித்தரித்த பாரதிராஜாவின் படைப்புகள் நினைவு கூறப்படும் என்று பிரதமர் மோடி தெரிவித்துள்ளார். தமிழ் திரையுலகின் முன்னோடி இயக்குநர்களில் ஒருவரும், கிராமிய வாழ்க்கையை தத்ரூபமாக திரையில் கொண்டு வந்தவருமான ‘இயக்குநர் இமயம்’ பாரதிராஜா, வயோதிகம் மற்றும் உடல் நலக்குறைவு காரணமாக ஜூன் 10, 2026 அன்று சென்னையில் காலமானார். அவருக்கு வயது 84. பாரதிராஜாவின் மறைவு திரையுலகம் முழுவதும் பெரும் சோகத்தை ஏற்படுத்தியுள்ளது. பாரதிராஜா, தேனி மாவட்டம் அல்லிநகரத்தில் 1941இல் பிறந்தவர். உண்மையான பெயர் சின்னசாமி. கிராமப்புற வாழ்க்கையின் நுணுக்கங்கள், மனித உறவுகள், காதல், சமூகப் பிரச்சினைகள் ஆகியவற்றை தன் படங்களில் அற்புதமாக சித்தரித்து புகழ் பெற்றவர். 1977ஆம் ஆண்டு ’16 வயதினிலே’ என்ற படத்தின் மூலம் இயக்குநராக அறிமுகமான அவர், ஸ்ரீதேவியை நட்சத்திரமாக்கினார். அதன் பிறகு ‘கிழக்கே போகும் ரயில்’, ‘நிழல்கள்’, ‘அலைகள் ஓய்வதில்லை’, ‘முதல் மரியாதை’, ‘கருத்தம்மா’, ‘வேதம் புதிது’, ‘கிழக்கு சீமையிலே’ உள்ளிட்ட…

அசாமில் விமான விபத்தில் உயிரிழந்தவர்களின் குடும்பத்தினருக்கு இந்திய விமானப்படை தனது ஆழ்ந்த இரங்கலை தெரிவித்துள்ளது. அசாம் மாநிலம் ஜோர்ஹட்டில் உள்ள இந்திய விமானப்படையின் ரோவ்ரியா (Rowriah) விமானப்படை தளத்தில் இன்று காலை சுமார் 10 மணியளவில் பெரும் விபத்து ஏற்பட்டது. வழக்கமான பயிற்சி பயணத்தின்போது தரையிறங்கிய சில நொடிகளுக்குள் ஏஎன்-32 ரக போக்குவரத்து விமானம் தரையில் மோதி வெடித்து தீப்பிடித்தது. இந்த விபத்தில் ஐந்து வீரர்கள் உயிரிழந்ததாக இந்திய விமானப்படை உறுதிப்படுத்தியுள்ளது. விபத்தில் உயிரிழந்தவர்கள்: ஸ்க்வாட்ரன் லீடர் பிரசாந்த் சிங், பிளைட் லெப்டினன்ட் சுபம் குமார், சார்ஜென்ட் ஜிதேந்திர சர்மா, அக்னிவீர் வாயு வீரர் கேமராம் குமாவத் (கீமாராம் குமாவத்) மற்றும் அக்னிவீர் வாயு வீரர் தானிஷ் ஆலம் ஆகியோர் ஆவர். இவர்கள் அனைவரும் தங்கள் கடமையைச் செய்யும் போது உயிரைத் தியாகம் செய்துள்ளனர். விபத்தில் இருந்து ஒரு விமானி உயிருடன் மீட்கப்பட்டு மருத்துவ சிகிச்சைக்காக அனுப்பப்பட்டதாக சில அறிக்கைகள் தெரிவிக்கின்றன.…

