Author: Editor web3

மேற்கு வங்க மாநிலம், வடக்கு தினஜ்பூர் மாவட்டத்தில் உள்ள கோஷ்புகூர் சுங்கச்சாவடியில், சுங்கக் கட்டணம் செலுத்துவதில் ஏற்பட்ட தகராறால் ஊழியர் ஒருவர் காரின் கதவைப் பிடித்துக்கொண்டு 12 கிலோமீட்டர் தூரம் இழுத்துச் செல்லப்பட்ட சம்பவம் பெரும் பரபரப்பை ஏற்படுத்தியுள்ளது. கோஷ்புகூர் சுங்கச்சாவடியில், கார் ஒன்றின் உரிமையாளர்களுக்கும் சுங்கச்சாவடி ஊழியர்களுக்கும் இடையே கட்டணம் செலுத்துவது தொடர்பாக வாக்குவாதம் ஏற்பட்டது. கட்டணம் செலுத்தாமல் காரை எடுக்க முயன்றபோது, காரை நிறுத்த முயற்சி செய்த ஊழியர் ஒருவர் காரின் ஜன்னல் வழியாக உள்ளே கையை விட்டுத் தடுக்க முயன்றார். அந்தச் சமயத்தில், ஓட்டுநர் காரை அதிவேகமாக இயக்கத் தொடங்கியதால், அந்த ஊழியர் காரின் கதவைப் பிடித்துக்கொண்டு தொங்கிய நிலையில் இழுத்துச் செல்லப்பட்டார். கார் அதிவேகமாகச் சென்றபோதும், அந்த ஊழியர் பயப்படாமல் காரைப் பிடித்துக் கொண்டே பயணம் செய்துள்ளார். இதைப் பார்த்த சக வாகன ஓட்டிகள் காரை நிறுத்தும்படி எச்சரித்தும், ஓட்டுநர் அதைக் கண்டு கொள்ளாமல் காரைச்…

இந்தியாவின் முன்னாள் சமஸ்தானங்களின் மகாராஜாக்கள், தங்களின் பிரம்மாண்டமான அரண்மனைகளுக்காகவும், அரிய வகை கார்களுக்காகவும், வேட்டைப் பயணங்களுக்காகவும் அறியப்பட்டவர்கள். ஆனால், அவர்களது அந்த ‘ஷாக்’ (Shauk – ஆர்வம்) இந்திய கால்பந்து விளையாட்டின் வளர்ச்சியில் எத்தகைய முக்கியப் பங்காற்றியுள்ளது என்பது பலரும் அறியாத வரலாறு. 2026 பிஃபா (FIFA) உலகக்கோப்பை நடைபெற்று வரும் வேளையில், இந்திய கால்பந்தின் ராஜ வேர்களைத் திரும்பிப் பார்ப்பது காலத்தின் கட்டாயம். இந்தியாவின் மூத்த ஆண்களுக்கான தேசிய கால்பந்து சாம்பியன்ஷிப் போட்டியான ‘சந்தோஷ் கோப்பை’, அன்றைய வங்காளத்தின் (தற்போதைய வங்கதேசம்) சந்தோஷ் மன்னர் சர் மன்மதா நாத் ராய் சவுத்ரி (Sir Manmatha Nath Roy Chowdhury) பெயரால் அழைக்கப்படுகிறது. 1941-ல் தொடங்கப்பட்ட இந்தப் போட்டி, இன்றுவரை இந்திய கால்பந்தின் மிக முக்கியமான தொடராகத் திகழ்கிறது. இவர் புகழ்பெற்ற ‘ஈஸ்ட் பெங்கால்’ கால்பந்து கிளப்பின் நிறுவன உறுப்பினர்களில் ஒருவர் என்பதோடு, இந்திய கால்பந்து சங்கத்தின் (IFA) தலைவராகவும் பல…

