Author: Editor web3

மேற்குவங்க சட்டமன்ற தேர்தல் முடிவுகளில் மொத்தமுள்ள 292 தொகுதிகளில் பாரதிய ஜனதா கட்சி 206 இடங்களைக் கைப்பற்றி, தனிப்பெரும்பான்மையுடன் முதன்முறையாக ஆட்சியைப் பிடித்துள்ளது. கடந்த 15 ஆண்டுகளாக நீடித்து வந்த மம்தா பானர்ஜியின் திரிணாமுல் காங்கிரஸ் ஆட்சியை வீழ்த்தி, பாஜக இந்த மகத்தான வெற்றியைப் பதிவு செய்துள்ளது. இந்த வெற்றியைத் தொடர்ந்து, மாநிலத்தின் அடுத்த முதலமைச்சர் யார் என்ற விவாதம் டெல்லி வரை எதிரொலிக்கிறது. முதலமைச்சர் பதவிக்கான போட்டியில் சுவேந்து அதிகாரி, மாநில முன்னாள் தலைவர் திலீப் கோஷ் மற்றும் சமித் பட்டாச்சார்யா ஆகியோர் முன்னிலையில் இருந்தாலும், ஒரு பெண்ணை முதலமைச்சராக நியமிக்க பாஜக மேலிடம் விரும்புவதாகத் தகவல்கள் தெரிவிக்கின்றன. குறிப்பாக, எதிர்க்கட்சிகள் மகளிர் இடஒதுக்கீடு தொடர்பாக எழுப்பிய விமர்சனங்களுக்குப் பதிலடி கொடுக்கும் வகையில், ஒரு பெண்ணை முதலமைச்சராக அமர்த்தப் பிரதமர் மோடி மற்றும் அமித்ஷா ஆகியோர் ஆலோசித்து வருவதாகக் கூறப்படுகிறது. இதன் காரணமாக, மாநில அளவில் மிகவும் பிரபலமான அக்னிமித்ரா…

டெல்லியில் உள்ள இந்திய ரிசர்வ் வங்கியின் முதன்மை அலுவலகக் கட்டிடத்தில் இன்று மதியம் திடீரென ஏற்பட்ட தீ விபத்து பெரும் பதற்றத்தை உருவாக்கியுள்ளது. நாடாளுமன்றச் சாலையில் அமைந்துள்ள இந்த உயர்தர பாதுகாப்புமிக்க கட்டிடத்தின் மேல் தளத்தில் இருந்து திடீரென கரும்புகை வெளியேறத் தொடங்கியது. அடுத்த சில நிமிடங்களிலேயே தீ மளமளவென அடுத்தடுத்த பகுதிகளுக்குப் பரவியதால், அப்பகுதி முழுவதும் புகைமண்டலமாக மாறியது. விபத்து குறித்த தகவல் கிடைத்ததும், பாதுகாப்பு கருதி அந்தப் பகுதி முழுவதும் உடனடியாக போலீசாரின் கட்டுப்பாட்டுக்குள் கொண்டுவரப்பட்டது. தீ விபத்து பற்றி அறிந்த தீயணைப்புத் துறையினர், 10-க்கும் மேற்பட்ட வாகனங்களுடன் சம்பவ இடத்திற்கு விரைந்து வந்தனர். கட்டிடத்தின் உயரமான பகுதிகளில் பற்றி எரிந்த தீயை அணைக்க வீரர்கள் நவீன ஏணிகள் மற்றும் உபகரணங்களைப் பயன்படுத்திப் போர்க்கால அடிப்படையில் மீட்புப் பணியில் ஈடுபட்டனர். முன்னெச்சரிக்கை நடவடிக்கையாக, வங்கியின் உள்ளே இருந்த அதிகாரிகள் மற்றும் ஊழியர்கள் அனைவரும் துரிதமாக வெளியேற்றப்பட்டதால் பெரும் உயிர்ச்சேதம்…

