Author: Editor TN Talks

காமன்வெல்த் போட்டியில் வெள்ளிப் பதக்கம் வென்ற தமிழக வீரருக்கு ரூ.30 இலட்சம் உயரிய ஊக்கத் தொகை வழங்கப்படும் என முதலமைச்சர் ஜோசப் விஜய் அறிவித்துள்ளார். முதலமைச்சர் வெளியிட்டுள்ள எக்ஸ்தளப் பதிவில்,  ஸ்காட்லாந்தின் கிளாஸ்கோ நகரில் நடைபெற்று வரும்   23-வது காமன்வெல்த் விளையாட்டுப் போட்டியில், ஆண்களுக்கான 65 கிலோ பளுதூக்கும் எடைப் பிரிவில் வெள்ளிப் பதக்கம் வென்று சாதனை படைத்துள்ள தமிழ்நாட்டின் தூத்துக்குடி மாவட்டத்தைச் சேர்ந்த வீரர் ராஜா முத்துப்பாண்டிக்கு தனது மனமார்ந்த வாழ்த்துகளையும் பாராட்டுகளையும் தெரிவித்துள்ளார். மேலும் ராஜா முத்துப்பாண்டியின் சாதனையைப் பாராட்டி தமிழ்நாடு அரசின் சார்பில் உயரிய ஊக்கத்தொகையாக 30 இலட்சம் ரூபாய் வழங்கப்படும் என அறிவித்துள்ளார். அத்துடன், அவரது வெற்றி, இளைஞர்களுக்கு புதிய உத்வேகத்தையும் நம்பிக்கையையும் அளிக்கட்டும்.  அவர், மேலும் பல சாதனைகள் படைத்து இந்திய திருநாட்டிற்கும், தமிழ்நாட்டிற்கும் பெருமை சேர்க்க தனது வாழ்த்துகளையும் முதலமைச்சர் ச.ஜோசப் விஜய் தெரிவித்துள்ளார்.

சென்னை தலைமை செயலகத்தில் முதலமைச்சர் விஜய் தலைமையில் இயற்கை வளங்கள் துறை ஆலோசனை கூட்டம் இன்று நடைபெறுகிறது. இந்த ஆலோசனைக் கூட்டத்தில் இயற்கை வளங்கள் துறை தொடர்பான நிதிநிலை அறிக்கை சம்பந்தமாக முதலமைச்சர் விஜய் ஆலோசனை மேற்கொள்ள உள்ளார். மேலும், கனிம வளங்கள் துறையில் வெளிப்படையான நிர்வாகத்தை செயல்படுத்தி அதிக வருவாயை ஈட்டுவது தொடர்பாகவும், கனிம வள கடத்தலை தடுப்பது குறித்தும் ஆலோசிக்கப்படுகிறது. இதே போல் வெளி மாநிலங்களுக்கு கனிம வளங்கள் எடுத்துச் செல்லப்படுவதை தடுக்கும் வகையில் கூடுதல் கட்டுப்பாடுகளை விதிப்பது தொடர்பாகவும், ஆன்லைன் மூலமாக குவாரிகளை கண்காணிப்பது, வாகனங்களில் எடுத்து செல்லும் ஜல்லி,எம். சாண்ட் உள்ளிட்டவற்றை கண்காணிப்பது தொடர்பாகவும் கூட்டத்தில்  ஆலோசனை மேற்கொள்ளப்பட உள்ளதாக தகவல்கள் தெரிவிக்கின்றன.

திருவள்ளூர் மாவட்டம் கும்மிடிப்பூண்டி அருகே ஏடுரில் சிறுமியின் உடலை அரசு மருத்துவமனை மாற்றி வழங்கியதையடுத்து, புதைக்கப்பட்ட உடல் தோண்டி  எடுத்து பெற்றோரிடம் ஒப்படைக்கப்பட்டுள்ளது. ஏடுர் கிராமத்தை சேர்ந்த கூலித் தொழிலாளி சுமன் – காயத்ரி தம்பதியின் 17 வயது அனுஷ்கா மகள் கடந்த வெள்ளிக்கிழமை தனது வீட்டில் தூக்கிட்ட நிலையில் மீட்கப்பட்டு, எளாவூர் அரசு மருத்துவமனையில் சிகிச்சைக்காக அனுமதிக்கப்பட்டுள்ளார். பின்னர் மேல் சிகிச்சைக்காக சென்னை ஸ்டான்லி அரசு மருத்துவமனையில் அனுமதிக்கப்பட்ட சிறுமி சனிக்கிழமை  இரவு  சிகிச்சை பலனின்ரி உயிரிழந்துள்ளார். இது தொடர்பாக ஆரம்பாக்கம் காவல் நிலையத்தில் வழக்கு பதிவு செய்யப்பட்ட பின்னர், காவல்துறையினரின் உதவியுடன் உறவினர்கள் ஞாயிற்றுக்கிழமை உடலை வாங்க வந்தனர். ஆனால் மருத்துவமனை தரப்பில் சிறுமியின் உடல் எனக் கூறி வேறு ஒரு பெண்ணின் உடலை வழங்கியுள்ளனர். இதனை உறவினர்கள் கண்டறிந்த நிலையில் அவர்கள் கடும் வாக்குவாதத்தில் ஈடுபட்டுள்ளனர். இதையடுத்து, அந்த சடலம் சென்னை மணலி பகுதியில் உயிரிழந்த பெண்ணின்…

