2026 காமன்வெல்த் விளையாட்டுப் போட்டியில், பளுதூக்குதலில் 85 கிலோ எடையைத் தூக்கி மீராபாய் சானு இந்தியாவுக்கு முதல் தங்கம் பெற்றுத் தந்து அசத்தி உள்ளார்.
ஸ்காட்லாந்தின் கிளாஸ்கோவில் நடைபெற்று வரும் 2026 காமன்வெல்த் விளையாட்டுப் போட்டியில், மகளிர் 48 கிலோ எடைப்பிரிவு பளுதூக்குதலில் இந்திய நட்சத்திர வீராங்கனை மீராபாய் சானு புதிய காமன்வெல்த் சாதனையைப் படைத்துள்ளார். மகளிருக்கான 48 கிலோ எடைப்பிரிவின் ஸ்னாட்ச் சுற்றில், மீராபாய் சானு 85 கிலோ எடையைத் தூக்கிப் புதிய காமன்வெல்த் போட்டிகள் மற்றும் காமன்வெல்த் சாதனையைத் தன் வசப்படுத்தினார்.
முதல் முயற்சியில் 82 கிலோ எடையைத் தூக்கும் முயற்சி தவறியபோதிலும், இரண்டாவது முயற்சியில் அதைச் சிறப்பாகத் தூக்கினார். பின்னர் தனது இறுதி முயற்சியில் 85 கிலோ எடையைத் தூக்கி வரலாற்றுச் சாதனை புரிந்தார். கிளீன் அண்ட் ஜெர்க் பிரிவில் 105 கிலோ எடையைத் தூக்கி, ஒட்டுமொத்தமாக 190 கிலோ எடையுடன் 2026 காமன்வெல்த் போட்டியில் இந்தியாவிற்கான முதல் தங்கப் பதக்கத்தைக் கைப்பற்றினார்.
நைஜீரியாவின் ரூத் அஸுகோ நியாங் (168 கிலோ) வெள்ளிப் பதக்கத்தையும், மலேசியாவின் ஐரீன் ஜேன் ஹென்றி (167 கிலோ) வெண்கலப் பதக்கத்தையும் வென்றனர்.
இதன் மூலம் காமன்வெல்த் போட்டிகளில் தொடர்ச்சியாக 3-வது முறையாகத் தங்கம் வென்று வரலாற்றுச் சாதனை படைத்துள்ளார் (2018 கோல்ட் கோஸ்ட், 2022 பர்மிங்ஹாம் மற்றும் 2026 கிளாஸ்கோ).