பாகிஸ்தானின் பொருளாதாரம் தொடர்ந்து ஆழமான நெருக்கடியை எதிர்கொண்டு வரும் நிலையில், புதிய ஆய்வறிக்கை ஒன்று அதிர்ச்சியூட்டும் புள்ளிவிவரங்களை வெளியிட்டுள்ளது. கடந்த ஆறு ஆண்டுகளில் மட்டும் சுமார் 2.7 கோடி மக்கள் புதிதாக வறுமைக் கோட்டிற்குக் கீழே தள்ளப்பட்டுள்ளதாக அந்த அறிக்கை தெரிவிக்கிறது. இதனால், நாட்டில் வறுமையில் வாழும் மக்களின் மொத்த எண்ணிக்கை 7 கோடியைத் தாண்டியுள்ளது. சுமார் 25.9 கோடி மக்கள் தொகை கொண்ட பாகிஸ்தானில், தற்போது 28.9 சதவீத மக்கள் வறுமையின் பிடியில் சிக்கியுள்ளனர். 2018-19ஆம் நிதியாண்டில் வறுமை விகிதம் 21.9 சதவீதமாக இருந்தது. அதாவது, ஆறு ஆண்டுகளில் வறுமை விகிதம் ஏறத்தாழ 7 சதவீதம் உயர்ந்துள்ளது. அன்றாட உணவு, உடை, தங்குமிடம் போன்ற அடிப்படைத் தேவைகளுக்கே மக்கள் போராடும் நிலை உருவாகியுள்ளது. குறிப்பாக, பலுசிஸ்தான் மாகாணம் மிகக் கடுமையான பாதிப்பைச் சந்தித்துள்ளது. அங்கு சுமார் 47 சதவீத மக்கள் வறுமைக் கோட்டிற்குக் கீழே வாழ்கின்றனர். வேலைவாய்ப்பின்மை, முதலீடுகளின் பாரிய…

இந்திய ராணுவ வரலாற்றில் முக்கியமான ஒரு திருப்புமுனையாக, மத்திய அரசு இன்று அறிவித்தபடி, தற்போதைய ராணுவத் துணைத் தலைமைத் தளபதி லெப்டினன்ட் ஜெனரல் தீரஜ் சேத் (PVSM, UYSM, AVSM), இந்திய ராணுவத்தின் அடுத்த தலைமைத் தளபதியாக (Chief of the Army Staff) நியமிக்கப்பட்டுள்ளார். ஜெனரல் உபேந்திர திவேதியின் பதவிக்காலம் ஜூன் 30, 2026 அன்று முடிவடைய உள்ள நிலையில், ஜூன் 30 அன்று லெப்டினன்ட் ஜெனரல் தீரஜ் சேத் பொறுப்பேற்கவுள்ளார். இந்த நியமனம், எல்லைப் பாதுகாப்பு சவால்கள், ராணுவ நவீனமயமாக்கல் மற்றும் ஒருங்கிணைந்த தியேட்டர் கட்டளை அமைப்பு போன்ற மறுசீரமைப்பு முயற்சிகள் நடைபெறும் காலகட்டத்தில் மிகுந்த முக்கியத்துவம் வாய்ந்ததாகக் கருதப்படுகிறது. 1986 டிசம்பர் 20 அன்று இந்திய ராணுவத்தில் கமிஷன் பெற்ற தீரஜ் சேத், நான்கு தசாப்தங்களுக்கும் மேலான பணி அனுபவத்துடன், ராணுவத்தின் மிகவும் அனுபவமிக்க தலைவர்களில் ஒருவராகத் திகழ்கிறார். தேசிய பாதுகாப்பு அகாடமி (NDA), கடக்வாஸ்லா மற்றும்…

ரசிகர்களிடையே தேவையற்ற அரசியல் குழப்பங்கள் ஏற்படுவதைத் தவிர்க்கும் வகையில் இந்த முடிவு எடுக்கப்பட்டுள்ளது. தமிழ் சினிமாவின் சூப்பர்ஸ்டார் ரஜினிகாந்தின் பெயரையோ, புகைப்படங்களையோ எந்த அரசியல் கட்சிகளோ, அமைப்புகளோ தங்கள் சுயநலனுக்காகப் பயன்படுத்தக் கூடாது என அகில இந்திய ரஜினிகாந்த் ரசிகர் நற்பணி மன்றம் வலியுறுத்தியுள்ளது. இது தொடர்பாக மன்றத்தின் தலைமை அலுவலகம் இன்று அதிகாரப்பூர்வ சுற்றறிக்கை ஒன்றை வெளியிட்டு, ரசிகர்கள் மற்றும் நிர்வாகிகளுக்கு தெளிவான அறிவுறுத்தல் வழங்கியுள்ளது. சுற்றறிக்கையில், “நமது அன்பு தலைவர் திரு. ரஜினிகாந்த் அவர்களின் பெயரையோ அல்லது புகைப்படத்தையோ எந்த ஒரு கட்சியோ, அமைப்போ பயன்படுத்தக்கூடாது என தலைவரின் நேரடி உத்தரவுப்படி தெரிவிக்கப்படுகிறது” என்று திட்டவட்டமாகக் கூறப்பட்டுள்ளது. ரஜினிகாந்த் ரசிகர்கள் மத்தியில் அரசியல் குழப்பம் ஏற்படுவதைத் தடுக்கவும், அவரது புகழை தவறான வகையில் பயன்படுத்துவதைத் தடுக்கவும் இந்த நடவடிக்கை எடுக்கப்பட்டுள்ளதாக மன்ற தரப்பில் விளக்கம் அளிக்கப்பட்டது. ரஜினிகாந்த் கடந்த சில ஆண்டுகளுக்கு முன்பு அரசியலில் நேரடியாக ஈடுபடப் போவதில்லை…

