Author: Editor TN Talks

மாணவர்கள் நியாயமான போராட்டத்திற்கு துணை நிற்க வேண்டும் என ஆட்சியாளர்கள் உணர வேண்டும் என கனிமொழி வலியுறுத்தியுள்ளார். நீட் தேர்வை ரத்து செய்ய வேண்டும், ஒன்றிய கல்வி அமைச்சர் தர்மேந்திர பிரதான் பதவி நீக்க வேண்டும் என்ற கோரிக்கையை வலியுறுத்தி சென்னை பாலன் இல்லத்தில்  தொடர்ந்து 6வது நாளாக நடைபெற்று வரும் மாணவர்கள் போராட்டத்துக்கு  ஆதரவு தெரிவிக்கும் வகையில் திமுக துணைப் பொதுச் செயலாளர் கனிமொழி கருணாநிதி கலந்து கொண்டார். அங்கு உரையாற்றுகையில், இந்த நாட்டிற்கே வழிகாட்டியாக, போராட்டம் நடத்திய மாணவர்கள் மாறி இருக்கிறீர்கள். நாடாளுமன்றத்திலேயே வெளியே தூக்கி எறியப்பட்டிருக்கிறோம். நாங்கள் எல்லாம் கேட்க முடியாததை, அவர்கள் இடத்திற்கு சென்று பார்க்க முடியாத சூழலில், அரசாங்கமே வந்து பார்த்து போராட்டம் நடத்துபவர்களிடம் பேச்சுவார்த்தை நடத்தி இருக்கிறது.. இது மாணவர்கள் கிடைத்த மிக பெரும் வெற்றி. நீட் தேர்வுக்கு எதிராக முதன்முதலில் போராட்டம் நடத்தியது அனிதா.. நாம் முதன்முதலில் தொடங்கிய போராட்டம், தற்போது…

ஜூலை 23ஆம் தேதி மாலை 5 மணியோடு தமிழ்நாட்டில் இளநிலை எம்பிபிஎஸ் மற்றும் பிடிஎஸ் படிப்புகளுக்கான விண்ணப்ப கால அவகாசம் நிறைவு செய்யப்பட்ட நிலையில் மீண்டும் விண்ணப்பிக்க கால அவகாசம் கூடுதலாக நீட்டிக்கப்பட்டுள்ளது ஜூலை 27 மாலை 3 மணி வரை விண்ணப்பிக்கலாம் என கால அவகாசத்தை நீடித்து மருத்துவக் கல்வி இயக்குநரகம் அறிவிப்பு  இந்த அவகாசத்தின்படி, ஆன்லைன் விண்ணப்பப் பதிவு 2026 ஜூலை 26-ஆம் தேதி (நாளை_ காலை 10:00 மணிக்குத் தொடங்கி, 2026 ஜூலை 27-ஆம் தேதி பிற்பகல் 03:00 மணியுடன் நிறைவடையும்.  ஏற்கனவே சமர்ப்பிக்கப்பட்ட விண்ணப்பங்களில் எக்காரணத்தைக் கொண்டும் எந்தவொரு மாற்றமும் அல்லது திருத்தமும் செய்ய இயலாது.   முன்னதாகப் பெறப்பட்ட விண்ணப்பங்களைச் சரிபார்க்கும் பணி ஏற்கனவே நடைபெற்று வருவதால், தற்போது திருத்தங்களை அனுமதிப்பது அந்தப் பணிகளில் தேவையற்ற தாமதத்தை ஏற்படுத்தும் எனக் குறிப்பிடப்பட்டுள்ளது.  அதேவேளையில், ஏற்கனவே விண்ணப்பித்தவர்கள் தங்கள் விண்ணப்பங்களில் ஏதேனும் சிறிய எழுத்துப் பிழைகள் அல்லது…

