Author: Editor TN Talks

சீனாவின் மிகப்பெரிய ஆன்லைன் பயண முன்பதிவு நிறுவனமான Trip.com Group மீது, சந்தை ஆதிக்கத்தை தவறாக பயன்படுத்தியதாகக் கூறி, சீனாவின் State Administration for Market Regulation (SAMR) மொத்தம் 5.2 பில்லியன் யுவான் (சுமார் 770 மில்லியன் அமெரிக்க டாலர்) அபராதம் விதித்துள்ளது. SAMR வெளியிட்டுள்ள அறிக்கையின்படி, Trip.com தனது இணைய தளத்தில் ஹோட்டல்களுக்கு வழங்கப்படும் டிராஃபிக் ஒதுக்கீடு (Traffic Allocation), பிளாட்ஃபார்ம் விதிமுறைகள் மற்றும் தொழில்நுட்ப கட்டுப்பாடுகள் ஆகியவற்றை பயன்படுத்தி, சில ஹோட்டல்களுடன் பிரத்யேக (Exclusive) ஒப்பந்தங்களை செய்து, பிற ஆன்லைன் தளங்களில் அவர்கள் செயல்படுவதை கட்டுப்படுத்தியதாக குற்றம்சாட்டப்பட்டுள்ளது. இதன் மூலம் குறைந்த விலையை வழங்கும் பெயரில் சந்தைப் போட்டியை பாதித்ததாகவும் தெரிவிக்கப்பட்டுள்ளது. இந்த வழக்கில், நிறுவனத்திடம் இருந்து 1.66 பில்லியன் யுவான் சட்டவிரோத வருவாய் பறிமுதல் செய்யப்பட்டதுடன், கூடுதலாக 3.52 பில்லியன் யுவான் அபராதமும் விதிக்கப்பட்டுள்ளது. மேலும், ஹோட்டல் உரிமையாளர்களிடம் இருந்து பிடித்து வைக்கப்பட்டதாகக் கூறப்படும் 122…

தூத்துக்குடி இனிகோ நகர் கடற்கரை பகுதி வழியாக படகு மூலம் இலங்கைக்கு கடத்தப்பட இருந்த ரூபாய் 50 லட்சம் மதிப்பிலான 1260 கிலோ பீடி இலைகளை, சரக்கு லாரியுடன் க்யூ பிரிவு போலீசார் பறிமுதல் செய்தனர். தூத்துக்குடி மாவட்ட கடற் பகுதி வழியாக இலங்கைக்கு பைபர் படகுமூலம் எந்தவித ஆவணங்களும் இன்றி தொடர்ந்து போதை மருந்துகள், பீடி இலைகள், மஞ்சள்,  மளிகை பொருட்கள், மருந்து மாத்திரைகள், பட்டாசுகள், அழகு சாதன பொருட்கள், வாசனை திரவியங்கள், சோப் ஆகியவை கடத்தப்பட்டு வருகின்றன. இந்தக் கடத்தலை தடுக்க தூத்துக்குடி மாவட்ட க்யூ பிரிவு காவல் துறையினர் மற்றும் கடலோர காவல் நிலைய போலீசார் ஆகியோர் அவ்வப்போது ரோந்து பணியில் ஈடுபட்டு கடத்தலை தடுத்து வருகின்றனர். இந்த நிலையில் இன்று அதிகாலை  தூத்துக்குடி இனிகோ நகர் கடற் பகுதி வழியாக இலங்கைக்கு பீடி இலைகள் கடத்தப்படுவதாக க்யூ பிரிவு காவல் துறையினருக்கு தகவல் கிடைத்தது. இதைத்…

சட்டமன்றத்திற்குள் வைத்து எலும்பை உடைப்பேன் என்று தெரிவித்தது நாகரிகமான அரசியல் கிடையாது  என சமூக நீதித்துறை அமைச்சர் வன்னியரசு தெரிவித்துள்ளார். தூத்துக்குடி விமான நிலையத்தில் செய்தியாளர்களை சந்தித்த அமைச்சர் வன்னியரசு கூறியதாவது;- இன்று மாஞ்சோலை தோட்ட தொழிலாளர்கள் நினைவு நாளில் விடுதலை சிறுத்தைகள் சார்பில் வீரவணக்கம் செலுத்த உள்ளோம். கடந்த காலங்களில் மாஞ்சோலை தேயிலைத் தோட்ட தொழிலாளர்கள் கோரிக்கைகள் புறக்கணிக்கப்பட்டு வந்தது. மாஞ்சோலை தேயிலைத் தோட்ட தொழிலாளர்கள் தலைமைச் செயலகத்திற்கு வந்து ஆலோசனை செய்தார்கள். அவருடைய கோரிக்கைகள் தமிழக முதல்வர் கவனத்திற்கு எடுத்துச் செல்லப்பட்டு அவர்கள் கோரிக்கைகள் நிறைவேறுவதற்கு உறுதுணையாக இருப்போம். சட்டமன்ற உறுப்பினர் மார்க்கண்டேயினின் பேச்சு வன்முறையை தூண்டும் விதமான பேச்சு. இது குறித்து சபாநாயகர் தெளிவுபடுத்தி உள்ளார். அவர் பேசியதில் உண்மையில்லை என்றால் நீதிமன்றம் விடுவித்திருக்கும். வன்முறையான பேச்சுகளை அவர் தவிர்க்க வேண்டும். இந்தியா முழுவதும் நீட் தேர்வு ரத்து செய்யப்பட வேண்டும் என்பதுதான் விசிகவின் கோரிக்கை. சோனம்…