புதுச்சேரி யூனியன் பிரதேசத்தின் சட்டப்பேரவைத் தேர்தலில் தேசிய ஜனநாயகக் கூட்டணி அமோக வெற்றி பெற்று, ஆட்சியைத் தக்கவைத்துக் கொண்டுள்ளது. மொத்தம் உள்ள 30 தொகுதிகளில், ரங்கசாமி தலைமையிலான என்.ஆர். காங்கிரஸ் 12 இடங்களைக் கைப்பற்றி முன்னிலை வகிக்கிறது. இக்கூட்டணியில் உள்ள பாரதிய ஜனதா கட்சி 4 இடங்களிலும், அதிமுக மற்றும் லட்சிய ஜனநாய கட்சி தலா ஒரு இடத்திலும் வெற்றி பெற்றுள்ளன. இதன் மூலம் மொத்தம் 18 இடங்களுடன் பெரும்பான்மை பலத்தைப் பெற்றுள்ள இக்கூட்டணி, மீண்டும் ஆட்சி அமைக்கத் தயாராகிவிட்டது. மறுபுறம், திமுக மற்றும் காங்கிரஸ் உள்ளடக்கிய இந்தியா கூட்டணி வெறும் 6 இடங்களை மட்டுமே பெற்றுப் பின்னடைவைச் சந்தித்துள்ளது. இந்த வரலாற்றுச் சிறப்புமிக்க வெற்றியின் மூலம்,  ரங்கசாமி புதுச்சேரியின் முதலமைச்சராக 5-வது முறையாக அரியணை ஏறுகிறார். தட்டாஞ்சாவடி மற்றும் மங்கலம் ஆகிய இரு தொகுதிகளிலும் களம் கண்ட அவர், இரண்டிலும் வெற்றி வாகை சூடித் தனது செல்வாக்கை மீண்டும் ஒருமுறை…

தமிழக சட்டமன்றத் தேர்தலில் 108 இடங்களைக் கைப்பற்றி மிகப்பெரிய அரசியல் மாற்றத்தை ஏற்படுத்தியுள்ள தமிழக வெற்றிக் கழகத் தலைவர் விஜய், வரும் மே 7-ம் தேதி (நாளை மறுநாள்) தமிழகத்தின் புதிய முதலமைச்சராகப் பதவியேற்க உள்ளதாகத் தவெக வட்டாரங்கள் தெரிவிக்கின்றன. இன்று நடைபெற்ற அக்கட்சியின் சட்டமன்ற உறுப்பினர்கள் கூட்டத்தில் விஜய் ஒருமனதாகக் குழுத் தலைவராகத் தேர்ந்தெடுக்கப்பட்ட நிலையில், முறைப்படி ஆட்சி அமைக்க உரிமை கோரியுள்ளார். இதனையடுத்து, பதவியேற்பு விழாவுக்கான  பணிகள் தலைநகர் சென்னையில் மிகத் தீவிரமாகத் தொடங்கியுள்ளதாக கூறப்படுகிறது. இந்த வரலாற்றுச் சிறப்புமிக்க பதவியேற்பு விழாவினைச் சென்னை பெரியமேட்டில் உள்ள நேரு உள் விளையாட்டு அரங்கில் நடத்தத் திட்டமிடப்பட்டுள்ளது. வழக்கமாகத் தலைமைச் செயலகம் அல்லது ஆளுநர் மாளிகையில் நடைபெறும் பதவியேற்பு விழாக்களுக்கு மாற்றாக, பெரும் திரளான தொண்டர்கள் மற்றும் பொதுமக்கள் முன்னிலையில் இந்த விழாவை நடத்த விஜய் விரும்புவதாகச் சொல்லப்படுகிறது. இதற்காக நேரு விளையாட்டு அரங்கில் பாதுகாப்பு ஏற்பாடுகள் மற்றும் மேடை…