மத்திய கல்வி அமைச்சர் தர்மேந்திர பிரதான் தனது பதவியை ராஜினாமா செய்துள்ளார். மத்திய அமைச்சரவையில் கல்வி அமைச்சராக இருந்து வருபவர்  ஒடிசா மாநிலத்தைச் சேர்ந்த தர்மேந்திர பிரதான் ஆவார். மத்திய அரசு நடத்தும் நீட் மற்றும் யூசிஜி தேர்வுகளில் ஏற்பட்ட குழப்பம், வினாத்தாள் கசிவு உள்ளிட்ட காரணங்களைச் சுட்டிக்காட்டி இவற்றுக்கு பொறுப்பேற்று மத்திய அமைச்சர் தர்மேந்திர பிரதான் பதவி விலக வேண்டும் என எதிர்க்கட்சிகள் முழங்கி வருகின்றன. புதிதாக உருவாகியுள்ள காக்ரோச் ஜனதா பார்ட்டியும் இதற்கான போராட்டங்களை முன்னெடுத்து வருகின்றன. சமூக ஆர்வலரான சோனம் வாங்க்சுக் நீட் தேர்வை ரத்து செய்ய வலியுறுத்தி தொடர் உண்ணாவிரதம் மேற்கொண்டார். அண்மையில் நாடாளுமன்ற குளிர்காலக் கூட்டத்தொடர் தொடங்கிய நிலையில், நீட் தேர்வை ரத்து செய்யக் கோரியும், நீட் தேர்வு குழப்பங்களுக்கு காரணமான மத்திய அமைச்சர் தர்மேந்திர பிரதான் பதவி விலகக் கோரியும் காக்ரோச் ஜனதா பார்ட்டி தரப்பில் டெல்லியில் நாடாளுமன்றம் வளாகம் உள்பட பல்வேறு…

தூத்துக்குடி காவல் நிலையத்தில் உயிரிழந்த இளைஞர் அருணாச்சலத்தின் மரணம் குறித்து தமிழக அரசு வெள்ளை அறிக்கை வெளியிட வேண்டும் என பாஜக நிர்வாகியும் நடிகருமான சரத்குமார் வலியுறுத்தியுள்ளார். தூத்துக்குடி விமான நிலையத்தில் நடிகர் சரத்குமார் செய்தியாளர்களை சந்தித்து கூறியதாவது… தூத்துக்குடியில் காவல் நிலையத்தில் காவலர்கள் தாக்கியதில் அருணாச்சலம் இறந்து இருக்கின்றார் என்று அவரது தாய் கூறியுள்ளார். எனவே உண்மை நிலையை அறிய, நடந்தது என்ன என்று தமிழக அரசு வெள்ளை அறிக்கை கொடுக்க வேண்டும். நீட் தேர்வு நிச்சயம் அவசியம். காவல்துறையில் சேர உடற்பகுதி தேர்வு என இருப்பதை போன்று மருத்துவர்களாக சேர்வதற்கு நீட் தேர்வு அவசியம் தான். காங்கிரஸ் ஆட்சியில் இருந்தபோது 13 முறை வினாத்தாள் கசிந்து இருக்கிறது . நீட் இருக்கக் கூடாது என்று சொல்வதில் நியாயம் இல்லை. வெளிநாட்டு சதிக்கு உட்பட்டு இளைஞர்கள் சென்று விடக்கூடாது. இளைஞர்கள் எதற்காக போராட்டம் நடத்துகிறார்கள் என்பதை உணர்ந்து செயல்பட வேண்டும்.…

பாமக நிறுவனர் மருத்துவர் ராமதாஸ் அரசியலில் இருந்து விலகுவதாக, அரசியல் துறவறம் செல்வதாக அறிவித்துள்ளார். பாட்டாளி மக்கள் கட்சியின் நிறுவனர் மருத்துவர் ராமதாஸ் இன்று தனது 88-வது பிறந்தநாளைக் கொண்டாடி வருகிறார். விழுப்புரம் மாவட்டம் தைலாபுரத்தில் உள்ள வீட்டில் மருத்துவர் ராமதாசின் இல்லத்தில் பிறந்தநாள் நிகழ்ச்சி நடந்து வருகிறது. மருத்துவர் அன்புமணி உள்பட பல்வேறு முக்கிய நிர்வாகிகளும் ராமதாசை நேரில் சந்தித்து பிறந்ந்தநாள் வாழ்த்து தெரிவித்தனர். பிரந்தநாள் நிகழ்ச்சியின் போது பேசிய மருத்துவர் ராமதாஸ் அரசியலில் இருந்து தான் துறவறம் செல்வதாகத் திடீரென அறிவித்தார். துறவறம் என்றால் இனிமேல் அரசியல் பேசுவதில்லை, அரசியலில் ஈடுபடுவதில்லை  அரசியலில் இருந்து ஓய்வு எனப் பொருள் என்று விளக்கினார். மேலும் பாட்டாளி மக்கள் கட்சியை தனது மகன் அன்புமணி இனி பார்த்துக் கொள்வார் எனவும் தெரிவித்தார். கடந்த சில மாதங்களுக்கு முன்பு பாட்டாளி மக்கள் கட்சி யாருக்கு சொந்தம், அதன் மாம்பழம் சின்னம் யாருக்கு சொந்தம்…

