Author: Editor web2

நடிகர் சிவகார்த்திகேயன் நடிப்பில், இயக்குனர் சுதா கொங்குரா இயக்கத்தில்,  ஆகாஷ் பாஸ்கரனின் டான் பிக்சர்ஸ் நிறுவனம் தயாரித்த ’பரசாக்தி’ திரைப்படம் கடந்த ஜனவரி 9ஆம் தேதி வெளியானது. படத்தை இயக்க சுதா கொங்குராவிற்கு 15 கோடி ரூபாய் ஊதியம் ஒப்பந்தம் செய்த நிலையில் 8.39 கோடி ரூபாய் ஊதிய பாக்கி வைத்துள்ளதாகவும், அந்த தொகையை செலுத்த கோரியும் சுதா கொங்குரா சென்னை உயர்நீதிமன்றத்தில் வழக்கு தொடர்ந்துள்ளார். இது தொடர்பாக அவர் தாக்கல் செய்துள்ள மனுவில், டான் பிக்சர்ஸ் நிறுவனம் தயாரித்துள்ள இதயம் முரளி படத்தை வெளியிட தடை விதிக்க வேண்டும் என்றும், ’பராசக்தி’ படத்தின் உரிமையை மூன்றாம் நபருக்கு வழங்க தடை விதிக்க வேண்டும் என்றும், ’பராசக்தி’ படத்தை OTT, தொலைக்காட்சி உரிமம் வழங்கியதன் மூலம் கிடைத்த வருமானத்தின் முழு விவரங்களையும் நீதிமன்றத்தில் சமர்ப்பிக்க உத்தரவிட வேண்டும் என்றும் கோரிக்கை விடுக்கப்பட்டுள்ளது. இந்த வழக்கை விசாரித்த நீதிபதி குமரேஷ் பாபு, மனுவிற்கு…

தவெக தலைமையிலான கூட்டணி அரசில் அங்கம் வகிக்கும் விசிக, தமிழ்நாடு மாசுக்கட்டுப்பாட்டு வாரியத்தில் (TNPCB) நடைபெற்றுள்ளதாகக் கூறப்படும் பணியிட மாற்றங்களில் அதிகார துஷ்பிரயோகம் நடந்துள்ளதாக பரபரப்பான குற்றச்சாட்டைக் கூறியுள்ளது. இது தொடர்பாக விசிக பொருளாளர் எஸ்.எஸ். பாலாஜி தனது சமூக வலைதள பதிவில், “தமிழ்நாடு மாசுக்கட்டுப்பாட்டு வாரியத்தில் (TNPCB) சமீபத்தில் வெளியிடப்பட்ட மற்றும் விரைவில் வெளியாகவுள்ள பணியிட மாற்றப் பட்டியலில் அதிகார துஷ்பிரயோகம் நடந்ததாக கடுமையான புகார்கள் எழுந்துள்ளன. தற்போதைய சுற்றுச்சூழல் துறை அமைச்சர் ராஜீவின் மாமனாரும், தமிழ்நாடு மாசுக்கட்டுப்பாட்டு வாரியத்தின் ஓய்வுபெற்ற உறுப்பினர் செயலாளருமான விஜயபாஸ்கர் (பெயர் தற்செயலாக ஒத்துப்போவது சுவாரஸ்யம் இந்த விவகாரத்தின் பின்னணியில் இருப்பதாக குற்றச்சாட்டு எழுந்துள்ளது. எனவே, “ஊழலற்ற ஆட்சி” என்ற அரசின் வாக்குறுதியை நிலைநிறுத்தும் வகையில், முதலமைச்சர் ஜோசப் விஜய் இந்த விவகாரத்தில் நேரடியாக தலையிட்டு நடவடிக்கை எடுக்க வேண்டும்” என்று வலியுறுத்தியுள்ளார். தவெக தலைமையிலான கூட்டணி அரசுக்கு ஆதரவளித்து வரும் விசிக நிர்வாகியின்…

