Author: Editor web3

2026 தமிழகச் சட்டமன்றத் தேர்தலை முன்னிட்டு, நடிகர் விஜய்யின் தமிழக வெற்றிக் கழகம் தனது வேட்பாளர் பட்டியலைத் தயார் செய்துவிட்டதாகத் தகவல்கள் வெளியாகியுள்ளன. கட்சித் தலைவர் விஜய், தான் ஏற்கனவே அறிவித்தபடி இரண்டு தொகுதிகளில் போட்டியிடத் திட்டமிட்டுள்ளார். அதன்படி, வடசென்னையின் முக்கியத் தொகுதியான பெரம்பூர் மற்றும் மத்திய தமிழகத்தின் மையமான திருச்சி கிழக்கு ஆகிய தொகுதிகள் அவற்றுக்காகத் தேர்வு செய்யப்பட்டுள்ளதாகக் கூறப்படுகிறது. சென்னையில் ஒரு தொகுதி மற்றும் டெல்டா மண்டலத்தில் ஒரு தொகுதி என அவர் களம் காண்பது, மாநிலம் தழுவிய அளவில் கட்சிக்கு வலுசேர்க்கும் வியூகமாகக் கருதப்படுகிறது. கட்சியின் இரண்டாம் கட்டத் தலைவர்களுக்கும் அவர்கள் போட்டியிட வேண்டிய தொகுதிகள் குறித்த அறிவுறுத்தல்கள் வழங்கப்பட்டுள்ளதாகத் தெரிகிறது. கட்சியின் பொதுச்செயலாளர் புஸ்ஸி ஆனந்த் சென்னை தி.நகர் தொகுதியிலும், தேர்தல் மேலாண்மைப் பொறுப்புகளைக் கவனித்து வரும் ஆதவ் அர்ஜுனா வில்லிவாக்கம் தொகுதியிலும் போட்டியிட வாய்ப்புள்ளதாகத் தகவல்கள் கசிகின்றன. மேலும், சமீபத்தில் கட்சியில் இணைந்த சீனியர்…

நாடாளுமன்ற பட்ஜெட் கூட்டத்தொடரின் இரண்டாம் கட்ட அமர்வு இன்று (மார்ச் 9) தொடங்கிய நிலையில், மேற்காசியாவில் நிலவும் போர்ச் சூழல் மற்றும் அதன் காரணமாக கச்சா எண்ணெய் விலையில் ஏற்பட்டுள்ள தாக்கம் குறித்து வெளியுறவுத்துறை அமைச்சர் எஸ்.ஜெய்சங்கர் ராஜ்யசபாவில் விளக்கமளித்தார். ஈரானுக்கும் அமெரிக்க-இஸ்ரேல் தரப்புக்கும் இடையே போர் தீவிரமடைந்துள்ள நிலையில், சர்வதேச சந்தையில் கச்சா எண்ணெய் விலை உயர்ந்து வருவது குறித்து இந்தியா மிகவும் விழிப்புடன் இருப்பதாக அவர் தெரிவித்தார். இந்தியாவின் எரிசக்தி பாதுகாப்பை உறுதி செய்யத் தேவையான அனைத்து முன்னெச்சரிக்கை நடவடிக்கைகளையும் மத்திய அரசு எடுத்து வருவதாக அவர் உறுதியளித்தார். இந்த விவகாரத்தை பிரதமர் நரேந்திர மோடி மிகவும் உன்னிப்பாகக் கவனித்து வருவதாகவும், இதற்காக அமைச்சரவைக் குழுவின் பாதுகாப்பு ஆலோசனைக் கூட்டம் ஏற்கனவே நடத்தப்பட்டதாகவும் ஜெய்சங்கர் தெரிவித்தார். மேற்காசிய நாடுகளில் சுமார் ஒரு கோடி இந்தியர்கள் வாழ்ந்து வருவதால், அவர்களது பாதுகாப்புதான் இந்தியாவின் முதல் முன்னுரிமை என்று குறிப்பிட்ட அவர்,…