தமிழக சட்டமன்றத் தேர்தல் முடிவுகள் வெளியாகி, திமுக ஆட்சி அதிகாரத்தை இழந்ததைத் தொடர்ந்து, சென்னை புனித ஜார்ஜ் கோட்டையில் உள்ள தலைமைச் செயலகத்தில் ஆட்சி மாற்றத்திற்கான பணிகள் போர்க்கால அடிப்படையில் நடைபெற்று வருகின்றன. முதலமைச்சர் மு.க.ஸ்டாலின் தனது பதவியை ராஜினாமா செய்துள்ள நிலையில், அமைச்சர்களின் அறைகள் மற்றும் அரசு அலுவலகங்களில் நீண்டகாலமாக இடம்பெற்றிருந்த மு.க.ஸ்டாலின், மறைந்த முன்னாள் முதலமைச்சர் கருணாநிதி, உதயநிதி ஸ்டாலின் மற்றும் தந்தை பெரியார் ஆகியோரின் புகைப்படங்கள் தற்போது அதிகாரப்பூர்வமாக அகற்றப்பட்டு வருகின்றன. அமைச்சர்களின் அலுவலகங்களில் இருந்த திமுக தொடர்பான கட்சிச் சின்னங்கள், முந்தைய ஆட்சியின் சாதனைகளை விளக்கும் பதாகைகள் மற்றும் அலங்காரப் பொருட்களை அகற்றும் பணியில் அரசு ஊழியர்கள் மும்முரமாக ஈடுபட்டுள்ளனர். சுமார் 59 ஆண்டுகளுக்குப் பிறகு திராவிடக் கட்சிகள் அல்லாத ஒரு புதிய அரசியல் சக்தியான ‘தமிழக வெற்றிக் கழகம்’ ஆட்சிக் கட்டிலில் அமரவுள்ள நிலையில், அதற்கேற்ப தலைமைச் செயலகத்தின் தோற்றமே மாறி வருகிறது. அமைச்சர்கள்…

சீனாவின் ஹுனான் மாகாணத்தில் உள்ள லியுயாங் பகுதியில் இயங்கி வந்த முன்னணி பட்டாசு தொழிற்சாலையில் இன்று அதிகாலை நேரிட்ட பயங்கர வெடிவிபத்து பெரும் சோகத்தை ஏற்படுத்தியுள்ளது. பட்டாசு உற்பத்தியின் தலைநகராகக் கருதப்படும் இப்பகுதியில் ஏற்பட்ட இந்த விபத்தில், பணியில் இருந்த 21 தொழிலாளர்கள் உடல் சிதறி சம்பவ இடத்திலேயே உயிரிழந்தனர். பட்டாசுகள் வெடித்து சிதறியதில் தொழிற்சாலைக் கட்டடங்கள் முற்றிலும் இடிந்து தரைமட்டமான நிலையில், அப்பகுதி முழுவதும் கரும்புகை சூழ்ந்து போர்க்களம் போலக் காட்சியளித்தது. இந்த விபத்தில் படுகாயமடைந்த 61 பேர் மீட்கப்பட்டு மருத்துவமனையில் அனுமதிக்கப்பட்டுள்ளனர். இடிபாடுகளுக்குள் இன்னும் சிலர் சிக்கியிருக்கலாம் என்பதால் பலி எண்ணிக்கை மேலும் அதிகரிக்கக்கூடும் என அஞ்சப்படுகிறது. விபத்து நிகழ்ந்த இடத்தைச் சுற்றியுள்ள 3 கிலோமீட்டர் பரப்பளவில் வசிக்கும் பொதுமக்கள் பாதுகாப்பு கருதி உடனடியாக அப்புறப்படுத்தப்பட்டுள்ளனர். சீனாவில் விற்பனையாகும் பட்டாசுகளில் சுமார் 60 சதவீதம் இப்பகுதியிலேயே உற்பத்தி செய்யப்படுவது குறிப்பிடத்தக்கது. மீட்புப் பணிகள் தொடர்ந்து நடைபெற்று வரும் வேளையில், பாதுகாப்பு…

