Author: Editor TN Talks

பொதுத்துறை நிறுவனங்களின் நிதி ஒதுக்கீடுகள் குறித்து சுதந்திரமான விசாரணை நடத்தவேண்டும் என எஸ்டிபிஐ கட்சி கோரிக்கை விடுத்துள்ளது. எஸ்டிபிஐ கட்சியின் தேசிய துணைத் தலைவர் தெகலான் பாகவி வெளியிட்டுள்ள அறிக்கையில் கூறியிருப்பதாவது: ஆர்.எஸ்.எஸ் அமைப்போடு தொடர்புடைய 20 நிறுவனங்களுக்கு, ஓ.என்.ஜி.சி (ONGC) நிறுவனம் தனது சமூகப் பொறுப்புணர்வு நிதி (CSR) வாயிலாகச் சுமார் ₹671 கோடி வழங்கியிருப்பதாக வெளிவந்துள்ள செய்தி, பொதுத்துறை நிறுவனங்களின் நடுநிலைமை மற்றும் வெளிப்படைத்தன்மை குறித்துக் கடுமையான கேள்விகளை எழுப்புகிறது. ஒரு பொதுத்துறை நிறுவனத்தின் சி.எஸ்.ஆர் நிதியில் பெரும் பகுதி, ஒரு குறிப்பிட்ட சித்தாந்தப் பின்னணி கொண்ட அமைப்புகளுக்கு வழிமாறிச் செல்லும்போது, அது பொது வளங்களைப் பகிர்ந்தளிப்பதில் உள்ள நியாயத்தின் மீதான பொதுமக்களின் நம்பிக்கையைச் சீர்குலைப்பதாக அமைகிறது. இந்த நிறுவனங்களைப் பயனாளிகளாகத் தேர்ந்தெடுப்பதற்குப் பின்பற்றப்பட்ட அளவுகோல்கள் என்ன என்பதை மத்திய அரசும் ஓ.என்.ஜி.சி நிர்வாகமும் உடனடியாக விளக்க வேண்டும். சட்டப்பூர்வமாகப் பதிவுசெய்யப்படாத ஒரு அமைப்பான ஆர்.எஸ்.எஸ் உடன் தொடர்புடைய…

தமிழகத்தில் பொது விநியோகத் திட்டத்தின் கீழ் இலவச அரிசி  வழங்கப்பட்டு வந்தாலும் பெரும்பாலானோர் கடைகளில் விற்கும் பொன்னி அரிசி வகைகளை விரும்பி வாங்குகின்றனர். இந்த நிலையில் கடந்த இரண்டு வாரமாக அரிசி விலை கிடுகிடு என உயர்ந்து வருகிறது. கிலோ 55 ரூபாய்க்கு விற்கப்பட்ட கர்நாடக பொன்னி அரிசி கடந்த 15 நாட்களுக்கு முன்பு 10 ரூபாய் விலை உயர்ந்த நிலையில், தற்போது 15 ரூபாய் உயர்ந்து கிலோ ரூ.80 க்கு விற்கப்படுகிறது. 25 கிலோ கொண்ட ஒரு சிப்பம் அரிசி 350 ரூபாய் முதல் 500 ரூபாய் வரை விலை உயர்ந்துள்ளது. இதேபோல் இட்லி அரிசியும் கிலோ 35 ரூபாயிலிருந்து 50 ரூபாயாக அதிகரித்துள்ளது. கர்நாடகத்தில் நெல் விளைச்சல் குறைந்தது தான் விலை உயர்வுக்கு முக்கிய காரணம் எனக் கூறப்படுகிறது. விளைச்சல் குறைவால், அங்கிருந்து தமிழ்நாட்டுக்கு அரிசி லோடு வருவது வெகுவாக குறைந்து விட்டது. இந்த தட்டுப்பாட்டை சமாளிக்க கர்நாடகா…

