Author: Editor web3

தமிழகம் உள்ளிட்ட 5 மாநில சட்டசபை தேர்தலுக்கான வாக்கு எண்ணிக்கை நாளை (மே 4) காலை 8 மணிக்கு பலத்த பாதுகாப்புடன் தொடங்குகிறது. முதலில் தபால் வாக்குகள் எண்ணப்பட்டு, அதன் முடிவுகள் காலை 8:15 மணிக்கே தெரியவரும். இதனைத் தொடர்ந்து, காலை 8:30 மணி முதல் மின்னணு வாக்குப்பதிவு இயந்திரங்களில் (EVM) பதிவான வாக்குகள் எண்ணப்படும். ஒவ்வொரு இயந்திரத்திலும் உள்ள ‘ரிசல்ட்’ பட்டனை அழுத்தும்போது, அந்தந்த வேட்பாளர்களுக்குப் பதிவான வாக்குகள் திரையில் துல்லியமாகத் தோன்றும். இயந்திர வாக்கு எண்ணிக்கையின் முதல் கட்ட நிலவரங்கள் காலை 9 மணி அளவில் வெளியாகத் தொடங்கும். இம்முறை தமிழகத்தில் நான்கு முனைப்போட்டி நிலவினாலும், வாக்கு எண்ணிக்கை விறுவிறுப்பாக நடைபெறும் என்பதால் நண்பகல் 12 மணிக்குள் முன்னணி நிலவரங்கள் தெளிவாகிவிடும். இதன் மூலம் எந்தக் கட்சி அல்லது கூட்டணி ஆட்சியைப் பிடிக்கும் என்பதை ஓரளவிற்கு முன்கூட்டியே கணித்துவிட முடியும். ஒவ்வொரு சுற்று முடிவிலும் தேர்தல் நடத்தும் அலுவலர்கள்…

தமிழக சட்டமன்றத் தேர்தல் முடிவுகள் நாளை வெளியாகவுள்ள நிலையில், தமிழக வெற்றிக் கழகம் சார்பில் வெற்றி பெறும் வேட்பாளர்களைப் பாதுகாப்பாகத் தங்க வைக்க அக்கட்சியின் தலைமை அதிரடி நடவடிக்கைகளை மேற்கொண்டுள்ளது. தேர்தல் முடிவுகளுக்குப் பிறகு மற்ற கட்சிகள் தங்கள் கட்சி எம்.எல்.ஏ.க்களை இழுப்பதைத் தடுக்கவும், ‘குதிரை பேர’ அபாயத்தைத் தவிர்க்கவும் விஜய் இந்த முடிவை எடுத்துள்ளதாகக் கூறப்படுகிறது. இதற்காக சென்னை – புதுச்சேரி இடையிலான கிழக்குக் கடற்கரைச் சாலையில்  உள்ள பல சொகுசு விடுதிகளில் அறைகளை முன்பதிவு செய்வது குறித்து கட்சி நிர்வாகிகள் தீவிரப் பேச்சுவார்த்தை நடத்தி வருவதாகத் தகவல்கள் வெளியாகியுள்ளன. முன்னதாக, வாக்கு எண்ணிக்கை நடைபெறும் நாளன்று வெற்றி பெற்றதற்கான சான்றிதழைப் பெற்றவுடன், அந்தந்த வேட்பாளர்கள் எவ்வித தாமதமுமின்றி உடனடியாக பனையூரில் உள்ள கட்சித் தலைமையகத்திற்கு வர வேண்டும் என்று விஜய் ஏற்கனவே உத்தரவிட்டிருந்தார். தற்போது முன்னெச்சரிக்கை நடவடிக்கையாக சொகுசு விடுதி ஏற்பாடுகளும் செய்யப்படுவதால், அரசியல் வட்டாரத்தில் பெரும் பரபரப்பு…