தமிழக சட்டமன்றத் தேர்தலில் 108 இடங்களைக் கைப்பற்றி தனிப்பெரும் கட்சியாக உருவெடுத்துள்ள தமிழக வெற்றிக் கழகத்தின் முதல் எம்.எல்.ஏக்கள் கூட்டம் இன்று சென்னையில் நடைபெற்றது. பனையூரில் உள்ள கட்சி தலைமை அலுவலகத்தில் நடைபெற்ற இக்கூட்டத்தில், கட்சியின் தலைவரான விஜய், ஒருமனதாகத் தவெக சட்டமன்றக் கட்சித் தலைவராகத் தேர்ந்தெடுக்கப்பட்டார். இதன் மூலம், முறைப்படி முதலமைச்சர் பொறுப்பை ஏற்பதற்கான முதல் தடையை அவர் கடந்துள்ளார். சட்டமன்றக் குழுத் தலைவராகத் தேர்ந்தெடுக்கப்பட்டதைத் தொடர்ந்து, நாளை ஆளுநரை சந்திக்க விஜய் திட்டமிட்டுள்ளதாக தகவல்கள் தெரிவிக்கின்றன. இதற்கிடையில், பொறுப்பு ஆளுநர் ராஜேந்திர விஸ்வநாத் அர்லேகர் நாளை சென்னை திரும்புவார் எனத் தெரிகிறது. ஆளுநர் சென்னை வந்தடைந்ததும் அவரை நேரில் சந்திப்பதற்கான நேரத்தை (Appointment) விஜய் தரப்பு கேட்டுள்ளதாகத் தகவல்கள் தெரிவிக்கின்றன. நாளை நடைபெறும் இந்தச் சந்திப்பின் போது, தவெக-வுக்கு ஆதரவு அளிக்கும் எம்.எல்.ஏக்களின் பட்டியல் மற்றும் ஆதரவுக் கடிதங்களை ஆளுநரிடம் விஜய் நேரடியாகச் சமர்ப்பித்து, புதிய முதலமைச்சராகப் பதவியேற்க…

தமிழக சட்டமன்றத் தேர்தல் முடிவுகள் வெளியானதைத் தொடர்ந்து, முதலமைச்சர் மு.க.ஸ்டாலின் தனது ராஜினாமா கடிதத்தைப் பொறுப்பு ஆளுநர் ராஜேந்திர விஸ்வநாத் அர்லேகருக்கு அனுப்பி வைத்தார். ஜனநாயக மரபுகளைப் பின்பற்றி அவர் அளித்த இந்த ராஜினாமா கடிதத்தை ஆளுநர் உடனடியாக ஏற்றுக்கொண்டார். இதுதொடர்பாக தமிழக ஆளுநர் மாளிகை வெளியிட்டுள்ள செய்திக்குறிப்பில், தமிழக முதலமைச்சர் திரு. மு.க.ஸ்டாலின் மற்றும் அவரது அமைச்சரவையின் ராஜினாமா கடிதங்களை ஆளுநர் ஏற்றுக்கொண்டதாக அறிவிக்கப்பட்டுள்ளது. தேர்தல் முடிவுகள் வெளியாகி, ஆட்சி மாற்றத்திற்கான சூழல் உருவாகியுள்ள நிலையில், இந்தச் சட்டப்பூர்வமான நடவடிக்கைகள் மேற்கொள்ளப்பட்டுள்ளன. மேலும், மாற்று ஏற்பாடுகள் செய்யப்படும் வரை, அதாவது, புதிய அரசு அமையும் வரை முதல்வர் பதவியில் தொடர்ந்து நீடிக்குமாறு ஸ்டாலினுக்கு ஆளுநர் கேட்டுக்கொண்டுள்ளார். முன்னதாக, தேர்தலில் வெற்றி பெற்ற விஜய், ஆட்சி அமைக்க அழைப்பு விடுக்குமாறும் பெரும்பான்மையை நிரூபிக்க அவகாசம் கொடுக்குமாறும் ஆளுநருக்கு தவெக சார்பில் கடிதம் அனுப்பப்பட்டிருந்தது. இந்தநிலையில் கேரளாவிலும் புதிய ஆட்சி அமையும் சூழல்…

