Author: Editor TN Talks

திருச்சி அரசு மருத்துவமனையில் சிகிச்சை பெற்று வந்த மூதாட்டியின் கால் கட்டை விரலை எலி கடித்த சம்பவம் பெரும் அதிர்ச்சியை ஏற்படுத்தியுள்ளது. திருச்சி மாவட்டம் பொன்மலை அருகே உள்ள ஆலத்தூர் கிராமத்தைச் சேர்ந்தவர் தமிழ் கொடி (60). எலும்பு மூட்டு சிகிச்சைக்காக கடந்த ஒரு வாரத்திற்கு முன்பு திருச்சி அரசு மருத்துவமனையில் அனுமதிக்கப்பட்டு அவர் தொடர் சிகிச்சை பெற்று வருகிறார். அவர் அனுமதிக்கப்பட்டிருந்த மருத்துவ வார்டில் எலித் தொல்லை வழக்கத்தை விட அதிகமாக இருந்துள்ளதாகக் கூறப்படுகிறது. இந்நிலையில், இன்று அதிகாலை 5 மணி அளவில் இவரது படுக்கைக்கு வந்த எலி ஒன்று, தமிழ் கொடியின் கால் கட்டை விரலைக் கடித்துள்ளது. உடனடியாக மருத்துவக் குழுவினருக்குத் தகவல் தெரிவிக்கப்பட்டு, அவர்கள் விரைந்து வந்து மூதாட்டியைப் பரிசோதித்துத் தேவையான தடுப்பூசியைச் செலுத்தினர். இது குறித்து பாதிக்கப்பட்ட மூதாட்டியின் மகன் விஜயகுமார் கூறுகையில், அரசு மருத்துவமனை முறையாகப் பராமரிக்கப்படவில்லை. எனது தாய் சர்க்கரை நோயாளி என்பதால்,…

  முதலமைச்சர் விஜய் குறித்து அவதூறாக பேசியதாக பதிவான வழக்கில் கைது செய்யப்பட்ட விளத்திக்குளம் திமுக எம் எல் ஏ மார்கண்டேயன் ஜாமின் கோரி தாக்கல் செய்த மனுவை இன்று பிற்பகல் 2.15 மணிக்கு சென்னை உயர் நீதிமன்றம்  விசாரிக்க உள்ளது.   திமுக பொதுக்கூட்டத்தில், தமிழக முதல்வா் ஜோசப் விஜய் குறித்து, விளாத்திகுளம் எம்எல்ஏ மாா்க்கண்டேயன் அவதூறாக பேசியதாக தூத்துக்குடி மாவட்ட குற்றப்பிரிவு போலீஸாா் வழக்குப் பதிவு செய்தனா்.   இந்த வழக்கில் கடந்த திங்கள்கிழமை கைது செய்யப்பட்ட மாா்க்கண்டேயன் நீதிமன்ற உத்தரவுப்படி பாளையங்கோட்டை சிறையில் அடைக்கப்பட்டார். இந்த நிலையில் ஜாமீன் கோரி மார்கண்டேயனை காவலில் எடுத்து விசாரிக்க அனுமதிக்கோரி போலீசார் தாக்கல் செய்த மனுவை தூத்துக்குடி மாவட்ட நீதிமன்றம் தள்ளுபடி செய்தது. அதேபோல, .ஜாமீன் கோரி தாக்கல் செய்த மனுவையும் தூத்துக்குடி நீதிமன்றம் தள்ளுபடி செய்தது.   இந்நிலையில், சிறையில் அடைக்கப்பட்ட உத்தரவை ரத்து செய்யக்கோரியும், ஜாமீன் கோரியும்…

நாடு முழுவதும் தேர்வுத் தாள் கசிவு விவகாரம் தீவிரமடைந்துள்ள நிலையில், மத்திய கல்வி அமைச்சர் தர்மேந்திர பிரதானை உடனடியாக பதவி நீக்கம் செய்ய வேண்டும் என்ற கோரிக்கையை வலியுறுத்தி, INDIA கூட்டணி எம்.பி.க்கள் வியாழக்கிழமை நாடாளுமன்ற வளாகத்தில் போராட்டத்தில் ஈடுபட்டனர். நாடாளுமன்ற வளாகத்தின் மகர் துவார் அருகே நடைபெற்ற இந்த போராட்டத்தில், காங்கிரஸ் நாடாளுமன்றக் கட்சித் தலைவர் சோனியா காந்தி உள்ளிட்ட எதிர்க்கட்சி தலைவர்கள் கலந்து கொண்டு மத்திய அரசுக்கு எதிராக முழக்கமிட்டனர். இதற்கு பதிலடியாக, ஆளும் தேசிய ஜனநாயக கூட்டணி (NDA) எம்.பி.க்கள், இரண்டு பெண் எம்.பி.க்கள் குறித்து சர்ச்சைக்குரிய கருத்து தெரிவித்ததாக இடைநீக்கம் செய்யப்பட்ட திரிணாமுல் காங்கிரஸ் எம்.பி. கல்யாண் பானர்ஜிக்கு எதிராக தனியாக ஆர்ப்பாட்டத்தில் ஈடுபட்டனர். இந்த பரபரப்புக்கு மத்தியில், பிரதமர் நரேந்திர மோடி தேர்வுத் தாள் கசிவு விவகாரம் குறித்து முதல் முறையாக கருத்து தெரிவித்தார். இளைஞர்களின் எதிர்காலத்தை பாதிப்பவர்களுக்கு விரைவு நீதிமன்றங்கள் (Fast Track…