தமிழக சட்டசபை தேர்தலுக்கான வாக்கு எண்ணிக்கை நாளை நடைபெறுவதையொட்டி, மாநிலம் முழுவதும் விரிவான பாதுகாப்பு மற்றும் நிர்வாக ஏற்பாடுகள் செய்யப்பட்டுள்ளன. கடந்த மாதம் 23-ம் தேதி வாக்குப்பதிவு நிறைவடைந்த நிலையில், 234 தொகுதிகளிலும் பயன்படுத்தப்பட்ட மின்னணு வாக்குப்பதிவு இயந்திரங்கள் 62 மையங்களில் மூன்று அடுக்கு பாதுகாப்பின் கீழ் வைக்கப்பட்டுள்ளன. இந்த மையங்களில் 18 ஆயிரம் காவல்துறையினரும், 40-க்கும் மேற்பட்ட கம்பெனி துணை ராணுவப் படையினரும் துப்பாக்கி ஏந்திய நிலையில் தீவிர கண்காணிப்புப் பணியில் ஈடுபட்டுள்ளனர். வாக்கு எண்ணிக்கை நடைமுறைகள் குறித்து விளக்கம் அளித்துள்ள தமிழக தலைமை தேர்தல் அதிகாரி அர்ச்சனா பட்நாயக் வெளியிட்ட அறிக்கையில், மின்னணு இயந்திரங்கள் மற்றும் தபால் வாக்குகளை எண்ணுவதற்குத் தனித்தனியாக அறைகள் ஒதுக்கப்பட்டுள்ளதாகத் தெரிவித்துள்ளார். மொத்தம் 234 அறைகளில் இயந்திர வாக்குகளும், 240 அறைகளில் தபால் வாக்குகளும் எண்ணப்பட உள்ளன. இதற்காக 3,324 மேஜைகள் அமைக்கப்பட்டு, 10,545 பணியாளர்கள் இப்பணியில் ஈடுபடுத்தப்பட்டுள்ளனர். மேலும், வெளிப்படைத்தன்மையை உறுதி செய்ய…

நாடு முழுவதும் 2026-27-ம் கல்வியாண்டுக்கான இளநிலை மருத்துவப் படிப்பு (NEET UG) நுழைவுத் தேர்வு இன்று நடைபெறுகிறது. சுமார் 22.80 லட்சம் மாணவ-மாணவிகள் எழுதும் இந்தத் தேர்வானது, பிற்பகல் 2:00 மணி முதல் மாலை 5:20 மணி வரை தமிழ் உள்ளிட்ட 13 மொழிகளில் நடத்தப்படுகிறது. தமிழகத்தில் மட்டும் 31 முக்கிய நகரங்களில் தேர்வு மையங்கள் அமைக்கப்பட்டுள்ளன. மொத்தம் 720 மதிப்பெண்களுக்கு நடைபெறும் இத்தேர்வில், இயற்பியல், வேதியியல் மற்றும் உயிரியல் பாடங்களில் இருந்து 180 வினாக்கள் கேட்கப்படுகின்றன. ஒவ்வொரு சரியான விடைக்கும் 4 மதிப்பெண்கள் வழங்கப்படும் நிலையில், தவறான பதில்களுக்கு ஒரு மதிப்பெண் குறைக்கப்படும் (Negative Marking) என்பதால் மாணவர்கள் கவனமுடன் கையாள அறிவுறுத்தப்பட்டுள்ளனர். தேர்வர்கள் கடைப்பிடிக்க வேண்டிய கட்டுப்பாடுகளை தேசிய தேர்வு முகமை (NTA) தீவிரப்படுத்தியுள்ளது. மாணவர்கள் புகைப்படத்துடன் கூடிய ஹால் டிக்கெட் மற்றும் ஆதார், பான் கார்டு போன்ற அரசு அங்கீகாரம் பெற்ற அடையாள அட்டையை கட்டாயம் வைத்திருக்க…

தற்போது இந்தியா முழுவதும் கோடை வெயில் சுட்டெரித்து வரும் நிலையில், மே மாதம் தொடங்கும் கத்திரி வெயிலால் வெப்பத்தின் தாக்கம் மேலும் அதிகரிக்கக்கூடும் என்று எதிர்பார்க்கப்படுகிறது. இப்போதே நண்பகல் நேரங்களில் மக்கள் வெளியே வர முடியாமல் தவித்து வரும் சூழலில், வரும் அக்டோபர் மாதம் முதல் ‘சூப்பர் எல் நினோ’ (Super El Nino) எனும் அரிய மற்றும் சக்திவாய்ந்த வானிலை நிகழ்வு உருவாக வாய்ப்புள்ளதாகத் தனியார் வானிலை ஆய்வாளர்கள் எச்சரிக்கை விடுத்துள்ளனர். பசிபிக் பெருங்கடலின் மத்திய மற்றும் கிழக்குப் பகுதிகளில் கடல் நீர் வெப்பநிலை வழக்கத்தை விட 2 டிகிரி செல்சியஸுக்கும் அதிகமாக உயர்வதையே இந்த ‘சூப்பர் எல் நினோ’ குறிக்கிறது. வானிலை தரவுகளின்படி, கடந்த 1876-ஆம் ஆண்டிற்குப் பிறகு மிக வலுவான ஒரு சூப்பர் எல் நினோ நிகழ்வு வரும் அக்டோபரில் உருவாகக்கூடும் என்று கணிக்கப்பட்டுள்ளது. இதன் தாக்கம் 2027-ஆம் ஆண்டில் உலகம் முழுவதும் எதிரொலிக்கும் என்றும், அந்த…

