Author: Editor web2

கோவை காந்திபுரம் பகுதியில் உள்ள பெட்ரோல் பங்கில், அரசு பாதுகாப்பு விதிமுறைகளின்படி பாட்டிலில் பெட்ரோல் வழங்க மறுத்த ஊழியர் மீது, தன்னை “அமைச்சரின் உறவினர்” எனக் கூறிய நபர் தாக்குதல் நடத்தியதாக புகார் எழுந்துள்ளது. இந்தச் சம்பவம் தொடர்பான செல்போன் வீடியோ காட்சிகள் வெளியாகி பரபரப்பை ஏற்படுத்தியுள்ளன. மதுபோதையில் வந்ததாகக் கூறப்படும் நபர் ஒருவர், பாட்டிலில் பெட்ரோல் வழங்குமாறு கேட்டுள்ளார். ஆனால், அரசு உத்தரவு மற்றும் பாதுகாப்பு விதிமுறைகளை சுட்டிக்காட்டி பெட்ரோல் பங்க் ஊழியர் அதற்கு மறுப்பு தெரிவித்துள்ளார். இதனால் ஆத்திரமடைந்த அந்த நபர், “நான் த.வெ.க. அமைச்சரின் அண்ணன் மகன்” என்று கூறி வாக்குவாதத்தில் ஈடுபட்டதுடன், ஊழியரை தாக்கியதாக கூறப்படுகிறது. இதில் காயமடைந்த ஊழியர், கோவை அரசு மருத்துவமனையில் அனுமதிக்கப்பட்டு சிகிச்சை பெற்று வருகிறார். சம்பவம் தொடர்பாக பெட்ரோல் பங்க் நிர்வாகம் அளித்த புகாரின் பேரில் போலீசார் விசாரணை மேற்கொண்டு வருகின்றனர். “அமைச்சரின் உறவினர்” எனக் கூறி தாக்குதலில் ஈடுபட்டதாக…

ஜவ்வாது மலையில் அதானி குழுமம் செயல்படுத்த உள்ள அல்லேரி நீரேற்றுப் புனல்மின் திட்டத்தை தமிழ்நாடு அரசு உடனடியாக ரத்து செய்ய வேண்டும் என்று நாம் தமிழர் கட்சியின் தலைமை ஒருங்கிணைப்பாளர் சீமான்  வலியுறுத்தியுள்ளார். இதுகுறித்து அவர் வெளியிட்டுள்ள அறிக்கையில், வேலூர் மாவட்டம் அணைக்கட்டு தாலுகா அரசம்பட்டு காப்புக்காட்டில் 1,800 மெகாவாட் திறன் கொண்ட திட்டத்திற்காக தமிழ்நாடு பசுமை எரிசக்திக் கழகமும், அதானி ஹைட்ரோ எனர்ஜி நிறுவனமும் ஒப்பந்தம் செய்திருப்பதாக குறிப்பிட்டுள்ளார். இந்தத் திட்டத்திற்காக 337.452 ஹெக்டேர் நிலம் கையகப்படுத்தப்படவுள்ளதாகவும், அதில் 228.352 ஹெக்டேர் காப்புக்காடு நீரில் மூழ்கும் அபாயம் இருப்பதாகவும் தெரிவித்துள்ளார். ஜவ்வாது இலைச்சருகு அரணை, சாம்பல் இருவாச்சி, மலபார் மலை அணில், செந்நாய், கரடிகள் உள்ளிட்ட பல அரிய உயிரினங்களின் வாழ்விடமாக விளங்கும் அரசம்பட்டு காப்புக்காடு அழிவைச் சந்திக்கும் என்றும் அவர் எச்சரித்துள்ளார். மேலும், அல்லேரி மலையிலிருந்து கிடைக்கும் நீராதாரத்தை நம்பி விவசாயமும், ஏரிகள் மற்றும் கிணறுகளும் இயங்கி வருவதாகவும்,…