தமிழக அரசியல் வரலாற்றில் ஒரு முக்கியத் திருப்புமுனையாக அமைந்துள்ள 2026 சட்டமன்றத் தேர்தல் முடிவுகளுக்குப் பிறகு, ஆட்சி அமைப்பதற்கான காய்கள் விறுவிறுப்பாக நகர்த்தப்பட்டு வருகின்றன. நடிகர் விஜய்யின் தமிழக வெற்றிக் கழகம் 108 இடங்களைக் கைப்பற்றி தனிப்பெரும் கட்சியாக உருவெடுத்துள்ள போதிலும், ஆட்சி அமைக்கத் தேவையான 118 என்ற பெரும்பான்மை எண்ணை எட்ட இன்னும் 10 சட்டமன்ற உறுப்பினர்களின் ஆதரவு தேவைப்படுகிறது. இந்தச் சூழலில், சிறிய கட்சிகளின் ஆதரவைப் பெறுவதா அல்லது பிரதான கட்சிகளுடன் கைகோர்ப்பதா என்பது குறித்து விஜய் இன்று பனையூரில் உள்ள கட்சித் தலைமையகத்தில் தனது எம்.எல்.ஏக்கள் மற்றும் முக்கிய நிர்வாகிகளுடன் தீவிர ஆலோசனையில் ஈடுபட்டுள்ளார். மறுபுறம், 47 இடங்களைப் பெற்றுள்ள அதிமுக, விஜய்யின் தவெக-வுக்கு ஆதரவு அளிப்பது குறித்து ரகசியமாக ஆலோசித்து வருவதாகத் தகவல்கள் கசிகின்றன. தவெக-வுக்கு வெளியிலிருந்து ஆதரவு அளிப்பதன் மூலம், திமுக-வை அதிகாரத்திலிருந்து தள்ளி வைப்பதுடன், அரசியல் களத்தில் ஒரு ‘கிங் மேக்கராக’ உருவெடுக்க…

தமிழக சட்டமன்றத் தேர்தல் முடிவுகள் எவருக்கும் தெளிவான பெரும்பான்மையை வழங்காத நிலையில், மாநிலத்தின் மூன்று முக்கியத் தலைவர்களுமே ஒருவித அரசியல் நெருக்கடியைச் சந்தித்து வருகின்றனர். தி.மு.க தலைவர் மு.க.ஸ்டாலின், கடந்த முறை ஆளுங்கட்சியாக இருந்தும் தற்போது 59 இடங்களுடன் இரண்டாம் இடத்திற்குத் தள்ளப்பட்டுள்ளார். அதைவிடப் பெரிய அதிர்ச்சியாக, தனது சொந்தத் தொகுதியான கொளத்தூரிலேயே அவர் தோல்வியைத் தழுவியுள்ளார். இதனால், சட்டமன்றத்திற்குள் நுழைந்து ‘எதிர்க்கட்சித் தலைவர்’ என்ற அந்தஸ்தைப் பெறுவதிலும் அவருக்குச் சிக்கல் ஏற்பட்டுள்ளது. கைக்கு எட்டிய அதிகாரம் வாய்க்கு எட்டாமல் போனது ஸ்டாலினுக்குப் பெரும் பின்னடைவாகப் பார்க்கப்படுகிறது. அதேபோல், அ.தி.மு.க பொதுச்செயலாளர் எடப்பாடி பழனிசாமிக்கும் இந்தத் தேர்தல் முடிவுகள் ஏமாற்றத்தையே தந்துள்ளன. எடப்பாடி தொகுதியில் அவர் மாபெரும் வெற்றி பெற்றிருந்தாலும், மாநில அளவில் அ.தி.மு.க 47 இடங்களைப் பெற்று மூன்றாம் இடத்திற்குத் தள்ளப்பட்டுள்ளது. கடந்த முறை பிரதான எதிர்க்கட்சியாக இருந்த அ.தி.மு.க, தற்போது அந்த இடத்தைத் தி.மு.க-விடம் பறிகொடுத்துள்ளது. இதன் காரணமாக,…