தமிழக வெற்றிக் கழகத் தலைவர் விஜய்யின் ‘ஜன நாயகன்’ திரைப்படம் தொடர்பான சிக்கல்கள் ஓய்ந்தபாடில்லை. ஏற்கனவே படத்தின் ரிலீஸ் தேதி தள்ளிப்போனது ரசிகர்களிடையே வருத்தத்தை ஏற்படுத்தியிருந்த நிலையில், தற்போது படத்தின் ஓடிடி (OTT) உரிமம் தொடர்பான ஒரு அதிர்ச்சித் தகவல் வெளியாகியுள்ளது. அமேசான் பிரைம் நிறுவனம், இப்படத்தை வாங்குவதற்காக மேற்கொண்டிருந்த ஒப்பந்தத்தை அதிரடியாக ரத்து செய்துள்ளதாகக் கூறப்படுகிறது. திரைப்படம் திரையரங்குகளில் வெளியாவதற்கு முன்பே இணையதளங்களில் கசிந்ததாக எழுந்த புகார்களைத் தொடர்ந்தே இந்தச் சட்டப்பூர்வமான முடிவை அமேசான் நிறுவனம் எடுத்துள்ளதாக வட்டாரங்கள் தெரிவிக்கின்றன. தொடக்கத்தில், ‘ஜன நாயகன்’ படத்தின் டிஜிட்டல் உரிமத்தை சுமார் ரூ.120 கோடிக்கு வாங்க அமேசான் நிறுவனம் சம்மதித்திருந்தது. இது விஜய்யின் திரைப்பயணத்திலேயே மிகப்பெரிய ஓடிடி ஒப்பந்தங்களில் ஒன்றாக  பார்க்கப்பட்டது. இருப்பினும், படத்தின் தயாரிப்புப் பணிகளில் ஏற்பட்ட காலதாமதம் மற்றும் ரிலீஸ் தள்ளிப்போன காரணங்களால், அமேசான் நிறுவனம் அந்தத் தொகையை ரூ.50 கோடியாகக் குறைத்ததாக முன்னதாகச் செய்திகள் வெளியாகின. தற்போது…

அமெரிக்கா மற்றும் ஈரான் நாடுகளுக்கிடையே நிலவி வந்த தற்காலிகப் போர் நிறுத்தம் முடிவுக்கு வந்து, மீண்டும் நேரடி மோதல் வெடிக்கும் சூழல் உருவாகியுள்ளது. ஈரானின் புதிய அமைதிப் பேச்சுவார்த்தை திட்டத்தை அமெரிக்க அதிபர் டொனால்ட் டிரம்ப் நிராகரித்ததைத் தொடர்ந்து, இரு நாடுகளுக்கும் இடையே போர் பதற்றம் உச்சகட்டத்தை எட்டியுள்ளது. ஈரான் வழங்கிய புதிய பேச்சுவார்த்தை வரைவுத் திட்டத்தை மத்தியஸ்த நாடான பாகிஸ்தான் கடந்த வியாழக்கிழமை (ஏப்ரல் 30) அமெரிக்காவிடம் ஒப்படைத்தது. இது குறித்து கருத்து தெரிவித்த அதிபர் டிரம்ப், “ஈரானின் முன்மொழிவுகள் திருப்திகரமாக இல்லை. அவர்களை முழுமையாக அழிப்பதா அல்லது பேச்சுவார்த்தை நடத்துவதா என்ற நிலையில் நான் இருக்கிறேன். மனிதாபிமான அடிப்படையில் போரைத் தவிர்க்கவே விரும்புகிறேன், ஆனால் அவர்களின் தற்போதைய திட்டத்தை ஏற்க முடியாது” என்று கூறியுள்ளார். டிரம்பின் கருத்தைத் தொடர்ந்து, ஈரான் ராணுவத்தின் மூத்த தளபதி முகமது ஜாபர் ஆசாதி சனிக்கிழமை (மே 2) இன்று ஒரு முக்கிய அறிக்கையை…

