மெஸ்ஸி நிகழ்வில் கலவரம் நடந்ததை தொடர்ந்து மேற்கு வங்க விளையாட்டுத் துறை அமைச்சர் அரூப் பிஸ்வாஸ் தனது பதவியில் இருந்து விலக முன்வந்துள்ளார் என்று திரிணாமுல் காங்கிரஸ் செய்தித் தொடர்பாளர் குணால் கோஷ் தெரிவித்தார்.
சனிக்கிழமை (டிசம்பர் 13) கொல்கத்தாவின் சால்ட் லேக் மைதானத்திற்கு அர்ஜென்டினா கால்பந்து ஜாம்பவான் லியோனல் மெஸ்ஸி வருகையை ரசிகர்கள் ஆவலுடன் எதிர்பார்த்துக் காத்திருந்தனர் . பலர் விலையுயர்ந்த டிக்கெட்டுகளை வாங்கியிருந்தனர், ஆனால் மெஸ்ஸி வந்தபோது, அவரை அரசியல்வாதிகள், காவல்துறை அதிகாரிகள், விஐபிக்கள் கூட்டம் சூழ்ந்தது . இதனால் பார்வையாளர்கள் அவரை பார்க்க முடியாத நிலை ஏற்பட்டது. இதனால் ஆத்திரமடைந்த ரசிகர்கள் மைதானத்தை சூறையாடினர்.
நிலைமை கட்டுக்கடங்காமல் போனபோது, போலீசார் பெரும் தடியடி நடத்தினர். ஒழுங்கை மீட்டெடுக்க விரைவு அதிரடிப் படை ( RAF ) வீரர்கள் நிறுத்தப்பட்டனர். இந்த குழப்பத்தைத் தொடர்ந்து, மெஸ்ஸி திட்டமிட்ட நேரத்திற்கு முன்னதாகவே மைதானத்தை விட்டு வெளியேறினார். இந்த சம்பவம் தொடர்பாக நிகழ்வின் முக்கிய அமைப்பாளர் சதத்ரு தத்தா கைது செய்யப்பட்டுள்ளார்.
இந்த சம்பவம் நாடு முழுவதும் அதிர்வலைகளை ஏற்படுத்தியது. மெஸ்ஸி நிகழ்வில் கலவரம் நடந்ததை தொடர்ந்து மேற்கு வங்க விளையாட்டுத் துறை அமைச்சர் அரூப் பிஸ்வாஸ் தனது பதவியில் இருந்து விலக முன்வந்துள்ளார் என்று திரிணாமுல் காங்கிரஸ் செய்தித் தொடர்பாளர் குணால் கோஷ் தெரிவித்தார். இதுதொடர்பாக பிஸ்வாஸ் முதல்வர் மம்தா பானர்ஜிக்கு எழுதிய கடிதத்தை குணால் கோஷ் பகிர்ந்துகொண்டுள்ளார். அதில், “விளையாட்டுத் துறை அமைச்சர் அரூப் பிஸ்வாஸ், விளையாட்டுத் துறையின் பொறுப்பிலிருந்து தன்னை விடுவிக்குமாறு கோரிக்கை விடுத்துள்ளார்.
“அக்கா, என் வணக்கங்களைத் ஏற்றுக்கொள்ளுங்கள். டிசம்பர் 13, 2025 அன்று, உலகப் புகழ்பெற்ற கால்பந்து வீரர் மெஸ்ஸி விவேகானந்த யுவ பாரதி கிரிராங்கனத்திற்கு வந்தபோது ஒரு விரும்பத்தகாத சூழ்நிலை ஏற்பட்டது. நீங்கள் ஏற்கனவே ஒரு விசாரணைக்குழுவை அமைத்துள்ளீர்கள். ஒரு பாரபட்சமற்ற விசாரணைக்காக, மேற்கு வங்கத்தின் விளையாட்டுத் துறை அமைச்சர் பதவியில் இருந்து என்னை விடுவிக்க விரும்புகிறேன். எனது இந்த கோரிக்கையை நீங்கள் ஏற்றுக்கொள்ள வேண்டும் என்று கேட்டுக்கொள்கிறேன்,” என்று பிஸ்வாஸ் அந்தக் கடிதத்தில் எழுதியதாகக் கூறப்படுகிறது. இருப்பினும், அந்தக் கடிதம் பிஸ்வாஸின் அதிகாரப்பூர்வ கடிதத் தாளில் எழுதப்படவில்லை. மேலும், ராஜினாமா கோரிக்கை ஏற்றுக்கொள்ளப்பட்டதா என்பது குறித்து முதலமைச்சர் அலுவலகத்திலிருந்து உடனடி உறுதிப்படுத்தல் எதுவும் இல்லை.
மேலும், திரிணாமுல் காங்கிரஸின் மூத்த தலைவரும், முதலமைச்சரின் நெருங்கிய நண்பருமான பிஸ்வாஸ், இந்த விவகாரம் குறித்து இதுவரை எந்தப் பொது அறிக்கையும் வெளியிடவில்லை என்பது குறிப்பிடத்தக்கது.
முன்னதாக, சால்ட் லேக் ஸ்டேடியம் சேதப்படுத்தல் குறித்து விசாரிக்க நான்கு பேர் கொண்ட சிறப்பு புலனாய்வுக் குழு (SIT) அமைக்கப்பட்டுள்ளது. மேற்கு வங்க தலைமைச் செயலாளர் மனோஜ் பந்த், மூத்த ஐபிஎஸ் அதிகாரிகள் கொண்ட நான்கு பேர் கொண்ட சிறப்புப் புலனாய்வுக் குழுவை அமைத்தார். பிதான்நகர் டிசிபி அனிஷ் சர்க்கார் கடமை தவறியதற்காக இடைநீக்கம் செய்யப்பட்டுள்ளதாகவும், துறை ரீதியான நடவடிக்கைகள் தொடங்கப்பட்டுள்ளதாகவும் தலைமைச் செயலாளர் தெரிவித்தார்.
பிதான்நகர் டிசிபி அனிஷ் சர்க்கார் கடமை தவறியதற்காக இடைநீக்கம் செய்யப்பட்டுள்ளதாகவும் , துறை ரீதியான நடவடிக்கைகள் தொடங்கப்பட்டுள்ளதாகவும் தலைமைச் செயலாளர் தெரிவித்தார். வங்காள விளையாட்டு செயலாளர் ராஜேஷ் குமார் சின்ஹாவுக்கு விளக்கம் கேட்டு நோட்டீஸ் அனுப்பப்பட்டுள்ளதாகவும் , சால்ட் லேக் ஸ்டேடியம் தலைமை நிர்வாக அதிகாரி டி.கே. நந்தனின் சேவைகள் திரும்பப் பெறப்பட்டுள்ளதாகவும் அவர் கூறினார்.