கோவை ராமநாதபுரம் அருகே நேற்று இரவு இருசக்கர வாகனம் மீது பிக்கப் வாகனம் மோதிய விபத்தில் இருசக்கர வாகனத்தில் பயணம் செய்த இளைஞர் சாலையில் தூக்கிவீசப்பட்டு பரிதாபமாக உயிரிழந்தார். இந்த சம்பவத்தின் சிசிடிவி காட்சி வெளியாகியுள்ளது. கோவை ராமநாதபுரம் அடுத்த சுங்கம் பகுதியைச் சேர்ந்தவர் ஷியாம். இவர் தனது நண்பரான புலியகுளம் பகுதியைச் சேர்ந்த வினோத் என்பவருடன் இரு சக்கர வாகனத்தில் சென்றபோது, பங்கஜா மில் அருகே பின்னால் வந்த பிக்கப் வாகனம் இருசக்கர வாகனம் மீது மோதியுள்ளது. இந்த விபத்தில் இரு சக்கர வாகனம் சாலையிடை தடுப்பு சுவரில் மோதியதில் ஷியாம் சுவற்றில் மோதி தூக்கி வீசப்பட்டு ரத்த வெள்ளத்தில் சம்பவ இடத்திலேயே உயிர் இழந்தார். படுகாயம் அடைந்த வினோத் கோவை அரசு மருத்துவக் கல்லூரி மருத்துவமனையில் தீவிர சிகிச்சை பிரிவில் சிகிச்சைக்காக அனுமதிக்கப்பட்டுள்ளார். விபத்து நிகழ்ந்த அடுத்த வினாடியே இருசக்கர வாகனம் தீப்பிடித்து எரிந்த நிலையில்,  அப்பகுதியில் இருந்த…

காவல் மரணங்கள் தொடரும் நிலையில், முதலமைச்சர் வாயைத் திறப்பது எப்போது?  என திமுக தலைவர் மு.க.ஸ்டாலின் கேள்வி எழுப்பியுள்ளார். தனது எக்ஸ் தளப் பக்கத்தில், நாகர்கோவில் சிறையில் இளைஞர் சபரிவர்மன், தூத்துக்குடியில் இளைஞர் அருணாசலம், சென்னை எம்.ஜி.ஆர் நகரில் வெங்கடேசன், சென்னை புழல் சிறைக்கைதி பாலாஜி ஆகியோரின் உயிரிழப்பு தொடர்பான போஸ்டர்களைப் பகிர்ந்துள்ள மு.க.ஸ்டாலின், தொடரும் காவல் மரணங்கள்… முதலமைச்சர் வாயைத் திறப்பது எப்போது என வினா எழுப்பியுள்ளார். எதிர்க்கட்சியாக இருக்கும் போது, “Sorry சொன்னால் போதுமா?” என என்னைப் பார்த்து வீராவேசமாக கேட்டவர், முதலமைச்சரானதும் அதைக் கூட செய்யத் துணிவின்றி எங்கு ஒளிந்துகொண்டிருக்கிறார்? என விமர்சித்துள்ள மு.க.ஸ்டாலின், Accountability, Apology – முதலமைச்சருக்குப் பிடிக்காத வார்த்தைகளின் பட்டியலில் இருக்கிறதா? உயிரிழந்தவர்களின் குடும்பத்தினருக்கு ஆறுதல் சொல்லக் கூட மனமிரங்காத படுபாதக த.வெ.க. அரசுக்கு வன்மையான கண்டனங்களைத் தெரிவித்துள்ளார்.

மாணவர் போராட்டத்திற்கு ஆதரவு தெரிவிக்கும்படி தனக்கு பணம், விமான டிக்கெட் மற்றும் ஹோட்டல் தங்கும் வசதி வழங்க முன்வந்ததாக நடிகை ஆகாங்க்ஷா புரி (Akansha Puri) குற்றம்சாட்டியுள்ளார். காக்ரோச் ஜனதா பார்ட்டி (CJP) சார்பில் டெல்லி ஜந்தர் மந்தரில் நடைபெற்ற போராட்டத்திற்கு ஆதரவளிக்கும்படி தன்னை அணுகியதாகவும், அதற்காக சமூக வலைதளங்களில் ரீல்ஸ் பதிவிடுமாறும் கேட்டதாகவும் அவர் தனியார் செய்தி நிறுவனத்துக்கு அளித்த பேட்டியில் தெரிவித்துள்ளார். “CJP மற்றும் ஜந்தர் மந்தர் போராட்டத்திற்கு ஆதரவு அளிக்க எனக்கு பணம் வழங்க முன்வந்தனர். டெல்லிக்கு வர விமான டிக்கெட்டும் ஏற்பாடு செய்வதாகக் கூறினர். போராட்டம் குறித்து ரீல்ஸ் பதிவிடச் சொன்னார்கள். பல்வேறு உள்ளடக்க உருவாக்குநர்களுக்கும் (Content Creators) இதுபோன்ற சலுகைகள் வழங்கப்பட்டதாகத் தெரியும். ஆனால் நான் அதை நிராகரித்தேன். மாணவர்களுக்கு உண்மையான ஆதரவு அளிக்க வேண்டும்; அவர்களின் பிரச்சினையை மார்க்கெட்டிங் வாய்ப்பாக மாற்றக் கூடாது,” என்று ஆகாங்க்ஷா புரி கூறினார். “இது விளம்பரத்திற்கோ அல்லது…