இரவு நேரத்தில் 21000 மெகாவாட் மின்சாரம் தேவை என்ற அளவில் போதிய மின்சாரம் கை இருப்பில் உள்ளது என்று தமிழ்நாடு மின்வாரிய தலைவர் ராதாகிருஷ்ணன் தெரிவித்துள்ளார். திருவள்ளூர் மாவட்டம் பொன்னேரிக்கு அருகிலுள்ள பஞ்செட்டி துணை மின் நிலையத்தில் தமிழ்நாடு மின்வாரியத் தலைவர் ராதாகிருஷ்ணன் விரிவான ஆய்வு மேற்கொண்டார். மாநிலம் முழுவதும் அறிவிக்கப்படாத மின்வெட்டு தொடரும் நிலையில், துணை மின் நிலையங்களின் கட்டமைப்பு வசதிகள், மின் விநியோக அமைப்பு மற்றும் பராமரிப்புப் பணிகள் குறித்து அவர் அதிகாரிகளிடம் விரிவாக கேட்டறிந்தார். பின்னர் செய்தியாளர்களை சந்தித்த தலைவர் ராதாகிருஷ்ணன், “கடுமையான வெயில் காரணமாக சென்னையில் மின் நுகர்வு இதுவரை இல்லாத உச்சத்தைத் தொட்டுள்ளது. 5008 மெகாவாட் என்ற புதிய உச்சம் பதிவாகியுள்ளது” என்றார். மாநில அளவில் இரவு நேர மின் தேவை சுமார் 21,000 மெகாவாட்டாக உள்ள நிலையில், போதுமான மின் உற்பத்தி மற்றும் கையிருப்பு இருப்பதாக அவர் உறுதிப்படுத்தினார். இருப்பினும், இரவு நேரங்களில்…

முன்னாள் கேப்டன் எம்.எஸ். தோனியை மீண்டும் இந்திய அணியின் மெண்டராக கொண்டு வர பிசிசிஐ தீவிரம் காட்டி வருவதாக தகவல்கள் வெளியாகியுள்ளன. சர்வதேச கிரிக்கெட் உலகில் பெரும் எதிர்பார்ப்பை ஏற்படுத்தியுள்ள ஒரு செய்தி இந்திய ரசிகர்களை உற்சாகப்படுத்தியுள்ளது. உலகக் கோப்பை வெற்றியின் சின்னமாக விளங்கும் மகேந்திர சிங் தோனி, இந்திய தேசிய அணியுடன் மீண்டும் இணையும் சாத்தியம் குறித்து பலமான ஊகங்கள் எழுந்துள்ளன. தற்போதைய தலைமை பயிற்சியாளர் கௌதம் கம்பீர் தலைமையிலான பயிற்சி குழுவுடன் தோனியை மெண்டராக நியமிக்கும் திட்டத்தை பிசிசிஐ தீவிரமாக பரிசீலித்து வருவதாக கிரிக்கெட் வட்டாரங்கள் தெரிவிக்கின்றன. 2027 ஒருநாள் உலகக் கோப்பை தொடரை மையமாகக் கொண்டு நீண்டகால உத்தி வகுக்கும் வகையில் இந்த முயற்சி மேற்கொள்ளப்படுவதாகக் கூறப்படுகிறது. கடந்த சில ஆண்டுகளாக இந்திய அணி நாக்-அவுட் சுற்றுகளில் சந்தித்து வரும் சவால்களை சரிசெய்ய இந்த அனுபவசாலியின் பங்களிப்பு மிகவும் அவசியம் என நிர்வாகிகள் நம்புகின்றனர். குறிப்பாக, அழுத்தமான…