இந்த நாட்டின் மக்கள் எப்படியெல்லாம் உயிரை இழக்கிறார்கள் என பிரதமர் மோடி புரிந்து கொள்ள வேண்டும் என சமூக ஆர்வலர் தீபிகா நாராயண் பர்த்வாஜ் வலியுறுத்தியுள்ளார். இந்திய பத்திரிகையாளரும் ஆவணப்பட இயக்குநருமான தீபிகா நாராயண் பர்த்வாஜ் பிரதமர் மோடியின் அறிவிப்பு தொடர்பாக தனது வினாவினை எழுப்பியுள்ளார். டெல்லியில் மாணவர்களும், இளைஞர்களும் நீட் தேர்வுக்கு எதிராகப் போராட்டங்களை நடத்தி வரும் நிலையில் அவர்கள் மீது டெல்லி போலீசாரும் பாதுகாப்பு படையினரும் தடியடிப் பிரயோகம் மேற்கொண்டுள்ளனர். இதற்கு பல்வேறு மட்டத்திலும் எதிப்புகள் நிலவியதைத் தொடர்ந்து இளைஞர்களின் நலனும் எதிர்காலமும் தான் எதையும்விட முக்கியம்! பேப்பர் லீக் விவகாரத்தில் ஈடுபட்டவர்களுக்கு விரைவான மற்றும் கடுமையான தண்டனை உறுதி செய்ய, ஃபாஸ்ட்-டிராக் நீதிமன்றங்களை அமைக்க முடிவு செய்துள்ளதாக பிரதமர் மோடி கூறியுள்ளார். மேலும்,  இது தொடர்பாக அக்கறையுள்ள அதிகாரிகள் மற்றும் அலுவலர்களுக்கு அனைத்து தேவையான நடவடிக்கைகளையும் எடுக்க உத்தரவிட்டுள்ளதாகவும், மாணவர்களின் நலன்களைப் பாதுகாப்பதற்கான நமது தொடர் நடவடிக்கைகளில்…

டெல்லியில் நடைபெற்ற காவிரி மேலாண்மை ஆணையக் கூட்டத்தில் தமிழ்நாட்டுக்கு இப்போது தண்ணீர் விட முடியாது என  கர்நாடகா திட்டவட்டமாகத் தெரிவித்துள்ளது. புதுடெல்லியில் நடைபெற்ற காவிரி நீர் ஒழுங்காற்றுக் குழு (CWRC) கூட்டத்தில், கர்நாடக நீர்ப்பாசனத் துறை கூடுதல் செயலாளர் கவுரவ் குப்தா காணொலி வாயிலாக பங்கேற்றார். தமிழ்நாடு தரப்பில் சுப்ரியா சாகு, சுப்ரமணி ஆகியோர் பங்கேற்றனர். கர்நாடகா தரப்பில் “ஜூன் மாதம் முழுவதும் காவிரி நீர்ப்பிடிப்பு பகுதிகளில் மழையே பெய்யவில்லை. இதனால் அணைகளுக்கு நீர்வரத்து பூஜ்ஜியமாக இருந்தது. ஜூலை மாதத்தில் சில இடங்களில் மட்டுமே மழை பெய்ததால், அணைகளில் மிகக் குறைந்த அளவு தண்ணீர் சேமிக்கப்பட்டுள்ளது. பருவமழை மீண்டும் தீவிரமடையும் அறிகுறிகளும் தற்போது இல்லை.” மேலும், தற்போது அணைகளில் உள்ள நீர் குடிநீர் தேவைக்காக மட்டுமே பயன்படுத்த வேண்டிய சூழல் ஏற்பட்டுள்ளது. எனவே தமிழ்நாட்டுக்கு தற்போது பாசனத்துக்காக காவிரி தண்ணீர் தர வாய்ப்பில்லை என பிடிவாதம் காட்டியுள்ளது. இக்கூட்டத்தில் ஜூன் மற்றும்…