மதிமுக பொதுச்செயலாளர் வைகோவின் இன்றைய பேட்டிக்கு திமுக அமைப்புச் செயலாளர் ஆர்.எஸ்.பாரதி கடும் பதிலடி கொடுத்துள்ளார். செங்கல்பட்டில் இன்று செய்தியாளர்களிடம் பேசிய வைகோ, திமுக ஆட்சி கமிஷன், கட்டிங், கரப்சனுடன் நடந்ததாகவும் கூட்டணி தர்மத்துக்காக அது குறித்து அப்போது எதுவும் பேசவில்லை எனவும் கூறி இருந்தார். இந்த நிலையில்,  அண்ணா அறிவாலயத்தில் இன்று செய்தியாளர்களை சந்தித்த திமுக அமைப்புச் செயலாளர் ஆர்.எஸ்.பாரதி, வைகோவை கடுமையாக விமர்சித்தார். வைகோ குறித்து பேச விரும்பவில்லை என்றாலும், “அரசியலில் ஒவ்வொரு கட்டத்திலும் அவர் எப்படி வேடம் போட்டார் என்பது அனைவருக்கும் தெரியும். குதிரைப் பேரத்திற்கு விஜய் தூண்டினார் என்பதை வைகோவே ஒப்புக்கொண்டுள்ளார். வைகோவுடன் சென்றவர்கள் அரசியலில் அனாதையாக்கப்பட்டுள்ளனர்” என்று கூறினார். மேலும், “வைகோ போன்றவர்களின் பேச்சை பெரிதுபடுத்த வேண்டாம். இன்று ஆட்சியின் தவறுகளை திசைதிருப்பும் நோக்கில்தான் இத்தகைய கருத்துகளை கூறுகிறார். வைகோவின் உண்மையான முகம் தற்போது வெளிப்பட்டுவிட்டது. அவர் அரசியலில் பலமுறை தனது வாக்குறுதிகளை மீறியவர்”…

செங்கல்பட்டு மாவட்டம், திருப்போரூர் அருகே காளவாக்கம் பகுதியில் சீமைக் கருவேல மரங்களை அகற்றும் நிகழ்ச்சியில் இன்று பங்கேற்ற மதிமுக பொதுச்செயலாளர் வைகோ, செய்தியாளர்களின் கேள்விகளுக்கு பதிலளித்தபோது, ஒரு செய்தியாளருடன் கடும் வாக்குவாதத்தில் ஈடுபட்டதால் பரபரப்பு ஏற்பட்டது. செய்தியாளர் சந்திப்பில், “பெரியார், அண்ணா, கலைஞர் உள்ளிட்ட தலைவர்களுடன் அரசியல் பயணித்த நீங்கள், தற்போது விஜயுடன் இணைந்தது ஏன்?” என்று நாளிதழ் ஒன்றின் செய்தியாளர் கேள்வி எழுப்பினார். அதற்கு பதிலளித்த வைகோ, “பெரியாரை நெஞ்சில் வைத்து வாழ்பவன் நான். அண்ணாவின் நாடாளுமன்ற பேச்சுகளை தொடர்ந்து கேட்டு வளர்ந்தவன். ஆனால் திமுக, நான் கூலிப்படையை வைத்து கொலை செய்ய முயன்றதாக பழிசுமத்தியது. அதைப் பற்றி நீங்கள் என்ன நினைக்கிறீர்கள்?” என்று செய்தியாளரிடமே எதிர்கேள்வி எழுப்பினார். தொடர்ந்து, “உங்களுக்கு கேள்வி கேட்க உரிமை இருப்பது போல எனக்கும் கேட்க உரிமை உள்ளது. விஜய் சிறு குழந்தை அல்ல; சினிமாவில் சாதித்து, 30 ஆண்டுகளாக மக்கள் இயக்கம் மூலம்…

சென்னையில் திங்கட்கிழமையன்று நடைபெற்ற மாவட்ட ஆட்சித் தலைவர்கள் மற்றும் காவல்துறை அதிகாரிகள் மாநாட்டில் பேசிய முதலமைச்சர் விஜய், பொதுமக்கள் நலன் சார்ந்த பல்வேறு முக்கிய அறிவுறுத்தல்களை அதிகாரிகளுக்கு வழங்கினார். மாநாட்டில் பேசிய விஜய், “ வெளிப்படையான, நேர்மையான, இலஞ்ச லாவண்யமற்ற ஒரு சமூக நீதிக்கான அரசைத் தேர்ந்தெடுத்தே ஆக வேண்டும் என்றே நம் மக்கள் முடிவு செய்துதான், நம்முடைய அரசைத் தேர்ந்தெடுத்துள்ளார்கள். ரேஷன், கல்வி, குடிநீர், சுகாதாரம், மின்சாரம், சாலை வசதி, பேருந்து வசதி போன்ற அடிப்படை வசதிக்கெல்லாம் நாம் முக்கிய கவனம் செலுத்தியாக வேண்டும். காவல்துறை சுதந்திரமாக முடிவு செய்யலாம் சட்டம்- ஒழுங்கு பிரச்சனையைப் பொறுத்தவரை, நீங்கள் சட்டத்தின் அடிப்படையில் சுதந்திரமாக முடிவு செய்யலாம். தவறு செய்தவர்கள் யாராக இருந்தாலும், எவ்வளவு உயர்வானவர்களாக இருந்தாலும், பாரபட்சமின்றி சட்டப்படி உடனடியாக துரிதமாக நடவடிக்கை எடுத்து உரிய தண்டனை பெற்றுத்தர வேண்டும். அதில் நிரபராதிகள் யாரும் தப்பித்தவறி கூட பாதிக்கப்பட்டுவிடக் கூடாது. மக்கள்…