உத்தரகாண்டின் புனிதமான சார் தாம் யாத்திரை இந்த ஆண்டு புதிய மைல்கல்லை எட்டியுள்ளது. ஏப்ரல் மாதம் தொடங்கிய இந்தப் புனிதப் பயணத்தில், கடந்த வியாழக்கிழமை வரையிலான தரவுகளின்படி சுமார் 37.35 லட்சம் பக்தர்கள் தரிசனம் செய்துள்ளனர். இதில் கேதார்நாத் மற்றும் பத்ரிநாத் கோயில்களுக்கு அதிக அளவிலான பக்தர்கள் வருகை தந்துள்ளனர். அதிகாரப்பூர்வ தரவுகளின்படி, கேதார்நாத் கோயிலுக்கு 12.61 லட்சம் பக்தர்களும், பத்ரிநாத் கோயிலுக்கு 11.67 லட்சம் பக்தர்களும் வந்துள்ளனர். அதேபோல், கங்கோத்ரிக்கு 6.17 லட்சமும், யமுனோத்ரிக்கு 5.83 லட்சமும், ஸ்ரீ ஹேமகுண்ட் சாஹிப்பிற்கு 1.05 லட்சம் பக்தர்களும் வருகை தந்துள்ளனர். யாத்திரை தொடங்கியதிலிருந்து சுமார் 3.54 லட்சம் வாகனங்கள் இப்பாதைகளில் இயங்கியுள்ளன. பக்தர்களின் வருகை ஒருபுறம் மகிழ்ச்சியைத் தந்தாலும், மறுபுறம் உயிரிழப்புகளின் எண்ணிக்கை பெரும் கவலையை ஏற்படுத்தியுள்ளது. ஏப்ரல் 19-ம் தேதி முதல் இதுவரை 198 பக்தர்கள் உயிரிழந்துள்ளனர். இதில் 195 மரணங்கள் உடல்நலக் குறைவு மற்றும் மருத்துவக் காரணங்களால் நிகழ்ந்துள்ளன…

இந்தியாவில் பருவமழை தாமதமானதாலும், அதன் வேகம் மந்தமாக இருப்பதாலும் நாட்டின் நீர் சேமிப்பு நிலைகள் கவலைக்குரிய நிலையை எட்டியுள்ளன. மத்திய நீர் ஆணையத்தின் சமீபத்திய புள்ளிவிவரங்களின்படி, நாட்டில் உள்ள 166 முக்கிய நீர்த்தேக்கங்களில் தற்போதைய நீர் இருப்பு அவற்றின் மொத்த கொள்ளளவில் வெறும் 28 சதவீதமாகக் குறைந்துள்ளது என்ற அதிர்ச்சி தகவலை வெளியிட்டுள்ளது. நடப்பு பருவமழைக் காலத்தில், இதுவரையிலான மழையளவில் சுமார் 40 சதவீத பற்றாக்குறை நிலவுகிறது. கடந்த 10 ஆண்டுகளில் இதே காலகட்டத்தில் இருந்த சராசரி நீர் இருப்பை விட தற்போது சற்று அதிகமாக இருந்தாலும், இந்த சரிவுப் போக்கு விவசாயம், குடிநீர் விநியோகம் மற்றும் மின்சார உற்பத்தியில் பெரும் பாதிப்பை ஏற்படுத்தும் என்று நிபுணர்கள் எச்சரிக்கின்றனர். கண்காணிக்கப்படும் 166 நீர்த்தேக்கங்களில், 20 நீர்த்தேக்கங்கள் முக்கிய நீர்மின் திட்டங்களுடன் இணைக்கப்பட்டுள்ளன. இவற்றில் இமாச்சலப் பிரதேசத்தில் உள்ள கோபிந்த் சாகர், பஞ்சாபில் உள்ள தேன் அணை, ராஜஸ்தானில் உள்ள ராணா பிரதாப்…

இன்று கிரிக்கெட் மைதானத்தில் பேட்ஸ்மேன்களின் மிக முக்கியமான கவசமாக ஹெல்மெட் உள்ளது. ஆனால், ஒரு காலத்தில் எவ்வித பாதுகாப்புமின்றி அதிவேகப் பந்துவீச்சாளர்களை பேட்ஸ்மேன்கள் எதிர்கொண்டனர். இந்தச் சூழலை மாற்றியமைத்தவர் இங்கிலாந்தின் முன்னாள் வீரர் டென்னிஸ் அமிஸ். பேக்கர் வேர்ல்ட் சீரிஸ் (Packer World Series) தொடரின் போது, 90 மைல் வேகத்திற்கும் அதிகமாக வீசப்படும் பந்துகளை எதிர்கொள்வது பெரும் சவாலாகவும் ஆபத்தானதாகவும் இருந்தது. அப்போது சக வீரர் டோனி கிரேக்குடன் பேசிக்கொண்டிருந்தபோது, அருகிலிருந்த மோட்டார் சைக்கிள் ஹெல்மெட்டைப் பார்த்த டென்னிஸ் அமிஸிற்கு ஒரு மின்னல் போன்ற யோசனை தோன்றியது. “மோட்டார் சைக்கிள் வீரர்களைப் பாதுகாக்க ஹெல்மெட் இருக்கும்போது, பேட்ஸ்மேன்களுக்கும் ஏன் இருக்கக்கூடாது?” என்பதே அந்த எளிய ஆனால் புரட்சிகரமான கேள்வி. இந்த யோசனை பரிசீலிக்கப்பட்டு, கிரிக்கெட் வீரர்களுக்காக பிரத்யேகமாக வடிவமைக்கப்பட்ட ஹெல்மெட்டுகள் உருவாக்கப்பட்டன. கிரிக்கெட் வரலாற்றில் ஹெல்மெட் அணிந்து பேட்டிங் செய்த முதல் வீரர் என்ற பெருமை டென்னிஸ் அமிஸையே சாரும்.…