டெல்லியில் வரும் மார்ச் 14-ம் தேதி பாஜகவின் மிக உயரிய முடிவெடுக்கும் அமைப்பான ‘ஆட்சிமன்றக் குழு’ கூட்டம் நடைபெற உள்ளது. 2026-ம் ஆண்டு நடைபெறவுள்ள தமிழ்நாடு, கேரளா, மேற்குவங்கம், புதுச்சேரி மற்றும் அசாம் ஆகிய 5 மாநில சட்டமன்றத் தேர்தல்களை மையமாக வைத்தே இந்த ஆலோசனைக் கூட்டம் கூட்டப்படவுள்ளது. குறிப்பாக, தமிழகத்தில் நிலவும் தற்போதைய அரசியல் சூழலில், அதிமுக மற்றும் தமிழக வெற்றிக் கழகம் ஆகிய கட்சிகளுடனான கூட்டணி சாத்தியக்கூறுகள் குறித்து இக்கூட்டத்தில் விரிவாக விவாதிக்கப்பட உள்ளது. பிரதமர் நரேந்திர மோடி தலைமையில் நடைபெறும் இக்கூட்டத்தில், மத்திய உள்துறை அமைச்சர் அமித்ஷா, பாஜக தேசியத் தலைவர் நிதின் நபின் மற்றும் ஆட்சிமன்றக் குழு உறுப்பினர்கள் பங்கேற்கின்றனர். தமிழகத்தைப் பொறுத்தவரை, வேட்பாளர் தேர்வு மற்றும் தொகுதிப் பங்கீடு தொடர்பான முதற்கட்டப் பட்டியலைத் தயாரிப்பது குறித்து மாநிலத் தலைவர்களுடன் ஆலோசிக்கப்பட உள்ளது. குறிப்பாக, பாஜக தேசிய மகளிர் அணித் தலைவியும், ஆட்சிமன்றக் குழு உறுப்பினருமான…

டி20 உலகக்கோப்பை இறுதிப்போட்டிக்கு முன்னதாக இந்திய அணியின் கேப்டன் சூர்யகுமார் யாதவ் சர்வதேச கிரிக்கெட்டிலிருந்து ஓய்வு பெறப்போவதாகப் பரவிய வதந்திகளுக்கு, அவர் தற்போது முற்றுப்புள்ளி வைத்துள்ளார். நியூசிலாந்துக்கு எதிரான இறுதிப்போட்டியில் இந்திய அணி அபார வெற்றி பெற்று சாம்பியன் பட்டம் வென்ற பிறகு செய்தியாளர்களைச் சந்தித்த சூர்யகுமார், தனது ஓய்வு குறித்த கேள்விகளுக்கு மிகவும் கலகலப்பாகப் பதிலளித்தார். “எல்லாம் சிறப்பாகச் சென்றுகொண்டிருக்கும்போது, இப்போது ஏன் ஓய்வு பற்றி யோசிக்க வேண்டும்?” என்று சிரித்துக்கொண்டே பதிலளித்த அவர், தான் இன்னும் பல ஆண்டுகள் விளையாட விரும்புவதை உறுதிப்படுத்தினார். சூர்யகுமார் யாதவ் 35 வயதை எட்டியுள்ளதாலும், 2024-ல் ரோஹித் சர்மா உலகக்கோப்பை வெற்றிக்குப் பின் ஓய்வை அறிவித்ததைப் போல இவரும் அறிவிப்பார் என்றும் சமூக வலைதளங்களில் செய்திகள் வைரலாகின. ஆனால், இந்த வதந்திகளைப் பொய்யாக்கும் விதமாக தனது அடுத்தகட்ட இலக்குகளை அவர் பட்டியலிட்டுள்ளார். குறிப்பாக, 2028-ம் ஆண்டு லாஸ் ஏஞ்சல்ஸ் நகரில் நடைபெறவுள்ள ஒலிம்பிக்…

சிவகங்கை மாவட்டம் மானாமதுரையில் விசாரணைக்காக அழைத்துச் செல்லப்பட்ட ஆகாஷ்  என்ற இளைஞர் உயிரிழந்த சம்பவம் தமிழகம் முழுவதும் பெரும் கொந்தளிப்பை ஏற்படுத்தியுள்ளது. சியோன் நகரில் நடந்த ஒரு தாக்குதல் சம்பவம் தொடர்பாக விசாரணைக்கு அழைத்துச் செல்லப்பட்ட ஆகாஷ், போலீசாரின் சித்திரவதையால்தான் உயிரிழந்தார் என்று அவரது குடும்பத்தினர் குற்றம் சாட்டியுள்ளனர். காவல்துறையினர் அவர் தப்ப முயன்றபோது கால் முறிந்ததாகக் கூறினாலும், “அவரைத் தனியாகக் காட்டுப்பகுதிக்கு அழைத்துச் சென்று கல்லால் கால்களை நசுக்கிப் போலீசார் அடித்தனர்” என ஆகாஷின் தந்தை பரபரப்பு புகாரை முன்வைத்துள்ளார். இந்த விவகாரத்தில் ஆகாஷின் மரணத்திற்கு நீதி கேட்டு உறவினர்களும், பல்வேறு அமைப்புகளும் மதுரை – ராமேஸ்வரம் நான்கு வழிச்சாலையில் விடிய விடிய மறியல் போராட்டத்தில் ஈடுபட்டனர். “குற்றவாளிகளான போலீசார் மீது கொலை வழக்கு பதிவு செய்ய வேண்டும், அதுவரை ஆகாஷின் உடலை வாங்க மாட்டோம்” என அவர்கள் உறுதியாகப் போராடி வந்தனர். விகேசி தலைவர் திருமாவளவன், பாமக தலைவர்…