பாமக நிறுவனர் எங்களை நட்டாற்றில் விட்டு போய்விட்டாரோ என்ற பயமும், வேதனையும் உள்ளது என பாமக முன்னாள் எம்எல்ஏ அருள் தெரிவித்துள்ளார். கடந்த ஒன்றரை ஆண்டுகளாக அன்புமணி மற்றும் ராமதாஸ் இடையே மோதல் போக்கு நிலவிய நிலையில், சமீபத்தில் இருவரும் மீண்டும் சந்தித்தனர். ராமதாஸ் – அன்புமணி இடையே இணக்கம் ஏற்பட்டுள்ள சூழலில், ராமதாஸ் அணியை சேர்ந்த நிர்வாகிகள் அடுத்த கட்டமாக என்ன செய்வது என தெரியாமல் கலக்கத்தில் உள்ளனர். இந்தச் சூழலில், முன்னாள் எம்எல்ஏ அருள் தலைமையில் சேலத்தில் ராமதாஸ் அணியை சேர்ந்த நிர்வாகிகள் மற்றும் மாவட்ட செயலாளர்கள் இன்று ஆலோசனை நடத்தினார்கள். இதனை தொடர்ந்து செய்தியாளர்களிடம் பேசிய அருள், “ராமதாஸ் – அன்புமணி சந்தித்ததை மனமார வரவேற்கிறோம். ராமதாஸை நம்பி நாங்கள் பயணித்தோம், பல கோடி ரூபாயை இழந்திருக்கிறோம். சரியான வழிகாட்டுதல் இல்லையே என்ற ஏக்கத்தில் பொறுப்பாளர்கள் என்னிடம் வந்து என்ன செய்யலாம் என கேட்கிறார்கள். நீங்களே கருத்துகளை…

இஸ்லாமைத் தழுவிய பிற்படுத்தப்பட்ட மக்களின் இடஒதுக்கீட்டு உரிமையை ரத்து செய்த மதுரை உயர்நீதிமன்றத்தின் நீதிபதி ஜி.ஆர். சுவாமிநாதன் வழங்கிய தீர்ப்பைத் தொடர்ந்து, தவெக அரசின் சட்ட நடவடிக்கைகள் குறித்து திமுக சிறுபான்மையினர் நலப்பிரிவு செயலாளர் அ. சுபேர்கான் கடுமையாக விமர்சித்துள்ளார். இது குறித்து அவர் வெளியிட்டுள்ள அறிக்கையில், இஸ்லாமுக்கு மதம் மாறிய பிற்படுத்தப்பட்டோருக்கான இடஒதுக்கீட்டை வழங்கிய 09.03.2024-ஆம் தேதி வெளியிடப்பட்ட G.O.(Ms.) No.31-ஐ நீதிமன்றம் ரத்து செய்திருப்பது சமூகநீதிக்குப் பெரிய பின்னடைவு என்றும், இந்த வழக்கில் தவெக அரசு எடுத்த மெத்தனமான அணுகுமுறை, பாஜகவின் ‘மதமாற்ற தடைச் சட்ட’ அரசியல் அஜெண்டாவுக்கு மறைமுக ஆதரவாக இருப்பதாக சந்தேகம் எழுப்புவதாகவும் கூறியுள்ளார். அரசியலமைப்புச் சட்டத்தின் 25-வது பிரிவு மதச் சுதந்திரத்தை உறுதி செய்கிறது. ஆனால், “இஸ்லாமுக்கு மதம் மாறியவர் ஒரு முஸ்லிம் மட்டுமே; அவருக்குப் பழைய சாதி அடையாளம் இல்லை” என்ற நீதிபதி ஜி.ஆர். சுவாமிநாதனின் தீர்ப்பு, சமூகப் பின்னடைவைப் புறக்கணிப்பதாக சுபேர்கான்…