முதல்வரின் காலை உணவுத் திட்டத்தின் பெயரை பெருந்தலைவர் காமராஜர் காலை உணவுத் திட்டம் என மாற்றி தமிழ்நாடு அரசு உத்தரவிட்டுள்ளது. அதிமுக ஆட்சியில் சென்னையில் ஒருசில அரசு பள்ளிகளுக்கு தனியார் அமைப்பு மூலம் காலை உணவு வழங்கப்பட்டு வந்த நிலையில், கடந்த திமுக ஆட்சியில்  ஒன்று முதல் 5-ம் வகுப்பு வரை படிக்கும் மாணவ- மாணவிகளுக்கு முதல்வரின் காலை உணவுத் திட்டம் என்னும் பெயரில் காலை உணவு வழங்கும் திட்டத்தை அப்போதைய முதலமைச்சர் மு.க.ஸ்டாலின் தொடங்கி வைத்தார். இந்தத் திட்டம் மாணவ மாணவிகள் மற்றும் பெற்றோர் மத்தியில் பெரும் வரவேற்பு பெற்றது. இந்த நிலையில் 2026 சட்டமன்ற தேர்தலில் வெற்றி பெற்று ஆட்சிக் கட்டிலில் அமர்ந்த தவெக அரசின் முதலமைச்சர் ச.ஜோசப் விஜய், காலை உணவுத் திட்டம் 8ஆம் வகுப்பு வரை நீட்டிக்கப்படும் என அறிவித்ததோடு வரும் செப்டம்பர் மாதம் 17ஆம் தேதி முதல் இது அமல்படுத்தப்படும் எனத் தெரிவித்தார். இந்த…

 நீட்-யுஜி (NEET-UG) வினாத்தாள் கசிவு விவகாரத்தில் மத்திய கல்வி அமைச்சர் தர்மேந்திர பிரதான் பதவி விலக வேண்டும் என்ற கோரிக்கை வலுத்து வரும் நிலையில், 1997-ஆம் ஆண்டு ஒடிசாவில் வினாத்தாள் கசிவுக்கு எதிராக அவர் போராட்டத்தில் ஈடுபட்டதாகக் கூறப்படும் பழைய தகவல் சமூக வலைதளங்களில் மீண்டும் பரவி வருகிறது. 1997-ஆம் ஆண்டு அகில பாரதிய வித்யார்த்தி பரிஷத் (ABVP) தேசியச் செயலாளராக இருந்த தர்மேந்திர பிரதான், ஒடிசாவில் வினாத்தாள் கசிவுக்கு எதிராக சுமார் 1,500 மாணவர்களை வழிநடத்தி தலைமைச் செயலகம் முன்பு  போராட்டம் நடத்தியதாகவும், அந்தப் போராட்டத்தின் போது காவல்துறை தடியடி நடத்தியதில் அவர் பலத்த காயமடைந்து எலும்பு முறிவு ஏற்பட்டதாகவும், இருந்தபோதிலும் தனது போராட்டத்தை தொடர்ந்தார் எனவும்  தகவல்கள் தெரிவிக்கின்றன.. உத்கல் பல்கலைக்கழகத்தில் கல்வி பயின்ற காலத்திலேயே தர்மேந்திர பிரதான் மாணவர் அரசியலில் தீவிரமாக செயல்பட்டதாகவும், 1994 முதல் 1997 வரை இரண்டு முறை ABVP-யின் தேசியச் செயலாளராக இருந்ததாகவும்…

டெல்லியில் நடைபெற்ற பொதுப் போராட்டம் நிறைவடைந்த பிறகு, போராட்டத் தளத்தை சுத்தப்படுத்தும் சிறப்பு தூய்மை இயக்கத்தை Maid In India நிறுவனம் மேற்கொண்டது. மஞ்சள் நிற டி-ஷர்ட்கள் அணிந்து, கையுறைகள், முகக்கவசங்கள், துடைப்பங்கள் மற்றும் குப்பைப் பைகளை எடுத்துக்கொண்டு வந்த நிறுவன ஊழியர்கள், சாலைகள், நடைபாதைகள் மற்றும் சுற்றியுள்ள பகுதிகளில் கிடந்த பிளாஸ்டிக் பாட்டில்கள், உணவுப் பொட்டலங்கள், ஒருமுறை பயன்படுத்தப்படும் பொருட்கள் உள்ளிட்ட குப்பைகளை சேகரித்தனர். சில மணி நேரங்களிலேயே ஏராளமான பெரிய குப்பைப் பைகளை நிரப்பும் அளவுக்கு கழிவுகள் அகற்றப்பட்டதாக நிறுவனம் தெரிவித்துள்ளது. இந்த நடவடிக்கைக்கு அங்கு இருந்த பலரும் பாராட்டு தெரிவித்தனர். Maid In India நிறுவனத்தின் இணை நிறுவனர் சன்ஸ்கர் மாலிக் கூறுகையில், “தூய்மை என்பது ஒருவரின் பொறுப்பு அல்ல; அனைவரின் பொறுப்பு. கொண்டாட்டமோ, பொதுக் கூட்டமோ, எந்த நிகழ்வாக இருந்தாலும் நமது வீடுகளைப் போலவே பொதுஇடங்களையும் மதிக்க வேண்டும். இந்த முயற்சியின் மூலம் நாட்டிற்கு சிறிய…

