நடப்பு கல்வியாண்டின் பொறியியல் சேர்க்கைக்கான பொதுக்கலந்தாய்வு தொடக்கம்..! 

என்ஜினியரிங் மாணவர் சேர்க்கைக்கான பொதுக்கலந்தாய்வு ஆன்லைன் வாயிலாக தொடங்கியது.

நடப்பு கல்வியாண்டில் என்ஜினியரிங் படிப்பில் அரசு ஒதுக்கீட்டில் உள்ள இடங்களில் சேர 2.45 லட்சம் மாணவர்கள் விண்ணப்பித்தனர். சான்றிதழ் சரிபார்ப்புக்கு பிறகு அவர்களில் 2.36 லட்சம் பேர் தகுதி பெற்றனர். அவர்களது தரவரிசைப்பட்டியல் ஜூலை 1-ம் தேதி வெளியிடப்பட்டது. இதைத்தொடர்ந்து, முதல்கட்டமாக அரசுப்பள்ளி மாணவர்களுக்கான 7.5 சதவீத உள்ஒதுக்கீட்டு பிரிவில் சிறப்பு பிரிவினருக்கான (மாற்றுத் திறனாளிகள், விளையாட்டு வீரர்கள், முன்னாள் ராணுவத்தினரின் குழந்தைகள்) இணையவழி கலந்தாய்வு கடந்த 13, 14-ம் தேதிகளில் நடத்தப்பட்டது. அதன்மூலம் 137 பேருக்கு கல்லூரி ஒதுக்கீட்டு ஆணை வழங்கப்பட்டது. அதன்பிறகு, சிறப்பு பிரிவினருக்கான பொதுக் கலந்தாய்வு 15-ம் தேதி தொடங்கி 18-ம் தேதி முடிவடைந்தது.

இந்நிலையில், பொறியியல் படிப்புக்கான இணையவழி பொதுக்கலந்தாய்வு ஏற்கெனவே அறிவித்தபடி, இன்று (20-ம் தேதி) தொடங்கியது. ஆக.30-ம் தேதி வரை இந்த கலந்தாய்வு 3 சுற்றுகளாக நடைபெறும். முதல் சுற்று கலந்தாய்வு இன்று தொடங்குகிறது. இதில் பங்கேற்கும் மாணவர்கள் விரும்பும் கல்லூரி, பாடப்பிரிவை தேர்வு செய்ய இன்று காலை 10 மணி முதல் 22-ம் தேதி மாலை 5 மணி வரை அவகாசம் அளிக்கப்பட்டுள்ளது. அவர்களுக்கான தற்காலிக ஒதுக்கீடு 24-ம் தேதி காலை 10 மணிக்கு வெளியிடப்பட்டும். அதை அவர்கள் 25-ம் தேதி மாலை 5 மணிக்குள் உறுதிப்படுத்த வேண்டும். அவ்வாறு உறுதி செய்த மாணவர்களுக்கு கல்லூரி ஒதுக்கீட்டு ஆணை 26-ம் தேதி காலை 10 மணிக்கு இணையவழியில் வழங்கப்படும். இதே முறையில் 2, 3-வது சுற்று கலந்தாய்வும் நடத்தப்படும்.

முதல் சுற்று கலந்தாய்வு இன்று தொடங்கியது. 418 கல்லூரிகளில் 1,98,825தமிழ்நாடு பொறியியல் மாணவர் சேர்க்கை பொதுக்கலந்தாய்வின் முதல் சுற்றுக்கான கல்லூரி மற்றும் பாடப்பிரிவு தேர்வு இன்று தொடங்கியுள்ளது. இந்த நடைமுறை ஜூலை 22 வரை நடைபெறும். முதல் சுற்றில் பங்கேற்க பொதுப்பிரிவு கட் ஆஃப் 200 முதல் 171.333 வரை என தெரிவிக்கப்பட்டுள்ளது. தரவரிசை 1 முதல் 37,976 வரை எனவும், அரசுப்பள்ளி 7.5% உள் ஒதுக்கீட்டின் கீழ், மேற்கண்ட கட்-ஆஃப் மற்றும் தரவரிசை பெற்ற தகுதியான மாணவர்கள் எனவும் தெரிவிக்கப்பட்டுள்ளது. அனைத்து தொழிற்கல்வி மாணவர்களள் பொதுப்பிரிவு மற்றும் அரசு பள்ளி 7.5% ஒதுக்கீடு ஆகிய இரு பிரிவினரும் ஒரே சுற்றில் பங்கேற்கலாம்.

சிறப்பு ஒதுக்கீட்டை பொறுத்தவரை,

*மாற்றுத்திறனாளிகள்-258
*விளையாட்டு வீரர்கள்-416
*முன்னாள் ராணுவத்தினரின் வாரிசுகள்-139.

இந்த ஆண்டு TNEA 2026-ல் கலந்தாய்வில் பங்கேற்கும் கல்லூரிகள்-418 மொத்த என்ஜினியரிங் இடங்கள்-1,98,825 என தெரிவிக்கப்பட்டுள்ளது.