ஐபிஎல் 41வது லீக் போட்டியில் 6 விக்கெட்டுகள் வித்தியாசத்தில் மும்பை அணியை வீழ்த்தி ஐதராபாத் அணி அபார வெற்றி பெற்றது.
10 அணிகள் பங்கேற்றுள்ள 19வது ஐபிஎல் கிரிக்கெட் தொடரில் 41வது லீக் போட்டி மும்பை வான்கடே மைதானத்தில் நேற்று (29.04.2026) நடைபெற்றது. 5 முறை சாம்பியன் பட்டம் வென்ற மும்பை இந்தியன்ஸ், முன்னாள் சாம்பியன் ஐதராபாத் சன்ரைசர்ஸ் ஆகிய அணிகள் மோதின.
டாஸ் வென்ற மும்பை அணியின் கேப்டன் ஹர்திக் பாண்டியா, பேட்டிங்கை தேர்வு செய்தார். தொடக்கம் முதலே அதிரடியாக ஆடிய ரிக்கல்டன் 55 பந்துகளில் 121 ரன்கள் எடுத்தார். 20 ஓவர்கள் முடிவில் 5 விக்கெட் இழப்புக்கு மும்பை அணி 243 ரன்கள் எடுத்தது. பிரஃபுல் ஹிங்கே 8 விக்கெட்டுகளையும், ஈஷான் மலிங்கா, சகிப் ஹூசைன், நிதிஷ்குமார் ரெட்டி ஆகியோர் தலா ஒரு விக்கெட்டையும் வீழ்த்தினர்.
244 ரன்கள் எடுத்தால் வெற்றி என்ற இலக்குடன் களமிறங்கிய ஐதராபாத் அணியின் தொடக்க வீரர்கள் அபிஷேக் ஷர்மா 45 ரன்களும், டிராவிஸ் ஹெட் 76 ரன்களும் எடுத்து அதிரடி தொடக்கம் கொடுத்தனர். அடுத்த வந்த வீரர்கள் நிதான ஆட்டம் தந்து அணியை வெற்றிப் பாதைக்கு அழைத்துச் சென்றனர். இறுதியில் 18.4 ஓவரில் ஐதராபாத் அணி 244 ரன்களை எடுத்து மும்பை அணியை வீழ்த்தி அபார வெற்றி பெற்றது. மும்பை தரப்பில் கஸான்ஃபர் 2 விக்கெட்டுகளும், டிரென்ட் போல்ட், பாண்டியா ஆகியோர் தலா ஒரு விக்கெட்டையும் கைப்பற்றினர்.
புள்ளிப்பட்டியலில் 6 வெற்றிகளுடன் ஐதராபாத் அணி 3வது இடத்திலும், 2 வெற்றிகள் பெற்று மும்பை அணி 9வது இடத்திலும் உள்ளது.