சுதந்திர தினத்தில் வீடுகளில் தேசியக் கொடி ஏற்றும் ‘ஹர் கர் திரங்கா’ இயக்கத்துக்கான, பிரதமர் அழைப்பை பெற்றி பெற செய்வோம் என பாஜக மாநிலத் தலைவர் நயினார் நாகேந்திரன் தெரிவித்துள்ளார். பிரதமரின்  136-வது மனதின் குரல் உரை வீரத்தையும், தற்சார்பையும், தேசப்பற்றையும் போற்றியிருப்பதாக தனது எக்ஸ் பக்கத்தில் பகிர்ந்துள்ளார். பிரதமர் தனது உரையில், கார்கில் விஜய் திவாஸ் நன்னாளில், நாட்டின் எல்லையைக் காக்க வீரமரணமடைந்த நமது இராணுவ வீரர்களுக்கு அஞ்சலி செலுத்தியதோடு, ‘சௌர்யா விஜய் யாத்திரை’ குறித்தும் பெருமிதத்துடன் குறிப்பிட்டார். மேலும், உள்நாட்டிலேயே தயாரிக்கப்பட்ட INS மகேந்திரகிரி போர்க்கப்பல் கடற்படையில் இணைக்கப்பட்டதையும், பினாகா ராக்கெட் மற்றும் குஷா ஏவுகணை சோதனைகள் வெற்றிகரமாக நடத்தப்பட்டதையும் தற்சார்பு பாரதத்தின் உயரிய வலிமைக்குச் சான்றுகளாகப் சுட்டிக்காட்டியதாகக் கூறியுள்ளார். விளையாட்டுத் துறையில் பி.வி.சிந்து ஜப்பான் ஓபன் பட்டம் வென்றதையும், லார்ட்ஸ் மைதானத்தில் நமது இந்திய மகளிர் கிரிக்கெட் அணி வரலாற்றுச் சிறப்புமிக்க முதல் டெஸ்ட் வெற்றியைப் பெற்றதையும்,…

பாதுகாப்புத்துறையில் உற்பத்தி, ஏற்றுமதி மற்றும் நட்பு நாடுகளுடனான பாதுகாப்பு ஒத்துழைப்பில் இந்தியா தொடர்ந்து புதிய உயரங்களை எட்டிவருவதாக பிரதமர் நரேந்திர மோடி பெருமிதம் தெரிவித்துள்ளார். தனது மாதாந்திர வானொலி நிகழ்ச்சியான ‘மன் கி பாத்’-இன் 136-வது அத்தியாயத்தில் பேசிய பிரதமர் நரேந்திர மோடி, பாதுகாப்புத் துறையில் இந்தியா சமீபத்தில் பெற்றுள்ள சாதனைகளை பெருமையுடன் குறிப்பிட்டார். பாதுகாப்பு ஆராய்ச்சி மற்றும் மேம்பாட்டு நிறுவனம் (DRDO) இந்த மாதம் பினாகா நீண்ட தூர வழிகாட்டி ராக்கெட் (Pinaka Long Range Guided Rocket) சோதனையை வெற்றிகரமாக மேற்கொண்டதாகவும், இது இந்திய விஞ்ஞானிகள் மற்றும் பொறியாளர்களின் கூட்டு முயற்சிக்குக் கிடைத்த வெற்றி என்று பிரதமர் பாராட்டினார். அதேபோல், சில நாட்களுக்கு முன்பு ‘குஷா’ (Kusha) நீண்ட தூர தரை-வான்வழி ஏவுகணை வெற்றிகரமாக சோதனை செய்யப்பட்டது என்றும் அவர் குறிப்பிட்டார். மேலும், உள்நாட்டிலேயே வடிவமைத்து தயாரிக்கப்பட்ட INS மகேந்திரகிரி என்ற நவீன போர்க்கப்பல் இந்திய கடற்படையில் இணைக்கப்பட்டிருப்பது…

