முதலமைச்சர் விஜய் நடிப்பில் வெளியாகி உள்ள ஜனநாயகன் திரைப்படம் கடந்த 5 நாளில் ரூ.233 கோடி வசூலித்துள்ளதாக தகவல் வெளியாகி உள்ளது.
கே.வி.என் புரொடக்சன்ஸ் நிறுவனத்தின் தயாரிப்பில் எச்.வினோத் இயக்கத்தில், தமிழக முதலமைச்சர் விஜய்யின் கடைசித் திரைப்படம் என அறிவிக்கப்பட்ட ‘ஜனநாயகன்’ ஜூலை 23-ம் தேதி உலகம் முழுவதும் திரையரங்குகளில் வெளியானது. விஜய்யின் திரையுலக பயணத்தின் கடைசிப் படம் என்பதால், இப்படம் மீது பெரும் எதிர்பார்ப்பு நிலவியது. சமூக வலைதளங்களில் இப்படம் 5 நாட்களில் ரூ.233 கோடி வசூலித்துள்ளதாகத் தகவல்கள் வெளியாகி உள்ளது.
அரசியலில் முழுநேரமாகக் களமிறங்குவதற்கு முன்பு விஜய் நடித்த கடைசித் திரைப்படம் என்பதால், இந்தப் படம் பல முக்கிய அம்சங்களைக் கொண்டுள்ளது. எச்.வினோத் இயக்கத்தில் உருவாகியுள்ள இப்படம், தெலுங்கில் வெளியான ‘பகவந்த் கேசரி’ படத்தின் தழுவலாக இருந்தாலும், தமிழக ரசிகர்களுக்கு ஏற்பப் பல மாற்றங்களுடன் திரைக்கதை அமைக்கப்பட்டுள்ளது. இப்படத்தில் விஜய்யுடன் பூஜா ஹெக்டே, பாபி தியோல், மமிதா பைஜூ, பிரகாஷ் ராஜ், கௌதம் வாசுதேவ் மேனன் உள்ளிட்ட பலர் முக்கியக் கதாபாத்திரங்களில் நடித்துள்ளனர். அனிருத் இசையமைத்துள்ள இப்படம், அரசியல் மற்றும் அதிரடி கலந்த சமூகப் படமாக உருவாக்கப்பட்டுள்ளது.
கடந்த பொங்கல் தினத்தை முன்னிட்டு வெளியாக திட்டமிடப்பட்டிருந்த ஜனநாயகன் திரைப்படம் தணிக்கை வாரியத்தின் பிரச்சனை தொடர்பாக நீதிமன்றம் வரை சென்று, நீண்ட போராட்டங்களுக்குப் பிறகு கடந்த 23ம் தேதி வெளியானது குறிப்பிடத்தக்கது.