“தங்கம் வாங்குங்கள்” என்ற அறிவுரையை தான் இதுவரை இந்தியர்கள் பல ஆண்டுகளாகக் கேட்டு வந்துள்ளனர். ஆனால் தற்போது நிலைமை தலைகீழாக மாறியுள்ளது. “தங்கத்தை விற்பதற்கு இதுதான் சரியான நேரம்” என்ற மனநிலை பல குடும்பங்களில் உருவாகியுள்ளது. இதனால் நாடு முழுவதும் பழைய நகைகளை விற்கும் போக்கு  கணிசமாக அதிகரித்துள்ளது. மக்கள் ஏன் இந்த முடிவை எடுக்கிறார்கள் என்பதன் பின்னணியில் உள்ள முக்கியக் காரணங்களை இங்கு விரிவாகப் பார்ப்போம். உலக அளவில் தங்கம் என்பது வெறும் ஆபரணம் மட்டுமல்ல, அது ஒரு மிகச்சிறந்த முதலீடாகவும் அவசரக் கால நிதிப் பாதுகாப்பாகவும் பார்க்கப்படுகிறது. கடந்த சில மாதங்களுக்கு முன்பு வரை முன்னெப்போதும் இல்லாத அளவிற்கு உச்சத்தைத் தொட்ட தங்கத்தின் விலை, சமீபத்திய வாரங்களாகக் கடுமையான சரிவைச் சந்தித்து வருகிறது. விலை உயர்வும் சரிவு பற்றிய பயமும் சமீபத்தில் தங்கம் 10 கிராமுக்கு சுமார் ரூ. 1.4 லட்சம் என்ற வரலாற்று உச்சத்தைத் தொட்டது. ஆனால்…

தமிழ்நாட்டில் ஆவின் நிறுவனத்தின் பால் கொள்முதல் பெருமளவில் வீழ்ச்சி அடைந்திருப்பதால் சந்தையில் ஆவின் பாலுக்கு பெரும் தட்டுப்பாட்டு  ஏற்பட்டிருப்பதாக பாமக தலைவர் அன்புமணி குற்றம் சாட்டி உள்ளார். இது தொடர்பாக அவர் விடுத்துள்ள அறிக்கையில், “ சென்னையில் கடந்த ஏப்ரல் மாதம் முதல் தினமும் 16 லட்சம் லிட்டர் ஆவின் பால் விற்பனை செய்யப்பட்டு வந்த நிலையில், இப்போது 13.50 லட்சம் லிட்டராக குறைந்து விட்டது. ஆவின்  நிறுவனத்தின் பால் கொள்முதல் தினமும்  28 லட்சம் லிட்டர் என்ற அளவுக்கு முறைந்து விட்டது தான் ஆவின் பால் வினியோகத்தில் ஏற்பட்டுள்ள பின்னடைவுக்கு காரணம் ஆகும். 2023-ஆம் ஆண்டில் 30 லட்சம் லிட்டர் என குறைந்த  ஆவின் பால் கொள்முதல் இப்போது 28 லட்சம் லிட்டராக குறைந்து விட்டது. ஆவின் பால் வினியோகம் குறைந்தால் ஏழை மற்றும் நடுத்தர மக்கள் கடுமையாக பாதிக்கப்படுவார்கள். அரசுத்துறை நிறுவனமான ஆவின் நிறுவனத்தின் பால்  விலைக்கும், தனியார்…

தேசிய கல்விக் கொள்​கை 2020-ன்​படி 2026-27-ம் கல்வியாண்டு முதல் 6-ம் வகுப்​பில் இருந்து மும்​மொழி திட்டம் அறி​முகம் செய்​யப்​படும் என மத்திய இடைநிலை கல்வி வாரியமான சிபிஎஸ்இ ( CBSE)  கடந்த ஏப்ரல் மாதம் அறிவித்து இருந்தது. மூன்று மொழிகளில் இரண்டு மொழிகள் இந்திய மொழிகளாக இருக்க வேண்டும். மேலும், ஒரு பள்ளி 6-ம் வகுப்​பில் எந்த 3-வது மொழியை அறி​முகம் செய்​கிறதோ, அதே மொழி​தான் அந்த பள்​ளிக்​கான 9, 10-ம் வகுப்​பு​களில் விருப்பப் பாட​மாக இருக்​கும் என்றும் தெரிவிக்கப்பட்டிருந்தது. இந்நிலையில், கடந்த மே 15-ம் தேதி வெளியிட்ட புதிய அறிவிப்பில், 9-ம் வகுப்பு மாணவர்களுக்கு ஜூலை 1 முதல் மும்மொழி திட்டத்தை கட்டாயமாக்குமாறு அனைத்து பள்ளிகளுக்கும் சிபிஎஸ்இ அறிவுறுத்தியது. சிபிஎஸ்இ-யின் இந்த திடீர் அறிவிப்பு, மாணவர்களுக்கும் பெற்றோர்களுக்கும் பெரும் அதிர்ச்சியை ஏற்படுத்தியது. பெற்றோர்கள் மற்றும் கல்வியாளர்கள் தரப்பில் எதிர்ப்பு தெரிவிக்கப்பட்டது. இந்த நிலையில் எதிர்ப்புக்கு பணிந்து, சிபிஎஸ்இ புதிய அறிவிப்பை…