தமிழக வெற்றிக் கழக அரசு இளைஞர்களின் அரசு என்ற போலி பிம்பம் அடித்து நொறுக்கப்பட்டிருப்பதாக திண்டுக்கல் ஐ. லியோனி தெரிவித்துள்ளார். முன்னாள் பாடநூல் கழகத் தலைவர் லியோனி, தனது எக்ஸ் தலப் பக்கத்தில் பதிவிட்டுள்ளதில், இந்தியா முழுவதும் CJP சார்பில் மாணவர்கள் நடத்திய அறவழிப்போராட்டத்தினால் ஒன்றிய அமைச்சர் தர்மேந்திர பிரதான் பதவி விலகியது மாபெரும் வெற்றி எனத் தெரிவித்துள்ளார். தமிழகத்தில் திமுக உள்ளிட்ட  மக்களாட்சியின் மீது நம்பிக்கை உள்ள அனைத்து கட்சிகளும், நீலம் பண்பாட்டு இயக்கம்  ஆகியவை ஆதரவு தெரிவித்தார்கள் எனக் குறிப்பிட்டுள்ளார். போராட்டம் என்றால் என்னவென்று தெரியாமல் நாடகம் போடும்  பாஜகவின் கைக்கூலியாக செயல்பட்டு, மாணவர்களை தாக்கிய  தவெக அமைச்சர் ராஜ்மோகனை விரட்டியடித்தது, இளைஞர்களின் அரசு என்ற போலி பிம்பத்தை அடித்து நொறுக்கியுள்ளதாக திண்டுக்கல் லியோனிதெரிவித்துள்ளார்.

கார்கில் வெற்றி தினத்தையொட்டி புதுச்சேரி கடற்கரை சாலையில் உள்ள போர் நினைவு சின்னத்தில் துணை நிலை ஆளுநர், முதலமைச்சர், அமைச்சர்கள், சட்டமன்ற உறுப்பினர்கள், அதிகாரிகள் உட்பட முன்னாள் ராணுவ வீரர்கள் மலர் தூவி மரியாதை செலுத்தினர். 1999 ஆம் ஆண்டு பாகிஸ்தானுடன் நடந்த கார்கில் போரில் இந்தியா வெற்றி பெற்ற தினத்தை, இந்தியா ஆண்டுதோறும் ஜூலை 26 இல் கொண்டாடி வருகிறது. கார்கில் போரில் உயிரிழந்த வீரர்களை நினைவு கூறும் வகையிலும், உயிரோடு இருக்கும் வீரர்களுக்கு மரியாதை செலுத்தும் வகையிலும் கார்கில் வெற்றி தினம் கொண்டாடப்பட்டு வருகிறது. இந்நிலையில் புதுச்சேரி கடற்கரை சாலையில் அமைந்துள்ள போர் நினைவுச் சின்னத்தில் புதுச்சேரி அரசு சார்பில் கார்கில் வெற்றி தினம் கொண்டாடப்பட்டது. துணை நிலை ஆளுநர் கைலாஷ்நாதன், முதலமைச்சர் ரங்கசாமி, சட்டப்பேரவை சபாநாயகர் அன்பழகன், அமைச்சர்கள், சட்டமன்ற உறுப்பினர்கள், காவல்துறை அதிகாரிகள், முன்னாள் படை வீரர்கள் என பலரும் மாலை அணிவித்து மரியாதை செலுத்தினர்.

மதுரை திருப்பாலை பகுதியில் அமைந்துள்ள யாதவா பெண்கள் கல்லூரியில் நடைபெற்று வரும் ரோட்டரி கிளப் நிகழ்ச்சியில்  அமைச்சர் CTR நிர்மல்குமார் கலந்து கொண்டார். பின்னர் செய்தியாளர்களைச் சந்தித்த அமைச்சர் நிர்மல்குமார் கூறியதாவது…. காவல் நிலையங்களிலோ சிறையிலோ நடைபெறும் மரணங்களுக்கு காரணமானவர்கள் மீது கடுமையான நடவடிக்கை எடுக்கப்படும். கடந்த ஆட்சிகள் போல் நாங்கள் எதையும் மறைக்கவில்லை. மாறாக நடவடிக்கைகளை எடுத்து வருகிறோம். கடந்த ஆட்சியில் பார்ட்டி பண்ட் எங்கு வசூலிக்கப்பட்டது என மக்களுக்குத் தெரியும் பத்திரப்பதிவுத் துறையில் அமைச்சருக்காக கட்டிங், கமிசன் கேட்டு வாங்கினார்கள். பெர்சன்டேஜ் போட்டு வாங்கினார்கள். பாட்டிலுக்கு 10 ரூபாய் நிறுத்தப்பட்டது போல, அனைத்து இடங்களிலும் பார்ட்டி பண்ட் நிறுத்தியுள்ளோம். தகுதியின் அடிப்படையில்தான் தரமான அரசு வழக்கறிஞர்கள் தற்காலிகமாக நியமிக்கப்பட்டுள்ளார்கள். லஞ்சம் லாவண்யம் இல்லாமல் நியமனம் நடைபெற்று வருகிறது. ஜனநாயக படம் குறித்த கேள்விக்கு, படம் எப்படி என மக்களுக்கு தெரியும். நம்ம முதலமைச்சர் 3 வருடம் பட்ட கஷ்டங்களுக்கு…