நீட் (NEET) தேர்வு மாணவர் சேர்க்கையில் ஒரே மாதிரியான முறையை கொண்டு வந்தாலும், கடந்த சில ஆண்டுகளில் தொடர்ந்து நடந்த வினாத்தாள் கசிவு சம்பவங்கள் மாணவர்களின் நம்பிக்கையை கடுமையாக பாதித்துள்ளதாகவும், போராட்டத்தில் ஈடுபட்டுள்ள மாணவர்களுடன் மத்திய அரசு உடனடியாக அர்த்தமுள்ள பேச்சுவார்த்தை நடத்த வேண்டும் என்றும் வீ த லீடர்ச் அமைப்பின் தலைவர் அண்ணாமலை வலியுறுத்தியுள்ளார். இதுதொடர்பாக அவர் வெளியிட்டுள்ள பதிவில் கூறியிருப்பதாவது: “பல ஆண்டுகளாக நான் தனிப்பட்ட முறையில் நீட் தேர்வை ஆதரித்து வந்தேன். நாடு முழுவதும் மருத்துவ மாணவர் சேர்க்கையில் ஒரே மாதிரியான நடைமுறையை உருவாக்கியதோடு, பொருளாதார ரீதியாக பின்தங்கிய மாணவர்களுக்கும் மருத்துவக் கல்வி கனவை நனவாக்கும் வாய்ப்பை நீட் வழங்கியது என்று நம்பினேன். ஆனால் கடந்த ஐந்து ஆண்டுகளில் நீட் இளநிலை (UG) தேர்வின் வினாத்தாள் மூன்று முறை கசிந்துள்ளது. இதனால் மாணவர்கள் மீண்டும் மீண்டும் தேர்வு எழுத வேண்டிய நிலை ஏற்பட்டது. மாணவர்களுக்கு இது மிகுந்த…

முன்னாள் அமைச்சர் எஸ்.பி. வேலுமணிக்கு எதிரான வழக்கில் குற்றம் சாட்டப்பட்டவர்களை பாதுகாக்க அனைவரும் முயற்சிப்பது துரதிருஷ்டவசமானது என நீதிமன்றம் அதிருப்தி தெரிவித்துள்ளது. முன்னாள் அமைச்சர் எஸ்.பி. வேலுமணிக்கு எதிரான 98 கோடி ரூபாய் டெண்டர் முறைகேடு வழக்கில், அறப்போர் இயக்கம் சார்பில் தாக்கல் செய்யப்பட்ட நீதிமன்ற அவமதிப்பு வழக்கு, நீதிபதி ஆனந்த் வெங்கடேஷ் முன்பு இன்று மீண்டும் விசாரணைக்கு வந்தது. அப்போது, லஞ்ச ஒழிப்புத்துறை தரப்பில் தாக்கல் செய்யப்பட்ட அறிக்கையில், இந்த வழக்கில் குற்றம் சாட்டப்பட்டுள்ள இரண்டு ஐஏஎஸ் அதிகாரிகளுக்கு எதிராக வழக்கு தொடர அனுமதி கோரி மத்திய அரசுக்கு கடிதம் அனுப்பி இருந்த நிலையில், சில விளக்கங்களை கேட்டு மத்திய அரசு கடிதம் அனுப்பி இருந்ததாகவும், இதுசம்பந்தமாக கடந்த பிப்ரவரி 27 ஆம் தேதி விளக்கம் அளித்து, பொதுத்துறை செயலாளருக்கு கடிதம் அனுப்பியுள்ளதாகவும் தெரிவிக்கப்பட்டிருந்தது. மத்திய அரசுக்கு விளக்கமளிக்க ஒரு வார அவகாசம் வழங்க வேண்டும் என லஞ்ச ஒழிப்புத்…