ஐபிஎல் 2027 தொடங்குவதற்கு முன்னதாக, நட்சத்திர வீரர் ரிஷப் பண்ட் தனது பழைய அணியான டெல்லி கேப்பிடல்ஸ் அணிக்கே திரும்ப உள்ளார். இதற்கான வர்த்தக ஒப்பந்தத்தை டெல்லி மற்றும் லக்னோ சூப்பர் ஜெயண்ட்ஸ் அணிகள் இறுதி செய்து வருகின்றன. ஐபிஎல் 2025 மெகா ஏலத்தில் 27 கோடி ரூபாய்க்கு லக்னோ அணியால் வாங்கப்பட்ட ரிஷப் பண்ட், கடந்த இரண்டு சீசன்களாக அந்த அணியின் எதிர்பார்ப்புகளைப் பூர்த்தி செய்யத் தவறியதால், தற்போது டெல்லி அணிக்கு  திரும்புவதாக கூறப்படுகிறது. இந்த ஒப்பந்தத்திற்காக அவர் தனது ஊதியத்தில் கணிசமான குறைப்பைச் செய்ய ஒப்புக்கொண்டுள்ளார். இந்த ஒப்பந்தத்தின் ஒரு பகுதியாக, டெல்லி அணியின் நட்சத்திர சுழற்பந்து வீச்சாளர் குல்தீப் யாதவ் (13.25 கோடி ரூபாய்) லக்னோ அணிக்கு மாறுகிறார். பேட்டிங் வரிசையை வலுப்படுத்த டெல்லி அணி இந்த முடிவை எடுத்துள்ளதாக தெரிகிறது. டெல்லி அணியின் கேப்டன் பொறுப்பு அக்சர் படேலிடம் இருந்து கே.எல். ராகுல் கைக்கு மாற…

இந்திய அணியின் முன்னாள் நட்சத்திர வீரர் யுவராஜ் சிங், ஐபிஎல் 2027 சீசனில் டெல்லி கேபிடல்ஸ் அணியின் பயிற்சியாளர் குழுவில் இணைய உள்ளார். சுப்மன் கில், அபிஷேக் சர்மா போன்ற இளம் வீரர்களை உருவாக்கிய யுவராஜ் சிங்கின் அனுபவம், இதுவரை கோப்பையை வெல்லாத டெல்லி அணிக்கு பெரும் பலமாக அமையும் என்று எதிர்பார்க்கப்படுகிறது. முன்னாள் சக வீரர்கள் ஆஷிஷ் நெஹ்ரா, ஜாகீர் கான் மற்றும் வீரேந்திர சேவாக் வரிசையில், யுவராஜும் ஐபிஎல் பயிற்சியாளர் களத்தில் நுழைகிறார். களத்தில் இறங்கி இளம் வீரர்களுக்கு நேரடியாகப் பயிற்சி அளிக்கும் இவரது அணுகுமுறை அணிக்குச் சாதகமாக இருக்கும் என டெல்லி அணி நிர்வாகம் நம்புகிறது. டெல்லி அணியின் கிரிக்கெட் இயக்குநராக இருக்கும் சௌரவ் கங்குலி, மீண்டும் ஆண்கள் அணியின் பொறுப்புகளைக் கவனிக்க உள்ளார். அவர் தலைமைப் பயிற்சியாளராக நியமிக்கப்படவும் அதிக வாய்ப்புள்ளது. இதுமட்டுமல்லாமல், டெல்லி கேபிடல்ஸ் அணியில் பெரிய அளவில் மாற்றங்கள் செய்யத் திட்டமிடப்பட்டுள்ளது. கே.எல்.…

இந்தியாவின் நட்சத்திர ஈட்டி எறிதல் வீரர் நீரஜ் சோப்ரா, காமன்வெல்த் விளையாட்டுப் போட்டிகளுக்குத் தகுதி பெற்றுள்ளார். இந்தியாவின் நட்சத்திர ஈட்டி எறியும் வீரரான நீரஜ் சோப்ரா, வெள்ளிக்கிழமை நடைபெற்ற தோஹா டைமண்ட் லீக் போட்டியில் 82.77 மீட்டர் தூரம் ஈட்டியை எறிந்து காமன்வெல்த் விளையாட்டுப் போட்டிக்கான தகுதி வரம்பை எட்டினார். 2026-ஆம் ஆண்டு சீசனின் தனது முதல் போட்டியிலேயே அவர் இந்தத் தகுதியைப் பெற்றார். தோஹா டயமண்ட் லீக் தொடரில் தனது இரண்டாவது முயற்சியில் 82.77 மீட்டர் தூரத்தை எட்டியதன் மூலம், காமன்வெல்த் போட்டிக்கான தகுதி இலக்கான 82.61 மீட்டரை நீரஜ் சோப்ரா வெற்றிகரமாகக் கடந்துள்ளார். போட்டியின் மூன்றாவது முயற்சியில் நீரஜ் 85.69 மீட்டர் தூரத்தை எட்டி, தான் மீண்டும் சிறந்த பார்மில் இருப்பதையும், காயத்திற்குப் பிறகான தனது கம்பேக் (Comeback) சிறப்பாக இருப்பதையும் நிரூபித்துள்ளார். இதன் மூலம் அவர் தரவரிசையில் மூன்றாவது இடத்தில் நீடித்தார். தோஹா டைமண்ட் லீக் போட்டியானது…