மத்திய கல்வி அமைச்சர் தர்மேந்திர பிரதான் ராஜினாமாவை வரவேற்பதாக அமைச்சர் நிர்மல் குமார் தெரிவித்துள்ளார். மதுரையில் நிகழ்ச்சி ஒன்றில் பங்கேற்க வந்த அமைச்சர் நிர்மல்குமாரிடம், மத்திய அமைச்சர் தர்மேந்திர பிரதான் ராஜினாமா தொடர்பாக செய்தியார்கள் எழுப்பிய கேள்விக்கு விடையளித்து அவர் கூறியதாவது… ஒன்றிய அமைச்சரின் ராஜினாமா ஒன்று மட்டுமே நீட்டுக்கான தீர்வல்ல. நீட் தேர்வு வேண்டாம் என்பது தான் எங்களின். நிலைப்பாடு. மாணவர்களின் போராட்டத்திற்கு ஒன்றிய அரசு செவி சாய்த்துள்ளதுதான் இந்த ராஜினாமா. அதே நேரம் நீட் தேர்வால் லட்சக்கணக்கான மாணவர்கள் பாதிக்கப்பட்ட பிறகு ஒரு ராஜினாமவை மட்டும் வைத்து அந்த பாதிப்புகளை மூடி மறைக்க முடியாது. மூன்று லட்சம் மாணவர்களுக்கு ஒன்றிய அரசின் பதில் என்ன? இதனை முன்பே செய்திருக்க வேண்டும். ஒவ்வொரு வருடமும் தவறு நடந்தபிறகு மூடி மறைக்கப்படுகிறது. இந்த ராஜினாமா என்பது மாணவர்களின் நியாயமான கோரிக்கைக்கு கிடைத்த வெற்றியாகும். நீட் தேர்வு என்பது ஒன்றிய அரசின் தவறான…

திமுக ஆட்சியில் நேர்ந்த சட்டக் குளறுபடிகளால்தான், தமிழ்நாட்டின் வாழ்வாதாரப் பிரச்சினையான காவிரி நநி நீர் பிரச்சினையும், மேகதாது அணை விவகாரமும் இன்றைக்கு மிகப்பெரிய சோதனையாக உருவெடுத்துள்ளதாக அமைச்சர் ஆதவ் அர்ஜுனா தெரிவித்துள்ளார். காவிரி நீர் உரிமையும்… தமிழகத்தின் வாழ்வுரிமையும் என்னும் தலைப்பிட்டு ஆதவ் அர்ஜுனா எக்ஸ்தளத்தில் பதிவிட்டுள்ளதாவது;- முன்னாள் முதலமைச்சர் மு.க.ஸ்டாலின், காவிரி நதிநீர் மற்றும் மேகதாது அணை குறித்த பிரச்சினை தொடர்பாக முதலமைச்சர் எந்த ஒரு நடவடிக்கையும் மேற்கொள்ளவில்லை எனும் அடிப்படையில் பல கேள்விகளை எழுப்பி உள்ளது உண்மைக்கு முரணானதாகும். காவிரி நதிநீர் பிரச்சனை தொடர்பாக டெல்டா மாவட்ட விவசாயிகளின் வாழ்வாதாரம், மாநிலத்தின் குடிநீர் பாதுகாப்பு மற்றும் தமிழ்நாட்டின் சட்டப்பூர்வ நீர் உரிமை ஆகியவற்றை பாதுகாப்பதில் தமிழ்நாடு அரசு தொடர் மற்றும் உறுதியான நடவடிக்கைகளை மேற்கொண்டு வருகிறது. அந்த அடிப்படையில், தமிழ்நாடு முதலமைச்சர் கடந்த 27.05.2026 அன்று பாரதப் பிரதமரை நேரில் சந்தித்து, காவிரி நீர் பகிர்வு தொடர்பாக தமிழ்நாட்டின்…