புது டில்லியில் மைய அரசின் ஏவுதலில் மாணவர்கள் மீது காவல்துறையினர் காட்டுமிராண்டித் தாக்குதல் நடத்தியுள்ளதாக மதிமுக பொதுச் செயலாளர் வைகோ கடும் கண்டனம் தெரிவித்துள்ளார். இதுதொடர்பாக அவர் வெளியிட்டுள்ள அறிக்கையில் கூறியிருப்பதாவது;- நீட் தேர்வை இரத்து செய்யக் கோரியும், நீட் கேள்வித் தாள் வெளியானதற்குக் காரணமான மத்திய கல்வி அமைச்சர் தர்மேந்திர பிரதானை பதவி விலகக் கோரியும் டில்லி ஜந்தர் மந்தரில் ஜூலை 20 ஆம் நாள் இலட்சக்கணக்கான மாணவர்களும், கரப்பான் பூச்சி இயக்கத்தினரும் அமைதியான ஆர்ப்பாட்டத்தில் ஈடுபட்டனர். ஆனால் காவல்துறை குண்டாந்தடிகளைக் கொண்டு போராட்டக்காரர்கள் மீது கடுமையான தாக்குதல் நடத்தியது. கண்ணீர்ப் புகை பிரயோகிக்கப்பட்டது. பல மாணவ – மாணவிகள் படுகாயமுற்றனர். டில்லி நகரம் ஒரு இராணுவ கூடாரம் போல் காட்சி அளித்தது. தடியடியால் காயப்பட்ட மாணவர்கள் மார்க்சிஸ்ட் கம்யூனிஸ்டு கட்சி உள்ளிட்ட எதிர்க்கட்சியினரால் ஆங்காங்கு பாதுகாக்கப்பட்டனர். தடியடியில் காயமுற்ற மாணவர்கள் டில்லியில் மண்டி ஹவுஸ் என்று அழைக்கப்படும் இடத்தில்…

மாணவர்கள் தங்களது உரிமைகளுக்காக அமைதியான முறையில் போராடுவது ஜனநாயக விரோதமான செயல் அல்ல என்றும், தற்போது மாணவர்களிடமும் நாடாளுமன்றத்திலும் நடைபெற்று வரும் நடவடிக்கைகள்தான் ஜனநாயக விரோதமானவை என்றும் காங்கிரஸ் எம்.பி. பிரியங்கா காந்தி மத்திய அரசை விமர்சித்துள்ளார். செய்தியாளர்களிடம் பேசிய அவர், “மாணவர்கள் உண்மையான பிரச்சினைகளுக்காக போராடுகிறார்கள். வினாத்தாள் கசிவு சம்பவங்கள் மீண்டும் மீண்டும் நடக்கின்றன. மாற்றத்தை அவர்கள் கோருகிறார்கள். அமைதியான போராட்டத்தில் ஜனநாயக விரோதம் எதுவும் இல்லை. ஆனால் மாணவர்களிடமும் நாடாளுமன்றத்திலும் நடப்பதுதான் ஜனநாயக விரோதம்” என்றார். மேலும், “மாணவர்கள் தங்களது உரிமைகளைக் கோருகின்றனர். அவர்களின் கோரிக்கைகள் நியாயமானவை. கல்விக்கான மத்திய அரசின் பட்ஜெட் ரூ.1.4 லட்சம் கோடி. ஆனால் அதே நேரத்தில் அதானி, அம்பானி நிறுவனங்களுக்கு ரூ.16 லட்சம் கோடி மதிப்பிலான கடன்கள் தள்ளுபடி செய்யப்படுகின்றன” என்றும் அவர் குற்றம்சாட்டினார். கடந்த ஜூலை 20-ஆம் தேதி காக்ரோச் ஜனதா கட்சி (CJP) டெல்லியில் நடத்திய ‘சன்சத் சலோ’ போராட்டத்தின்…

மத்திய கல்வி அமைச்சர் தர்மேந்திர பிரதான் பதவியில் நீடிக்க தார்மீக அடிப்படை இல்லை என்றும், நாட்டின் குழந்தைகளின் நலனை பாதுகாக்க அவர் உடனடியாக பதவி விலக வேண்டும் என்றும் காங்கிரஸ் பொதுச் செயலாளர் (அமைப்பு) கே.சி. வேணுகோபால் வலியுறுத்தியுள்ளார். நாடாளுமன்ற வளாகத்தில் செய்தியாளர்களிடம் பேசிய அவர், “தர்மேந்திர பிரதான் கல்வி அமைச்சராக தொடர்ந்து பதவி வகிக்க எந்த தார்மீக பொறுப்பும் இல்லை. இனி அவர் கூறும் வார்த்தைகளை யார் நம்புவார்கள்? அவரது தார்மீக பொறுப்பு எங்கே?” என்று கேள்வி எழுப்பினார். மேலும், “180 கோடி மக்கள் அவரது பதவி விலகலைக் கோருகின்றனர். இந்த நாட்டின் குழந்தைகளின் எதிர்காலத்தையும் நலனையும் பாதுகாக்க அவர் உடனடியாக தனது பதவியை ராஜினாமா செய்ய வேண்டும்” என்றும் தெரிவித்தார்.