இந்திய ராணுவத் தளபதி அலுவலகத்தில் இருந்த சர்ச்சைக்குரிய ‘தர்மா’ ஓவியம் அகற்றப்பட்டதை, முன்னாள் ராணுவ அதிகாரிகள் வரவேற்றுள்ளனர். இந்திய ராணுவத் தளபதி அலுவலக ஓய்வறையில் வைக்கப்பட்டிருந்த மகாபாரதத்தை மையமாகக் கொண்ட ‘கரம் க்ஷேத்ரா (Karam Kshetra)’ ஓவியம் அமைதியாக அகற்றப்பட்டுள்ளது. ரசியல், மத மற்றும் கலாச்சார அடையாளங்களை முன்னிறுத்துவதாக இந்த ஓவியம் மீது எழுந்த கடும் சர்ச்சைக்கு மத்தியில் இந்த நடவடிக்கை எடுக்கப்பட்டுள்ளது. கிழக்கு ராணுவ கட்டளை (Eastern Command) வெளியிட்ட சமீபத்திய வீடியோவில், ராணுவத் தளபதி ஜெனரல் தீரஜ் சேத் தனது அலுவலகத்தில் உரையாற்றும் போது, முன்பு இருந்த ஓவியத்துக்கு பதிலாக இந்திய ராணுவத்தின் சின்னம் (Army Insignia) பின்னணியில் இடம்பெற்றிருப்பது உறுதியாகியுள்ளது. இந்த ஓவியம் 2024 டிசம்பரில் நிறுவப்பட்டது. இதில் பாங்காங் ஏரி கரையில் டாங்கிகள், ஹெலிகாப்டர்கள், தேரில் வரும் வீரர், காவி உடை அணிந்த முனிவர் உள்ளிட்ட புராண மற்றும் நவீன ராணுவக் காட்சிகள் ஒன்றாக இடம்பெற்றிருந்தன.…

தூத்துக்குடியில் இளைஞர் அருணாச்சலம் காவல்துறை தாக்கியதால் இறந்ததாக அவரது உறவினர்கள் குற்றச்சாட்டு தெரிவித்து உடலை வாங்க மறுத்து போராட்டம் நடைபெற்று வரும் நிலையில் காவல்துறை இந்த சம்பவம் தொடர்பாக விளக்கம் அளித்துள்ளது. அந்த விளக்கத்தில் கூறப்பட்டுள்ளதாவது;- கடந்த 17.07.2026 அன்று, தூத்துக்குடி, அமுதா நகரைச் சேர்ந்த அருணாசலம் (வயது 24),  மதுவிலக்கு அமலாக்கச் சோதனையின்போது 120 மது பாட்டில்களுடன் (தலா 180 மி.லி) பிடிபட்டதைத் தொடர்ந்து, தூத்துக்குடி தெற்கு காவல் நிலையத்தினர் தமிழ்நாடு மதுவிலக்குச் சட்டத்தின் பிரிவு 4(1)(A) மற்றும் 14A-ன் கீழ் குற்ற எண் 751/2026-ஐப் பதிவு செய்தனர் 17.07.2026 அன்று மாலை சுமார் 5.50 மணியளவில் அவர் தூத்துக்குடி அரசு மருத்துவக் கல்லூரி மருத்துவமனைக்கு அழைத்துச் செல்லப்பட்டார். பரிசோதனை செய்த மருத்துவர், அவர் உடல்நலத்துடன் இருப்பதையும், அவருக்கு வெளிப்புறக் காயங்கள் ஏதுமில்லை என்பதையும் உறுதிப்படுத்தினார். மருத்துவப் பரிசோதனைக்குப் பிறகு, கூடுதல் சட்ட நடைமுறைகளை நிறைவு செய்வதற்காக அவர் காவல்…