தமிழக சட்டமன்றத் தேர்தல் முடிவுகள் வெளியாக இன்னும் 2 தினங்களே உள்ள நிலையில், தமிழக வெற்றிக் கழகத் தலைவர் விஜய் வெற்றி பெற வேண்டும் என நடிகை ஐஸ்வர்யா லக்ஷ்மி தனது விருப்பத்தை வெளிப்படுத்தியுள்ளார். திருநெல்வேலியில் இன்று நடைபெற்ற செய்தியாளர் சந்திப்பில் பேசிய அவர், விஜய்யின் அரசியல் வருகை மற்றும் அவரது அர்ப்பணிப்பு குறித்து நெகிழ்ச்சியுடன் பேசினார்.  மேலும், “விஜய் அண்ணாவை எனக்கு மிகவும் பிடிக்கும். நான் கேரளாவில் வசிப்பதால் தமிழகத் தேர்தலில் அவருக்கு வாக்களிக்க முடியவில்லையே என்பதுதான் எனக்குப் பெரிய வருத்தமாக இருந்தது. இதற்காகவே நான் தமிழ்நாட்டில் இருந்திருக்கலாம் எனத் தோன்றியது. புகழ், செல்வாக்கு என எல்லாம் இருந்தும், அவர் எதற்காக அரசியலுக்கு வருகிறார் என்றால், மக்கள் மீது அவர் கொண்டுள்ள மாறாத அன்புதான் காரணம். அத்தகைய மனிதர் இந்தத் தேர்தலில் நிச்சயம் வெற்றி பெற வேண்டும் என்பதே என் ஆசை,” என்று தெரிவித்தார். திரையுலகில் ‘பூங்குழலி’யாக வலம் வரும்…

நாக்பூரில் நடைபெற்ற மே தின விழாவில்  கலந்து கொண்டு பேசிய மத்திய அமைச்சர் நிதின் கட்கரி, சாதி மற்றும் மத அரசியலைக் கடுமையாகச் சாடினார். அத்தியாவசியப் பொருட்களின் விலை அனைவருக்கும் சமமாக இருக்கும்போது, அரசியலில் மட்டும் ஏன் சாதிப் பிரிவினை என்று அவர் கேள்வி எழுப்பினார். தொடர்ந்து பேசிய கட்கரி, “இங்கே இந்துக்களுக்கு ஒரு விலை, முஸ்லிம்களுக்கு ஒரு விலை என்று பெட்ரோல், டீசல் அல்லது சமையல் எரிவாயு விற்கப்படுவதில்லை. அனைவருக்கும் ஒரே விலைதான். அப்படியிருக்கும்போது எதற்காகச் சாதி மற்றும் மத ரீதியான பிரிவினைகளை உருவாக்க வேண்டும்?” என்று கேள்வி எழுப்பினார். தேர்தல் காலங்களில் மதம் மற்றும் சாதி சார்ந்த பிரச்சாரங்கள் அதிகரித்து வரும் சூழலில் அவரது இந்தப் பேச்சு முக்கியத்துவம் பெறுகிறது. சாதி அரசியல் செய்பவர்களுக்கு மிகக் கடுமையான எச்சரிக்கையை விடுத்த கட்கரி, “யாராவது என்னிடம் வந்து சாதி பற்றிப் பேசினால், அவர்களை ஓங்கி உதைப்பேன்” என்று கூறினார். பொதுவெளியில்…

தமிழகத்தில் கோடை வெயில் சுட்டெரித்து வரும் நிலையில், நீர்ச்சத்து குறைபாடு மற்றும் வயிற்றுப்போக்கு போன்ற பாதிப்புகளுக்கு வழங்கப்படும் ஓஆர்எஸ் (ORS) கரைசல்கள் குறித்து தமிழ்நாடு மருந்து கட்டுப்பாட்டு வாரியம் மற்றும் உணவு பாதுகாப்புத் துறை இணைந்து முக்கிய எச்சரிக்கையை விடுத்துள்ளன. வயிற்றுப்போக்கு அல்லது வாந்தியால் உடலில் நீர்ச்சத்து குறையும் போது, உலக சுகாதார அமைப்பால் (WHO) அங்கீகரிக்கப்பட்ட ‘ORS’ பொடிகளை மட்டுமே மருந்தகங்கள் பரிந்துரைக்க வேண்டும். அவ்வாறு இல்லாமல், ‘ORSL’ அல்லது ‘ORS Fit’ போன்ற பழச்சாறு சார்ந்த பானங்களை மருந்து எனக் கூறி விற்பனை செய்வது சட்டப்படி குற்றமாகும். மருந்தக உரிமையாளர்கள் மற்றும் விற்பனையாளர்கள் பொதுமக்களிடம் விற்பனை மேற்கொள்ளும் போது, எது மருத்துவ ரீதியான ஓஆர்எஸ் கரைசல் மற்றும் எது உணவு பாதுகாப்புத் துறையின் (FSSAI) கீழ் வரும் பானம் என்பதைத் தெளிவாக விளக்க வேண்டும் என உத்தரவிடப்பட்டுள்ளது. குறிப்பாக, உலக சுகாதார அமைப்பின் அங்கீகாரம் பெற்றது எனத் தவறான…