கர்மவீரர் காமராஜரின் 124வது பிறந்தநாள் விழாவினை முன்னிட்டு, ஒருங்கிணைந்த தமிழ்நாடு பத்திரிகையாளர் சங்கம் சார்பில் 100 மாணவர்களுக்கு கல்வி உதவிகள் வழங்கும் விழா சென்னை  திருவொற்றியூர் தேரடியில் நடைபெற்றது. புஷ்பம் பழனிசாமி திருமண மண்டபத்தில் நடைபெற்ற நிகழ்வுக்கு சங்கத்தின் மாநில பொருளாளர் பெ.சண்முகவேல் தலைமை தாங்கினார். பொதுச்செயலாளர் எம்.ஜி.ரவிச்சந்திரன்ஹாசன், பொருளாளர் கி.மணிவாசகம் மற்றும் துணை நிர்வாகிகள் முன்னிலை வகித்தனர்.   பல்வேறு துறைகளில் சாதனை படைத்தவர்கள் சிறப்பு விருந்தினராகப் பங்கேற்று விழாவில் 100 மாணவ, மாணவிகளுக்கு உதவிகளை வழங்கினர். திருவொற்றியூர் பகுதி பள்ளிகளில் பயிலும் 100 மாணவ மாணவிகளுக்கு கல்வி உபகரணங்கள், 25 ஏழை எளிய பெண்களுக்கு தலா 5 கிலோ அரிசி,   சாலை ஓரத்தில் வியாபாரம் செய்யும் மூன்று பேருக்கு நிழற்குடை,  10ஆம் வகுப்பு தேர்வில் அதிகமதிப்பெண்கள் எடுத்த 5 பேருக்கு சிறப்பு பரிசுகள் மட்டுமல்லாமல் விழாவில் கலந்து கொண்ட மாணவர்கள் அனைவருக்கும்  பரிசுகள் வழங்கப்பட்டது.

சோதனை, விசாரணை என்ற பெயரில் தங்களை துன்புறுத்தக் கூடாது என முன்னாள் அமைச்சர் செந்தில் பாலாஜி மற்றும் அவரது சகோதரர் அசோக்குமார் ஆகியோர் தாக்கல் செய்த மனுக்களை தள்ளுபடி செய்து சென்னை உயர்நீதிமன்றம் உத்தரவிட்டுள்ளது. அந்த மனுக்களில், ஊத்தங்கரை தவெக எம்.எல்.ஏ. இளையராஜாவிடம் குதிரை பேரம் நடத்தியதாக பதிவு செய்யப்பட்ட வழக்கில் தங்களுக்கு உயர்நீதிமன்றம் நிபந்தனை முன் ஜாமீன் வழங்கி உத்தரவிட்டது. உயர்நீதிமன்றத்தின் நிபந்தனையை கண்டிப்புடன் பின்பற்ற தயாராக இருப்பதாகக் குறிப்பிடப்பட்டுள்ளது. தமிழக அமைச்சர் ஆதவ் அர்ஜுனா, கரூர் கூட்ட நெரிசல் சம்பவம் தொடர்பாக கணக்கு தீர்க்க வேண்டியுள்ளதாக வெளிப்படையாக கூறியுள்ளதாகவும், அதன்படி, ஏதேனும் ஒரு வழக்கில் தங்களை கைது செய்ய காவல் துறையினருக்கு அறிவுறுத்தல்கள் வழங்கப்பட்டுள்ளதாகவும் மனுக்களில் தெரிவிக்கப்பட்டுள்ளது. குதிரை பேர வழக்கில் தங்களை காவலில் வைத்து விசாரிக்க அவசியமில்லை என உயர்நீதிமன்றம் முன் ஜாமீன் வழங்கிய பின்னும், தொடர்ந்து சோதனைகள் நடத்தப்படுகின்றன என்றும் கூறப்பட்டுள்ளது. சட்டப்படியான எந்த புலன்…