ஆசியாவின் முன்னாள் கிரிக்கெட் நட்சத்திரங்களை ஒரே மேடையில் சந்திக்கவைக்கும் ஆசியன் லெஜெண்ட்ஸ் லீக் (Asian Legends League) சீசன்-2 போட்டி, ஜூலை 30 முதல் ஆகஸ்ட் 10 வரை ஜாம்பியாவின் லுசாகா நகரில் நடைபெறுகிறது. இதில் இந்திய அணியின் முன்னாள் வீரர்கள் யூசுப் பதான் மற்றும் அம்பாட்டி ராயுடு மீண்டும் களமிறங்க உள்ளனர்.   இந்தத் தொடரில் இந்தியன் ராயல்ஸ், இலங்கை லயன்ஸ், வங்கதேச டைகர்ஸ், ஆப்கானிஸ்தான் பதான்ஸ், பாகிஸ்தான் பாந்தர்ஸ், ரெஸ்ட் ஆஃப் ஏஷியன் ஸ்டார்ஸ் என மொத்தம் 6 அணிகள் பங்கேற்கின்றன. இந்தியாவில் இந்தப் போட்டிகள் சோனி ஸ்போர்ட்ஸ் நெட்வொர்க் மூலம் நேரலையாக ஒளிபரப்பப்படவுள்ளன.   “ஆசியன் லெஜெண்ட்ஸ் லீக் சீசன்-2-ல் மீண்டும் விளையாடுவதில் மிகுந்த மகிழ்ச்சி. ஆசியாவின் முன்னாள் கிரிக்கெட் வீரர்கள் அனைவரும் ஒன்றிணையும் இந்தத் தொடர் பழைய நினைவுகளை மீண்டும் உயிர்ப்பிக்கிறது. ரசிகர்களை மீண்டும் மகிழ்விப்பதற்காக காத்திருக்கிறேன். இந்தியன் ராயல்ஸ் அணியை ஆதரியுங்கள்,” என்று இந்தியன்…

டெல்லியில் நாடாளுமன்ற வளாகத்தில் ஊடகவியலாளர்களை நோக்கிப் பேசிய காங்கிரஸ் தலைவர் பிரியங்கா காந்தி, ஊடகங்கள் இந்த அரசின் வலையில் சிக்கியுள்ளதாகத் தெரிவித்தார். அரசாங்கம் கேட்க விரும்பும் கேள்விகளை மட்டுமே ஊடகங்கள் திரும்பத் திரும்பக் கேட்பதாகவும் அவர் குற்றம் சாட்டினார். நாட்டின் இளைஞர்கள் மிகப்பெரிய போராட்டத்தில் ஈடுபட்டுள்ள நிலையில், பிரதமர் இன்னும் நாடாளுமன்றத்திற்கு வரவில்லை என்றும், நாட்டின் முக்கியப் பிரச்சினைகள் குறித்து அவர் பேசுவதில்லை என்றும் அவர் விமர்சித்தார். மாணவர்களின் கோரிக்கைகள், மருத்துவமனைகளில் உள்ள சிறுவர்கள் நிலை, மற்றும் இணையத் துண்டிப்புகள் போன்ற அடிப்படைப் பிரச்சினைகள் குறித்து அரசாங்கத்திடம் ஊடகங்கள் ஏன் கேள்வி எழுப்புவதில்லை என்றும் அவர் கேள்வி எழுப்பினார். மத்திய அமைச்சர்கள் மற்றும் உயர் அதிகாரிகளிடம் அவர்களின் செயல்பாடுகள் குறித்தும், அவர்கள் எப்போது பதவி விலகப் போகிறார்கள் என்பது குறித்தும் ஊடகங்கள் கேள்வி கேட்பதில்லை என பிரியங்கா காந்தி தெரிவித்தார். “தேர்வுத் தாள் கசிவு ஏன் நடந்தது? அதற்கு கல்வி அமைச்சர்…

முதலமைச்சர் ச.ஜோசப் விஜய் வராத நிலையில் அமைச்சர்களும் ஜனநாயகன் திரைப்படம் பார்க்க சென்றுவிட்டதால் ஒட்டுமொத்த தலைமைச் செயலகமும் வெறிச்சோடி காணப்பட்டது. தவெக ஆட்சியமைந்த பின் ஜோசப் விஜய் முதலமைச்சராக பொறுப்பேற்ற பின் திங்கள் முதல் வெள்ளி வரை தலைமைச் செயலகம் வருவதை வழக்கமாக வைத்திருக்கிறார். காலை 10 மணிக்கு முன்பாகவே தலைமைச் செயலகம் வரும் முதலமைச்சர் ஜோசப் விஜய் மாலை 5 மணி வரை அலுவல் பணிகளை மேற்கொள்வதால் அமைச்சர்களும் தலைமைச் செயலகத்திற்கு தவறாமல் வருகைபுரிந்து அவரவர் துறை சார்ந்த அலுவல்களை மேற்கொண்டு வருகின்றனர். இந்த நிலையில் முதலமைச்சர் ஜோசப் விஜய் நடிப்பில் உருவான இறுதி திரைப்படமான ஜனநாயகன் திரைப்படம் இன்று திரையரங்குகளில் வெளியாகியுள்ளது. முதலமைச்சர் ஜோசப் விஜய் மற்றும் அவருக்கு நெருக்கமானவர்கள் நேற்றே திரைப்படத்தை பார்த்துவிட்ட நிலையில் அமைச்சர்கள், சட்டமன்ற உறுப்பினர்கள் அவரவர் சொந்த மாவட்டங்களில் உற்சாகத்துடன் இன்று வெளியாகியிருக்கும் ஜனநாயகன் திரைப்படத்தை கண்டுகளித்து வருகின்றனர். முதலமைச்சர், அமைச்சர்கள் ஆகியோர்…