மக்களவை எதிர்க்கட்சித் தலைவர் ராகுல் காந்தியின் 56-வது பிறந்தநாள் விழா, காஞ்சிபுரம் மாவட்டத்தில் காங்கிரஸ் கட்சியினரால் மிகவும் பிரம்மாண்டமாகவும் உற்சாகமாகவும் கொண்டாடப்பட்டது. காஞ்சிபுரம் மாவட்ட காங்கிரஸ் தலைவர் அருள்நாதன் தலைமையில் நடைபெற்ற இந்த விழாவில், காஞ்சிபுரம் மாநகராட்சி துணை மேயர் குமரகுருநாதன் மற்றும் நகர காங்கிரஸ் தலைவர் நாதன் ஆகியோர் முன்னிலை வகித்தனர். காஞ்சிபுரம் காந்தி சாலையில் அமைந்துள்ள முன்னாள் முதலமைச்சர் காமராஜரின் சிலைக்கு மாலை அணிவித்து மரியாதை செலுத்திய தொண்டர்கள், ராகுல் காந்தியின் பிறந்தநாளைக் கொண்டாடினர். பிறந்தநாள் விழாவின் முக்கிய நிகழ்வாக, பொதுமக்களுக்கு அன்னதானம் வழங்கும் நிகழ்ச்சி நடைபெற்றது. இதில் சுமார் 1,000 பேருக்கு 100 கிலோ அளவிலான சிக்கன் பிரியாணி வழங்கப்பட்டது. தமிழக வெற்றி கழகத்துடன் இணைந்து ஆட்சிப் பொறுப்பில் காங்கிரஸ் பங்கேற்றுள்ள சூழலில், கடந்த ஆண்டுகளை விட இந்த ஆண்டு பிறந்தநாள் விழா மிகுந்த எழுச்சியுடன் கொண்டாடப்பட்டது. வழக்கத்தை விட அதிகப்படியான காங்கிரஸ் தொண்டர்கள் மற்றும் நிர்வாகிகள்…

சேலம் மாவட்டம் ஏற்காட்டில் இன்று காலையில் ஏற்பட்ட விபத்தில் பள்ளி வேன் சக்கரத்தில் சிக்கி 3-ஆம் வகுப்பு மாணவி சம்பவ இடத்திலேயே உயிரிழந்த சம்பவம் அப்பகுதி மக்களிடையே பெரும் சோகத்தையும் அதிர்ச்சியையும் ஏற்படுத்தியுள்ளது. ஏற்காடு மலைக்கிராமங்களில் போக்குவரத்து வசதிகள் குறைவாக உள்ளதால், மாணவர்கள் பெரும்பாலும் தனியார் வேன்களையே பள்ளிக்குச் செல்லப் பயன்படுத்துகின்றனர். அந்த வகையில், வாழவந்தி பகுதியைச் சேர்ந்த மேகனா என்ற சிறுமி, இன்று காலை வழக்கம்போல் பள்ளிக்குச் சென்றுள்ளார். பள்ளி வளாகத்தை வேன் சென்றடைந்ததும், ஓட்டுநர் குழந்தைகளை இறக்கிவிட்டதாகக் கூறப்படுகிறது. அப்போது, வேனை கவனக்குறைவாகப் பின்னோக்கி  எடுத்தபோது, பின்னால் நின்றிருந்த மாணவி மேகனா எதிர்பாராதவிதமாக வேன் சக்கரத்தில் சிக்கிக்கொண்டார். தலையில் பலத்த காயமடைந்த அந்தச் சிறுமி, சம்பவ இடத்திலேயே பரிதாபமாக உயிரிழந்தார். தகவல் அறிந்து விரைந்து சென்ற ஏற்காடு காவல்துறையினர், சிறுமியின் உடலைக் கைப்பற்றி பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர். இந்த விபத்து தொடர்பாக வழக்குப்பதிவு செய்த…