அமெரிக்க அதிபர் டொனால்ட் டிரம்ப், ஈரான் மீதான ராணுவத் தாக்குதலால் உலகளவில் கச்சா எண்ணெய் விலை உயர்ந்து வருவது குறித்து தனது பிரத்யேக சமூக வலைதளமான ‘ட்ரூத் சோஷியல்’ பக்கத்தில் அதிரடியான கருத்தைப் பதிவு செய்துள்ளார். ஈரான் போர் காரணமாக பெட்ரோல், டீசல் விலைகள் ராக்கெட் வேகத்தில் உயர்ந்து வருவதை அவர் பெரிதாகக் கருதவில்லை. மாறாக, கச்சா எண்ணெய் விலையில் ஏற்பட்டுள்ள இந்தத் தற்காலிக உயர்வு என்பது, அமெரிக்கா மற்றும் உலக நாடுகளின் பாதுகாப்பு மற்றும் அமைதிக்காக நாம் செலுத்த வேண்டிய “மிகச் சிறிய விலை” என்று அவர் குறிப்பிட்டுள்ளார். சர்வதேச சந்தையில் கச்சா எண்ணெய் விலை ஒரு பேரலுக்கு 100 டாலர்களைத் தாண்டி, 108 டாலர் வரை உயர்ந்துள்ள நிலையில் டிரம்ப் இக்கருத்தை வெளியிட்டுள்ளார். ஈரானின் அணுஆயுத அச்சுறுத்தல்கள் முற்றிலும் முறியடிக்கப்பட்டவுடன், கச்சா எண்ணெய் விலை மிக வேகமாக, முன்பு இருந்ததை விடவும் குறைவான நிலைக்குத் திரும்பும் என்று அவர்…

தமிழக அரசியலில் 2026 சட்டமன்றத் தேர்தலுக்கான கூட்டணிக் கணக்குகள் இறுதி கட்டத்தை நெருங்கிவிட்டன. அதன் ஒரு பகுதியாக, அதிமுக தலைமையிலான கூட்டணியில் தமிழக வெற்றிக் கழகத் தலைவர் விஜய்யை இணைப்பதற்கான தீவிர முயற்சிகள் நடைபெற்று வருவதாகப் புதிய தகவல்கள் வெளியாகியுள்ளன. அதே நேரத்தில், பாஜக தலைமையிலான NDA கூட்டணியும் விஜய்க்கு வலைவீசி வருவதாகக் கூறப்படுகிறது. குறிப்பாக, தவெகவுக்கு 50 தொகுதிகள் மற்றும் துணை முதலமைச்சர் பதவி வழங்க பாஜக தயாராக இருப்பதாகவும், இதன் காரணமாகவே சமீபகாலமாக விஜய் தனது உரைகளில் பாஜகவை நேரடியாக விமர்சிப்பதைத் தவிர்த்து வருவதாகவும் அரசியல் விமர்சகர்கள் கருத்து தெரிவித்து வருகின்றனர். மற்றொருபுறம், கடந்த ஆண்டு செப்டம்பரில் கரூரில் நடைபெற்ற தவெக மாநாட்டின்போது ஏற்பட்ட கூட்ட நெரிசல் மற்றும் 41 பேர் உயிரிழந்த விவகாரத்தை சிபிஐ தீவிரமாக விசாரித்து வருகிறது. இது தொடர்பாக நாளை (மார்ச் 10) டெல்லியில் நேரில் ஆஜராகி விளக்கம் அளிக்குமாறு விஜய்க்கு சிபிஐ சம்மன்…

அகமதாபாத்தில் நேற்று (மார்ச் 8) நடைபெற்ற டி20 உலகக்கோப்பை இறுதிப்போட்டியில், நியூசிலாந்து அணிக்கு எதிராக 96 ரன்கள் வித்தியாசத்தில் இந்தியா அபார வெற்றி பெற்று சாம்பியன் பட்டம் வென்றது. இந்த வரலாற்று வெற்றியில் இந்திய அணியின் விக்கெட் கீப்பர் பேட்ஸ்மேன் சஞ்சு சாம்சன் மிக முக்கிய பங்காற்றினார். வெறும் 46 பந்துகளில் 89 ரன்கள் (5 பவுண்டரிகள், 8 சிக்சர்கள்) குவித்து இந்திய அணி 255 ரன்கள் என்ற இமாலய இலக்கை எட்ட உதவினார். இறுதிப்போட்டியில் ஒரு வீரர் எடுத்த அதிகபட்ச ரன் இதுவாகும். முன்னதாக மார்லன் சாமுவேல்ஸ் (85) மற்றும் கேன் வில்லியம்சன் (85) வைத்திருந்த சாதனையை சாம்சன் தகர்த்தார். இந்தத் தொடரில் சஞ்சு சாம்சன் விளையாடிய 5 போட்டிகளில் மொத்தமாக 321 ரன்கள் குவித்துள்ளார். இதன் மூலம், ஒரு டி20 உலகக்கோப்பை தொடரில் அதிக ரன்கள் எடுத்த இந்திய வீரர் என்ற சாதனையை அவர் படைத்துள்ளார். இதற்கு முன்பு…

