சென்னையில் ஆபரணத் தங்கத்தின் விலை இன்று காலை உயர்வை பதிவு செய்த நிலையில், மாலையில் திடீர் சரிவை சந்தித்தது.
சென்னையில் இன்று ஆபரணத் தங்கத்தின் விலை கணிசமான ஏற்ற, இறக்கங்களை சந்தித்தது. காலை வர்த்தகத்தில் ஒரு கிராம் தங்கம் ரூ.30 உயர்ந்து விற்பனையான நிலையில், மாலை நேரத்தில் கிராமுக்கு ரூ.110 குறைந்தது.
இதையடுத்து, ஒரு கிராம் ஆபரணத் தங்கம் ரூ.13,950-க்கும், ஒரு சவரன் (8 கிராம்) ரூ.1,11,600-க்கும் விற்பனையாகிறது. காலை நேரத்தில் சவரனுக்கு ரூ.240 உயர்வு ஏற்பட்டிருந்த நிலையில், மாலையில் ரூ.880 சரிந்தது குறிப்பிடத்தக்கது.
சர்வதேச சந்தையில் நிலவும் விலை மாற்றங்கள், அமெரிக்க டாலரின் மதிப்பு மற்றும் முதலீட்டாளர்களின் வர்த்தக போக்கு ஆகியவை தங்க விலையில் தொடர்ந்து தாக்கத்தை ஏற்படுத்தி வருகின்றன. ஒரே நாளில் தங்கம் விலை ஏற்றத்தையும், இறக்கத்தையும் பதிவு செய்திருப்பது நகை வியாபாரிகள் மற்றும் முதலீட்டாளர்களிடையே கவனத்தை ஈர்த்துள்ளது.