சைக்கிளில் உலகைச் சுற்றும் பயணம் மேற்கொண்டிருந்த இங்கிலாந்தைச் சேர்ந்த இளம்பெண், புகைப்படம் எடுக்க முயன்றபோது ஏற்பட்ட எதிர்பாராத விபத்தில் சிக்கியதில் முதுகெலும்பு இரண்டு இடங்களில் முறிந்துள்ளது. ஆயினும், முழுமையாக குணமடைந்த பிறகு தனது உலகச் சுற்றுப்பயணத்தை மீண்டும் தொடருவேன் என்று அவர் உறுதிபட தெரிவித்துள்ளார். இங்கிலாந்தின் நார்விச்சைச் சேர்ந்த 30 வயதான மடில்டா பைன் (Matilda Pine), உலகைச் சுற்றி சைக்கிளில் பயணம் செய்யும் இரண்டு ஆண்டு சாகசத்தை கடந்த ஏப்ரல் 4-ஆம் தேதி தொடங்கினார். அதே நேரத்தில், Cycle for Good என்ற தொண்டு நிறுவனத்திற்காக நிதி திரட்டும் நோக்கமும் அவரது பயணத்திற்கு இருந்தது. துருக்கியில் பயணம் மேற்கொண்டிருந்தபோது, நண்பரின் தோளில் ஏறி புகைப்படம் எடுக்க முயன்றுள்ளார். அப்போது நண்பர் எழுந்து நிற்கும் வேளையில், பின்னால் தவறி விழுந்த அவர் முதுகில் பலத்த காயமடைந்தார். விபத்து தொலைதூர வயல்வெளிப் பகுதியில் நடந்ததால், சுமார் இரண்டு மணி நேரம் அவர் அங்கேயே…

உலகம் தற்போது மிகவும் பதற்றமான மற்றும் சவாலான சூழ்நிலையை எதிர்கொண்டு வருவதால், எந்த ஒரு நாடோ அல்லது ஒரு கூட்டமைப்போ தனித்து இந்த சவால்களை சமாளிக்க முடியாது என்று கூறியுள்ள வெளியுறவுத்துறை அமைச்சர் எஸ். ஜெய்சங்கர், இந்தியா மற்றும் ஆசியான் (ASEAN) நாடுகள் இடையேயான ஒத்துழைப்பை மேலும் வலுப்படுத்த வேண்டிய அவசியம் இருப்பதாக வலியுறுத்தியுள்ளார். பிலிப்பைன்ஸ் தலைநகர் மணிலாவில் நடைபெறும் குவாட் (Quad) வெளியுறவு அமைச்சர்கள் கூட்டம் மற்றும் ஆசியான் (ASEAN) அமைப்பின் அமைச்சரவை மாநாட்டில் பங்கேற்பதற்காக ஜெய்சங்கர் இரண்டு நாள் பயணமாக அங்கு சென்றுள்ளார். அங்கு நடைபெற்ற இந்தியா–ஆசியான் 2026 பிந்தைய அமைச்சரவை மாநாட்டில் (ASEAN Post-Ministerial Conference with India 2026) தொடக்க உரையாற்றிய அவர், இந்தாண்டின் மாநாட்டு கருப்பொருளான “Navigating Our Future Together” (நமது எதிர்காலத்தை ஒன்றாக வழிநடத்துவோம்) என்பது தற்போதைய உலகச் சூழ்நிலையை மிகத் துல்லியமாக பிரதிபலிப்பதாகக் குறிப்பிட்டார். “உலகம் மிகவும் பதற்றமான காலகட்டத்தை…

டெல்லியை உலுக்கும் நீட் எதிர்ப்பு போராட்டத்தில்  காங்கிரஸ் களம் காணும் நிலையில், திமுக எம்.பிக்கள் என்ன செய்கிறார்கள் எனக் கேள்வி எழுந்துள்ளது. மருத்துவப் படிப்பு தொடர்பான நீட் தேர்வினை மத்திய அரசு அறிவித்தபோதே அதற்கான எதிர்ப்புக் குரல் என்பது தமிழகத்தில் இருந்துதான் ஓங்கி ஒலித்தது. அதிலும் கடந்த திமுக ஆட்சியில் நீட் தேர்வை ரத்து செய்யக் கோரி முழுமூச்சாக திமுக எம்.பிக்களும் நாடாளுமன்றத்தில் குரல் கொடுத்து வந்தனர். காங்கிரஸும் நீட்டை எதிர்த்துக் குரல் கொடுத்து வந்தது. மாநிலங்களவையிலும் மக்களவையிலும் தொடர்ந்து இந்தியா கூட்டணி கட்சிகள் நீட் தேர்வில் இருந்து மாநிலங்களுக்கு விலக்களிக்க வேண்டும் என்பதை வலியுறுத்தி வந்தன. இப்படி நீட் எதிர்ப்பு என்றாலே திமுகதான் எனக் கூறப்பட்டு வந்த நிலையில், இன்று காக்ரோச் ஜனதா கட்சியினர் நீட் தேர்வு முறைகேடுகளை எதிர்த்தும், மத்திய கல்வி அமைச்சர் பதவி விலகக் கோரியும் டெல்லியில் தொடர் போராட்டங்களை முன்னெடுத்து வருவது நாடு முழுவதும் பேசு…