உலகக் கோப்பை கால்பந்து தொடர் அமெரிக்கா உள்ளிட்ட பகுதிகளில் விறுவிறுப்பாக நடைபெற்று வருகிரது. இன்று நடைபெற்ற குரூப் சி பிரிவு லீக் ஆட்டத்தில் பிரேசில் அணி 3-0 என்ற கோல் கணக்கில் வெற்றி பெற்றது. ஆட்டத்தின் முதல் பாதி முடிவடையும் முன்பே பிரேசில் வீரர் ரபின்ஹாவுக்கு காயம் ஏற்பட்டது. அதனால் அவர் ஆட்டத்தை தொடர முடியாமல் வெளியேறினார்.
அவருக்கு பதிலாக ரயன் களமிறக்கப்பட்டார். இதன்மூலம் ரயன் உலகக் கோப்பை கால்பந்து தொடரில் அறிமுகமானார். பிரேசில் அணியின் நட்சத்திர வீரர் நெய்மார் ஏற்கனவே காயம் காரணமாக அணிக்கு திரும்பாத நிலையில், ரபின்ஹாவுக்கும் காயம் ஏற்பட்டுள்ளது ரசிகர்களிடையே அதிர்ச்சியை ஏற்படுத்தியுள்ளது.
ரபின்ஹாவின் காயம் எவ்வளவு தீவிரமானது என்பது குறித்து இதுவரை அதிகாரப்பூர்வ தகவல் வெளியாகவில்லை. மருத்துவ பரிசோதனைகளுக்கு பிறகே அவர் அடுத்த போட்டிகளில் விளையாடுவாரா என்பது குறித்த தகவல் வெளியாகும் எனக் கூறப்படுகிறது.
