கன்னட திரையுலகின் சூப்பர் ஸ்டாரான சிவராஜ்குமாரின் பிறந்தநாளை முன்னிட்டு, அவர் கதாநாயகனாக நடிக்கும் பான்-இந்தியா திரைப்படமான ‘Welcome to Wildlife’ படத்தின் அதிகாரப்பூர்வ ஃபர்ஸ்ட் லுக் போஸ்டர் வெளியாகியுள்ளது.
இப்படத்தின் ஃபர்ஸ்ட் லுக் போஸ்டரை சிவராஜ்குமார் மற்றும் அவரது மனைவி கீதா சிவராஜ்குமார் ஆகிய இருவரும் இணைந்து வெளியிட்டனர். போஸ்டரில் சிவராஜ்குமார் இதுவரை இல்லாத ஒரு புதிய மற்றும் மிகவும் இளமையான கெட்டப்பில் காட்சியளிக்கிறார். ஒரு கையில் கேமராவையும், மற்றொரு கையில் சிங்கக் குட்டியையும் ஏந்தியிருக்கும் அவரது மாஸான தோற்றம் ரசிகர்களிடையே மிகப்பெரிய வரவேற்பைப் பெற்றுள்ளது.
தமிழில் அட்டகத்தி தினேஷ், ஐஸ்வர்யா ராஜேஷ் நடித்த ‘திருடன் போலீஸ்’, தெலுங்கில் சந்தீப் கிஷன் நடித்த ‘நினு வீதனி நீ தானு நேனே’ மற்றும் சமீபத்தில் வெளியான ‘சிங்கிள்’ (Single) உள்ளிட்ட வெற்றிப்படங்களை இயக்கிய கார்த்திக் ராஜூ இத்திரைப்படத்தை இயக்குகிறார்.
மிகப்பெரிய பட்ஜெட்டில் பான்-இந்தியா திரைப்படமாக உருவாகி வரும் இந்தப் படத்தை KVK Productions சார்பில் தயாரிப்பாளர் குடிபுடி விஜய் குமார் தயாரிக்கிறார். படத்தின் மற்ற நடிகர், நடிகைகள், தொழில்நுட்பக் கலைஞர்கள் மற்றும் படப்பிடிப்பு தொடக்கம் குறித்த அதிகாரப்பூர்வ அறிவிப்புகள் மிக விரைவில் வெளியாகும் என தெரிவிக்கப்பட்டுள்ளது.