சுப்ரீம் கோர்ட் உத்தரவை மதிக்காத கோவை மாநகராட்சி கமிஷனரை கண்டித்து சமூக நீதி அமைப்பினர் ஆர்ப்பாட்டத்தில் ஈடுபட்டனர். கோவை மாநகராட்சியில் அதிமுக ஆட்சிக் காலத்தில் சட்டவிரோதமாக நியமிக்கப்பட்ட 54 இளநிலை உதவியாளர்களின் பணிநியமனங்களை ரத்து செய்ய உச்ச நீதிமன்றம் உத்தரவிட்டது. அதன் பிறகும், அவர்கள் மீது நடவடிக்கை எடுக்காமல் மாநகராட்சி கமிஷனர் தாமதம் செய்து வருவதாக குற்றச்சாட்டு எழுந்துள்ளது. இதனை கண்டித்து சமூக நீதி அமைப்பினர் போராட்டத்தில் ஈடுபட்டனர். அப்போது சமூக நீதி அமைப்பு, தொழிற்சங்கத் தலைவர் பன்னீர்செல்வம் கூறியதாவது: “கோவை மாநகராட்சியில் சட்டவிரோதமாக அமர்த்தப்பட்ட 54 இளநிலை உதவியாளர்களின் நியமனத்தை உச்ச நீதிமன்றம் வரை சென்று வழக்கு நடத்தி ரத்து செய்ய உத்தரவு பெறப்பட்டுள்ளது. இருப்பினும், மாநகராட்சி கமிஷனர் அவர்களை பணிநீக்கம் செய்ய மறுத்து, தொடர்ந்து பாதுகாத்து வருகிறார். இதுகுறித்து தலைமைச் செயலாளர் உள்ளிட்ட அனைத்து உயர் அதிகாரிகளுக்கும் கடிதம் அனுப்பியுள்ளோம். நீதிமன்ற உத்தரவை உடனடியாக நிறைவேற்ற வேண்டியது மாநகராட்சி…

தனது சமூக வலைத்தளப் பக்கத்தில் நடிகை ஜோதிகா பதிவிட்டுள்ளதில்,  மத்திய அமைச்சர் தர்மேந்திர பிரதான் பதவி விலக வேண்டும், ராஜினாமா செய்யுங்கள் என வலியுறுத்தியுள்ளார். மேலும், நாட்டின் மாணவர்களுக்கும், அவர்களின் எதிர்காலத்திற்கும் நான் துணை நிற்கிறேன்! பொறுப்புக்கூறலுக்காக நான் நிற்கிறேன்! ஜனநாயக இந்தியாவுக்காக நான் நிற்கிறேன்! சீர்திருத்தப்பட்ட கல்வி அமைப்புக்காக நான் நிற்கிறேன் என உறுதி கூறியுள்ளார். சோனம் வாங்சுக், அபிஜீத் டிப்கே மற்றும் சௌரவ் தாஸ் ஆகியோரைக் குறிப்பிட்டு, ஒரு தாயாக, எங்கள் குழந்தைகள் உங்களைப் போன்றவர்களாக வளர வேண்டும் என்பதே எங்கள் விருப்பம் எனவும் தெரிவித்துள்ளார். ஜென்-ஸெட் (Gen Z) இளைஞர்களை நினைத்து பெருமைப்படுவதாக கூறியுள்ள ஜோதிகா,  எதையும் மறைக்காமல், அச்சமின்றி உங்கள் குரலை வெளிப்படுத்தியுள்ளீர்கள் எனப் பாராட்டு தெரிவித்துள்ளார். நீங்கள் அனைவரும் ஒன்றிணைந்து, “நாம்தான் இந்தியா” என்பதை நிரூபித்துள்ளீர்கள் எனக் கூறி, அழுத்தங்களுக்கு எதிராக குரல் கொடுத்ததற்கும்,  எங்களை அச்சமின்றி பேசத் தூண்டியதற்கும் நன்றி. ஜெய்ஹிந்த் எனத்…