நாடாளுமன்ற பட்ஜெட் கூட்டத்தொடரின் இரண்டாம் கட்ட அமர்வு இன்று (மார்ச் 9) பெரும் பரபரப்புகளுக்கு இடையே தொடங்குகிறது. இந்த அமர்வில், மக்களவை சபாநாயகர் ஓம் பிர்லாவை பதவியிலிருந்து நீக்கக் கோரி எதிர்க்கட்சிகள் கொண்டு வந்துள்ள தீர்மானம் விவாதத்திற்கு எடுத்துக்கொள்ளப்பட உள்ளது. சபாநாயகர் ஒருதலைப்பட்சமாகச் செயல்படுவதாகவும், எதிர்க்கட்சித் தலைவர் ராகுல் காந்தி உள்ளிட்டோரை பேச அனுமதிக்கவில்லை என்றும் குற்றம் சாட்டி, 118 எதிர்க்கட்சி எம்.பி.க்கள் கையெழுத்திட்ட நோட்டீஸ் இன்று முறையாகத் தாக்கல் செய்யப்படுகிறது. இந்தத் தீர்மானம் மீதான விவாதத்தின்போது ஓம் பிர்லா அவையை நடத்த மாட்டார் என்பதால், இன்றைய நிகழ்வுகள் மிகுந்த எதிர்பார்ப்பை ஏற்படுத்தியுள்ளன. இந்திய நாடாளுமன்ற வரலாற்றில் சபாநாயகருக்கு எதிராக நம்பிக்கையில்லா தீர்மானம் கொண்டுவரப்படுவது இது நான்காவது முறையாகும். இதற்கு முன்னதாக 1954-ல் ஜி.வி. மாவலங்கார், 1966-ல் ஹூகம் சிங் மற்றும் 1987-ல் பல்ராம் ஜாக்கர் ஆகியோருக்கு எதிராக இத்தகைய தீர்மானங்கள் கொண்டுவரப்பட்டன. இருப்பினும், முந்தைய மூன்று நிகழ்வுகளிலும் தீர்மானங்கள் தோல்வியடைந்து…

நடிகர் விஜய் மற்றும் நடிகை த்ரிஷா இருவரும் அண்மையில் சென்னையில் நடைபெற்ற தயாரிப்பாளர் கல்பாத்தி சுரேஷ் மகன் திருமண வரவேற்பு நிகழ்ச்சியில் ஒன்றாகக் கலந்துகொண்டது, சமூக வலைதளங்களில் புயலைக் கிளப்பியுள்ளது. தவெக தலைவர் விஜய்யின் தனிப்பட்ட வாழ்க்கை குறித்து பல்வேறு வதந்திகள் பரவி வரும் சூழலில், த்ரிஷாவுடன் அவர் பொதுவெளியில் தோன்றியது அரசியல் மற்றும் திரையுலக வட்டாரத்தில் பெரும் விவாதப் பொருளாக மாறியுள்ளது. இருவரும் ஒரே நிறத்தில் ஆடை அணிந்து மேடையேறிய வீடியோக்கள் வைரலான நிலையில், இந்தப் புகைப்படம் இணையத்தில் பேசுபொருளானது. இதற்கிடையே,, விருது வழங்கும் விழா ஒன்றில் கலந்துகொண்ட நடிகர் பார்த்திபன், பொன்னியின் செல்வன் படத்தில் த்ரிஷாவின் கதாபாத்திரமான ‘குந்தவை’யைக் குறிப்பிட்டுப் பேசியது எரியும் நெருப்பில் எண்ணெயை ஊற்றுவது போல் அமைந்தது. “குந்தவையை வீட்டிலேயே குந்த வைத்தால் (உட்கார வைத்தால்) நல்லது; அவர் வெளியே வராமல் இருப்பதே பல சிக்கல்களைத் தவிர்க்கும்” என அவர் இரட்டை அர்த்தத்தில் பேசியதாகக் குற்றச்சாட்டுகள்…