சர்வதேச முத்த தினத்தையொட்டி, பிரேசிலை சேர்ந்த காதல் ஜோடிகளான ரீனாட்டோ மற்றும் நயாரா ஒரு புதிய கின்னஸ் உலக சாதனையைப் படைத்துள்ளனர். இவர்கள் தங்களின் அன்பை வெளிப்படுத்தும் விதமாக மேற்கொண்ட இந்த முயற்சியில், வெறும் 30 விநாடிகளுக்குள் நயாராவின் கன்னத்தில் ரீனாட்டோ 195 முறை முத்தமிட்டு அசத்தியுள்ளார். இந்த அதிரடியான சாதனை முயற்சி, உலகளவில் இணையவாசிகளின் கவனத்தை ஈர்த்து சமூக வலைதளங்களில் வைரலாகப் பரவி வருகிறது.
இதற்கு முன்னதாக, ஒரு நிமிடத்தில் அதிக முத்தங்கள் கொடுத்த சாதனையை ஜப்பானைச் சேர்ந்த யோஷிடா மற்றும் குமிகோ ஆகிய ஜோடி 277 முத்தங்களுடன் தங்கள் வசம் வைத்துள்ளனர். அந்தச் சாதனையை முறியடிக்கும் வகையில், தற்போது இந்த பிரேசில் ஜோடி மிக வேகமான கால இடைவெளியில் அதிக முத்தங்களை அளித்து கின்னஸ் புத்தகத்தில் தங்களின் பெயரைப் பதிவு செய்துள்ளனர்.