முதல்வருக்கு மிரட்டல் விடுக்கும் வகையில் பேசியதாக கைது செய்யப்பட்ட விளாத்திகுளம் திமுக எம்.எல்.ஏ. மார்க்கண்டேயனின் ஜாமீன் மனுவுக்கு பதிலளிக்கும்படி காவல் துறைக்கு சென்னை உயர்நீதிமன்றம் உத்தரவிட்டுள்ளது. தூத்துக்குடி மாவட்டம், கோவில்பட்டியில் வாக்காளர்களுக்கு நன்றி தெரிவிக்கும் கூட்டத்தில் பேசிய   விளாத்திகுளம் தொகுதி திமுக எம்.எல்.ஏ. ஜீ.வி.மார்க்கண்டேயன், முதலமைச்சருக்கு மிரட்டல் விடுக்கும் வகையில், அவதூறாகப் பேசியதாக தூத்துக்குடி மாவட்ட குற்றப்பிரிவு போலீசார், அவரை கைது செய்துள்ளனர். ஜாமீன் கோரி அவர் தாக்கல் செய்த மனுவை தூத்துக்குடி நீதிமன்றம் நேற்று தள்ளுபடி செய்திருந்தது. இதையடுத்து, தன்னை சிறையிலடைத்த உத்தரவை ரத்து செய்யக் கோரியும், ஜாமீன் வழங்கக் கோரியும் மார்க்கண்டேயன் தரப்பில் சென்னை உயர்நீதிமன்றத்தில் மனுத்தாக்கல் செய்யப்பட்டது. இந்த மனுவை, நீதிபதி ஜி.கே.இளந்திரையன் அவசர வழக்காக விசாரணைக்கு எடுத்துக் கொண்டார். அப்போது, மார்க்கண்டேயன் தரப்பில் ஆஜரான மூத்த வழக்கறிஞர் வில்சன், விசாரணைக்கு அழைத்து நோட்டீஸ் அனுப்பாமல் நேரடியாக கைது செய்யப்பட்டுள்ளதாகவும், உச்ச நீதிமன்ற விதிமுறைகள் மீறப்பட்டுள்ளதால், நீதிமன்ற…

மக்கள் திண்டாடி வரும் நிலையில் ஜனநாயகம் படம் பார்த்ததை செல்ஃபி எடுத்து அமைச்சர்கள் கொண்டாடி வருவதாக அதிமுக பொதுச் செயலாளர் எடப்பாடி பழனிசாமி கடும் விமர்சனம் தெரிவித்துள்ளார்.   திருச்சி அரசு தலைமை மருத்துவமனையில் சிகிச்சை பெற்று வந்த 68 வயது பெண்ணின் கால் விரலை எலிகள் கடித்துக் குதறியதாக வரும் செய்தி மிகுந்த அதிர்ச்சி அளிப்பதாகக் கூறியுள்ள எடப்பாடி பழனிசாமி,  தமிழகத்தில் அரசு மருத்துவமனைகளை இன்றைய ஆட்சி எப்படி வைத்திருக்கிறது என்பதற்கு இந்த செய்தியே சாட்சி என்று விமர்சித்துள்ளார்.   அரசை நம்பி சிகிச்சை பெற வந்து, எலி கடித்து கால் விரல் இழந்துள்ள அந்த பெண்ணிற்கு என்ன பதில் வைத்துள்ளது இன்றைய தவெக பொய்க்கால் குதிரை அரசு என ஆதங்கம் தெரிவித்துள்ள எடப்பாடி பழனிசாமி,   இப்படி மக்கள் திண்டாடிக் கொண்டிருக்க, இத்துறையின் அமைச்சரோ, ஜனநாயகன் படத்தின் முதல் காட்சி பார்த்து கொண்டாடி Selfie பதிவிட்டுக் கொண்டிருக்கிறார் எனச்…