“வெப்ப அலை என்பது இந்தியா, ஆப்பிரிக்கா போன்ற வெப்பமண்டல நாடுகளின் பிரச்சினை” என்ற பொதுவான கருத்தை, கடந்த சில வாரங்களில் பிரிட்டனில் ஏற்பட்ட அதீத வெப்பம் முற்றிலும் தகர்த்தெறிந்துள்ளது. உலகின் மிகவும் குளிர்ச்சியான நாடுகளில் ஒன்றாக கருதப்படும் பிரிட்டனில், ஜூன் மாதத்திலேயே வெப்பநிலை 36 முதல் 40 டிகிரி செல்சியஸை எட்டியது. இதனால் போக்குவரத்து, சுகாதாரம், மின்சாரம், குடிநீர் என அடிப்படை கட்டமைப்புகள் கூட கடுமையாக பாதிக்கப்பட்டன. இதில் குறிப்பிடத்தக்க சம்பவம் என்னவென்றால், லண்டனில் “Climate Resilience” (காலநிலை தாங்குதிறன்) குறித்து நடைபெற இருந்த ஒரு மாநாடே, அதீத வெப்பம் காரணமாக ரத்து செய்யப்பட்டது. காலநிலை மாற்றம் குறித்த விழிப்புணர்வு நிகழ்ச்சியையே காலநிலை மாற்றம் தடுத்தது என்பது உலக நாடுகளுக்கு ஒரு கடுமையான எச்சரிக்கையாக பார்க்கப்படுகிறது. பிரிட்டனின் கட்டமைப்புகள் ஏன் தோல்வியடைந்தன? பிரிட்டனின் பெரும்பாலான வீடுகள் குளிர்காலத்தை மனதில் வைத்து கட்டப்பட்டவை. வெப்பத்தை வெளியேற்றும் வசதிகள் மிகவும் குறைவு. இந்தியா, வளைகுடா…

இருமுறை சாகித்ய அகாடமி விருது பெற்ற புகழ்பெற்ற கவிஞரும், எழுத்தாளரும், மொழிபெயர்ப்பாளருமான புவியரசு இன்று கோவையில் காலமானார். அவருக்கு வயது 96. கோவை மாவட்டம் பெரியநாயக்கன்பாளையம் பிரஸ் காலனியில் வசித்து வந்த அவர், முதுமை காரணமாக உடல்நலக்குறைவால் உயிரிழந்தார். 1931-ஆம் ஆண்டு திருப்பூர் மாவட்டம் உடுமலைப்பேட்டை அருகே லிங்கவநாயக்கன்புதூரில் பிறந்த அவரது இயற்பெயர் சு. ஜெகநாதன். 30 ஆண்டுகளுக்கும் மேலாக ஆசிரியராகப் பணியாற்றிய அவர், 1952 முதல் இலக்கியப் பணியில் ஈடுபட்டார். வானம்பாடி இலக்கிய இயக்கத்தின் முன்னோடிகளில் ஒருவரான புவியரசு, 80-க்கும் மேற்பட்ட நூல்களை எழுதியுள்ளார். ஷேக்ஸ்பியர், கலீல் ஜிப்ரான், உமர் கய்யாம், ஓஷோ, தஸ்தயெவ்ஸ்கி, ரவீந்திரநாத் தாகூர் உள்ளிட்ட உலகப் புகழ்பெற்ற எழுத்தாளர்களின் படைப்புகளை தமிழில் மொழிபெயர்த்துள்ளார். வங்கக் கவிஞர் நஜ்ருல் இஸ்லாமின் “தி ரெவலூஷனரி” நூலின் தமிழாக்கமான ‘புரட்சிக்காரன்’ நூலுக்காக 2007-ஆம் ஆண்டு சாகித்ய அகாடமி விருது பெற்றார். தொடர்ந்து அவரது ‘கையொப்பம்’ கவிதைத் தொகுப்புக்காக 2009-ஆம் ஆண்டு…

தமிழகத்தில் தென்மேற்கு பருவமழை தீவிரமாக உள்ள நிலையில், ஜூலை 1 முதல் மேற்கு தொடர்ச்சி மலை ஒட்டிய மாவட்டங்களில் கனமழைக்கு வாய்ப்பு இருப்பதாக சென்னை வானிலை ஆய்வு மையம் தெரிவித்துள்ளது. நீலகிரி, தேனி, திண்டுக்கல், ஈரோடு, சேலம் மாவட்டங்கள் மற்றும் கோவை, திருப்பூர் மாவட்டங்களின் மலைப்பகுதிகளில் இடியுடன் கூடிய மிதமான முதல் கனமழை பெய்யக்கூடும். மணிக்கு 40 முதல் 50 கி.மீ. வேகத்தில் பலத்த காற்றும் வீச வாய்ப்புள்ளது. வடக்கு கடலோர தமிழகத்திலிருந்து கன்னியாகுமரி வரை நிலவும் வளிமண்டல மேலடுக்கு சுழற்சி காரணமாக, தமிழகத்தின் பிற மாவட்டங்கள், புதுச்சேரி மற்றும் காரைக்காலிலும் லேசானது முதல் மிதமான மழை பெய்யக்கூடும் என தெரிவிக்கப்பட்டுள்ளது. அதேநேரத்தில், ஜூலை 3 வரை பகல் வெப்பநிலை இயல்பைவிட அதிகமாக இருக்கும் என்றும் வானிலை மையம் கூறியுள்ளது. கடந்த 24 மணி நேரத்தில் கோவை சின்னக்கல்லாரில் 9 செ.மீ. மற்றும் புதுக்கோட்டை வெண்ணாவல்குடியில் 7 செ.மீ. மழை பதிவாகியுள்ளது.…

