ஆஷஸ் டெஸ்ட் கிரிக்கெட் தொடரில் ஜோப்ரா ஆர்ச்சர் விலகியுள்ளார்.
இங்கிலாந்து கிரிக்கெட் அணி ஆஸ்திரேலியாவில் சுற்றுப்பயணம் செய்து 5 ஆட்டங்கள் கொண்ட பாரம்பரிமிக்க ஆஷஸ் டெஸ்ட் தொடரில் விளையாடி வருகிறது.முதல் 3 போட்டிகளிலும் தோல்வி அடைந்த இங்கிலாந்து அணி தொடரை 0-3 என இழந்துள்ளது. 4-வது போட்டியான பாக்ஸிங் டே டெஸ்ட் நாளை (26-ம் தேதி) மெல்பர்ன் கிரிக்கெட் மைதானத்தில் தொடங்குகிறது.
இந்த போட்டிக்கான விளையாடும் லெவனை இங்கிலாந்து அணி நிர்வாகம் நேற்று அறிவித்தது. இதில் முன்னணி வேகப்பந்து வீச்சாளரான ஜோப்ரா ஆர்ச்சர் காயம் காரணமாக விலகி உள்ளார். ஜனவரி 4-ம் தேதி தொடங்கும் கடைசி டெஸ்ட் போட்டியிலும் அவர், விளையாடமாட்டார் என தெரிவிக்கப்பட்டுள்ளது.
ஜோப்ரா ஆர்ச்சருக்கு பதிலாக விளையாடும் லெவனில் கஸ் அட்கின்சன் சேர்க்கப்பட்டுள்ளார். மேலும் பேட்டிங்கில் 3-வது இடத்தில் களமிறங்கும் ஆலி போப் நீக்கப்பட்டு அவருக்கு பதிலாக ஜேக்கப் பெத்தேல் சேர்க்கப்பட்டுள்ளார்.
அணி விவரம்: பென் ஸ்டோக்ஸ் (கேப்டன்), ஸாக் கிராவ்லி, பென் டக்கெட், ஜேக்கப் பெத்தேல், ஜோ ரூட், ஹாரி புரூக், ஜேமி ஸ்மித், வில் ஜேக்ஸ், கஸ் அட்கின்சன், பிரைடன் கார்ஸ், ஜோஷ் டங்.