வாட்ஸ்அப் பயனர்களின் தனியுரிமையை மேம்படுத்தும் வகையில், ‘யூசர்நேம்’ (Username) என்ற புதிய வசதியை அறிமுகப்படுத்த உள்ளது. இதன் மூலம் இனி மொபைல் எண் பகிராமல், யூசர்நேம் மூலமே மற்றவர்களுடன் தொடர்பு கொள்ள முடியும். இதுவரை வாட்ஸ்அப்பில் உரையாட மொபைல் எண் அவசியமாக இருந்த நிலையில், இனி இன்ஸ்டாகிராம், எக்ஸ் போன்ற சமூக வலைதளங்களைப் போல தனிப்பட்ட யூசர்நேமை உருவாக்கிக்கொள்ளலாம். புதிய நபர்களுடன் உரையாடும்போது உங்கள் மொபைல் எண் மறைக்கப்பட்டு யூசர்நேம் மட்டுமே காண்பிக்கப்படும். நாம் உருவாக்கும் யூசர்நேம் 3 முதல் 35 எழுத்துகளுக்குள் இருக்க வேண்டும். மற்ற சமூக ஊடகங்களைப் போல வாட்ஸ்அப்பில் யாரையும் யூசர் நேம் கொண்டு தேடிக் கண்டுபிடிக்க முடியாது. துல்லியமான யூசர் நேம் தெரிந்தால் மட்டுமே மற்றவர்கள் உங்களைத் தொடர்பு கொள்ள முடியும். புதியவர்கள் உங்களைத் தொடர்புகொள்வதைக் கட்டுப்படுத்த ‘யூசர் நேம் கீ’ என்ற கூடுதல் பாதுகாப்பு வசதியும் உண்டு. இந்த ‘கீ’ இருந்தால் மட்டுமே அவர்கள்…

எத்தியோப்பியாவில் இருந்து கடத்தி வரப்பட்ட ரூ.15 கோடி மதிப்பிலான போதைப்பொருள்கள் சென்னை விமான நிலையத்தில் பறிமுதல் செய்யப்பட்டுள்ளது. வெளிநாடுகளில் இருந்து சென்னை வரும் விமானத்தில் போதைப்பொருட்கள் கடத்தி கொண்டு வரப்படுவதாக மத்திய குற்றப்பிரிவு தடுப்பு புலனாய்வு பிரிவுக்கு ரகசிய தகவல் கிடைத்துள்ளது. இதுதொடர்பாக அவர்கள் விமான நிலைய அதிகாரிகளுக்கு தகவல் கொடுக்க, இன்று வெளிநாடுகளில் இருந்து சென்னை வந்த பயணிகளிடம் அதிகாரிகள் தீவிர சோதனை நடத்தினர். இதில், எத்தியோப்பியா நாட்டிலிருந்து சென்னை வந்த 25 வயது மதிக்கத்தக்க பெண்ணிடம் சோதனை நடத்தியதில், அவரிடம் போதைப்பொருள் இருப்பது கண்டறியப்பட்டது. அவரது உடமைகளைச் சோதித்தபோது எதுவும் கிடைக்கவில்லை. ஆனால் அவரை மருத்துவ சோதனைக்கு உட்படுத்தியபோது அதிர்ச்சித் தகவல் வெளியானது. அவர் போதைப்பொருளைச் சிறிய கேப்சூல்களாக மாற்றி, அப்படியே தனது வயிற்றுக்குள் விழுங்கி கடத்தி வந்தது கண்டுபிடிக்கப்பட்டது. இதனைத் தொடர்ந்து, அந்தப் பெண்ணின் வயிற்றிலிருந்த கேப்சூல்கள் மருத்துவ உதவியுடன் பாதுகாப்பாக வெளியே எடுக்கப்பட்டன. அப்பெண்ணின் வயிற்றில்…

பெல்ஜியத்தைச் சேர்ந்த அயான் பீம் அப்ளிகேஷன்ஸ் என்ற நிறுவனத்திடமிருந்து ரூ.191.08 கோடிக்கு புற்றுநோய் பரிசோதனை மற்றும் சிகிச்சைக்கான புரோட்டியஸ் 235 புரோட்டான் என்ற மருத்துவ உபகரணம் மற்றும் துணைக்கருவிகளை சென்னையில் உள்ள அப்போலோ ஹாஸ்பிடல்ஸ் நிறுவனம் கடந்த 2017ஆம் ஆண்டில் இறக்குமதி செய்தது. சென்னை துறைமுகத்தில் சுங்க வரி செலுத்தி சிகிச்சை இயந்திரத்தை வெளியில் எடுத்துவரும் பணியை என்.எஸ்.கே. என்ற நிறுவனம் மேற்கொண்டது. பொருளை பெறுவதற்கான நுழைவுப்பத்திரம் தாக்கல் செய்த பிறகு, துறைமுக மேடையை பயன்படுத்தியதற்காக கப்பல் துறை கட்டணம்  ரூ.59,23,610/ வசூலிக்கப்பட்டது. பின்னர் இறக்குமதி சாதனத்தின் விலை மறுமதிப்பீடு செய்யப்பட்டு, ரூ.21,85,082/- வரையிலான கப்பல்துறை கட்டணத்தை என்.எஸ்.கே. நிறுவனம் திரும்பப் பெற்றது. இதில் போலி ஆவணங்கள் தயாரித்து மோசடியில் ஈடுபட்டதாக சுங்கத்துறை அதிகாரிகள் இருவர், என்.எஸ்.கே. நிறுவனம் மற்றும் அதன் மேலாளர் மீது சிபிஐ மோசடி, கூட்டுச்சதி உள்ளிட்ட பிரிவுகளில் வழக்குப்பதிவு செய்தது. இந்த வழக்கை ரத்து செய்யக் கோரி…

தமிழ் திரையுலகின் ‘திரைக்கதை மன்னன்’ என்று போற்றப்படும் மூத்த இயக்குநர் கே. பாக்யராஜ்  கடந்த வாரம் காலமானார். அவரது மறைவு ஒட்டுமொத்தத் திரை உலகையும் ரசிகர்களையும் பெரும் சோகத்தில் ஆழ்த்திய நிலையில், அவரது கண்கள் தானம் செய்யப்பட்டன. இந்த சோக வடு மாறுவதற்குள், இன்று அவரது அலுவலக எக்ஸ் சமூக வலைதளப் பக்கத்தில் “From the OFFICE of Director #KBhagyaraj sir” என்ற அறிவிப்புடன் பகிரப்பட்டுள்ள இரண்டு கடிதப் பக்கங்கள்  ஒட்டுமொத்த ரசிகர்களையும் நெகிழச் செய்து, கண்கலங்க வைத்துள்ளது. தனது வழக்கமான பாணியில் நையாண்டியும், தத்துவமும் கலந்து, தான் மறைந்த பிறகும் ரசிகர்களுக்காக அவர் எழுதி வைத்துள்ள உருக்கமான இறுதிக் கடிதம் இதோ… “சந்தோஷத்தில பெரிய சந்தோஷம் மத்தவங்களை சந்தோஷப்படுத்திப் பாக்குறது” நான் எழுதுன இந்த வாக்கியத்தை, என் வாழ்க்கையோட பெரிய சந்தோஷமா மாத்துன என் கோடான கோடி ரசிகர்களையும், தங்கமான தாய்மார்களையும்,திரையுலக நண்பர்களையும் என் கண்ணுக்குக் கண்ணாகவே மதிக்கிறேன்.…

நடிகர் விக்ரம் நடிப்பில், இயக்குநர் கவுதம் வாசுதேவ் மேனன் இயக்கத்தில் உருவான திரைப்படம் துருவ நட்சத்திரம். நிதிப்பிரச்னை தொடர்பாக, பைனான்சியர்கள் புண்ணியமூர்த்தி, பிரேம்குமார் ஆகியோர் தாக்கல் செய்த வழக்கில், படத்தை வெளியிட, 2023 ஆம் ஆண்டு சென்னை உயர்நீதிமன்றம் தடை விதித்திருந்தது. பின்னர், கடந்த ஏப்ரல் மாதம் வழக்கை விசாரித்த நீதிமன்றம், ஜூன் 15-க்குள் படத்தை வெளியிட அனுமதி வழங்கியதுடன், அதற்குள் வெளியிட முடியாவிட்டால் கால நீட்டிப்பு கோரி நீதிமன்றத்தை அணுகலாம் என்றும் தெரிவித்திருந்தது. இந்த நிலையில், குறிப்பிட்ட காலத்திற்குள் படத்தை வெளியிட இயலாததால், வெளியீட்டுக்கான அவகாசத்தை நீட்டிக்கக் கோரி இயக்குநர் கவுதம் வாசுதேவ் மேனன் தரப்பில் மனு தாக்கல் செய்யப்பட்டது. இந்த மனுவை விசாரித்த நீதிபதி செந்தில்குமார் ராமமூர்த்தி, ‘துருவ நட்சத்திரம்’ திரைப்படத்தை ஜூலை 31-ம் தேதி வரை வெளியிடலாம் எனக் கால அவகாசம் வழங்கி உத்தரவிட்டார்.