Author: Editor TN Talks

டாஸ்மாக்  மதுபான பார்களுக்கான கட்டுப்பாடுகள் வெளியிடப்பட்டுள்ளன. இதன்படி தடை செய்யப்பட்ட புகையிலைப் பொருட்களை டாஸ்மாக் பார்களில் விற்பனை செய்யக்கூடாது.  மேலும் பீடி, சிகரெட் போன்ற பொருட்களை விற்பனை செய்யக்கூடாது எனத் தெரிவிக்கப்பட்டுள்ளது. மேலும் பார்களில் விற்கப்படும் குளிர்பானங்கள் மற்றும் தண்ணீர் பாட்டில்கள் ஐஎஸ் தரச் சான்று பெற்றதாக இருக்க வேண்டும்,  முக்கியமாக மதுக்கடைகள் செயல்படும் நேரத்தில் மட்டுமே மதுபான பார்கள் செயல்பட வேண்டும் எனவும் மற்ற நேரங்களில் மதுபான பார்கள் செயல்படக்கூடாது எனவும் கூறப்பட்டுள்ளது. மதுபான பார்களில் மது பாட்டில்களை விற்பனை செய்யக் கூடாது எனவும்  கூடுதல் விலைகளில் நொறுக்கு தீனிகளை விற்கக் கூடாது எனவும் தெரிவிக்கப்பட்டுள்ளது. இந்த விதிகளை மீறினால் பார்களுக்கு உடனடியாக சீல் வைக்கப்படும் எனவும் எச்சரிக்கப்பட்டுள்ளது.

டெல்லி ஜந்தர் மந்தரில் நீட் (NEET) தேர்வுக்கு எதிராக நடைபெற்று வரும் Cockroach Janata Party (CJP) போராட்டத்திற்கு ஆதரவாக, தமிழகத்திலும் அக்கட்சியினர் தொடர் முழக்கப் போராட்டங்களை முன்னெடுத்து வருகின்றனர். டெல்லியில் மாணவர்கள் மீது நடத்தப்பட்ட போலீஸ் நடவடிக்கையை கண்டித்து, தமிழக சிஜேபி நிர்வாகிகள் சென்னையில் நேற்று முதல் போராட்டத்தைத் தொடங்கினர். முதலில் சைதாப்பேட்டை பனகல் பூங்கா அருகே நடைபெற்ற போராட்டத்தை போலீசார் கலைத்த நிலையில், சென்னை தி.நகரில் உள்ள கட்சியின் தலைமை அலுவலகத்தில் தொடர் போராட்டத்தை மேற்கொண்டு வருகின்றனர். போராட்டம் மாநிலத்தில் தீவிரமடையும் சூழல் நிலவுவதால், தமிழக உளவுத்துறையினர் மாநிலம் முழுவதும் நிலைமையை உன்னிப்பாக கண்காணித்து, இது தொடர்பான அறிக்கைகளை மேலிடத்துகு அனுப்பி வருகின்றனர். ” சமூக நீதிக்கும் சமத்துவத்திற்கும் எதிரான இந்தத் தேர்வு முறையை ரத்து செய்வதோடு, வினாத்தாள் கசிவுக்கு பொறுப்பேற்று மத்திய கல்வி அமைச்சர் தர்மேந்திர பிரதான் பதவி விலக வேண்டும் எனவும், நீட் காரணமாக உயிரிழந்த…

தேர்வு முறைகேடுகள் மற்றும் மத்திய கல்வி அமைச்சர் தர்மேந்திர பிரதான் பதவி விலக வேண்டும் என்ற கோரிக்கையை வலியுறுத்தி Cockroach Janta Party (CJP) நடத்தி வரும் போராட்டம் இன்று (ஜூலை 21) இரண்டாவது நாளாகவும் ஜந்தர் மந்தரில் தொடர்கிறது. இந்தப் போராட்டத்துக்கு, மக்களவை எதிர்க்கட்சித் தலைவர் ராகுல் காந்தி மற்றும் காங்கிரஸ் பொதுச் செயலாளர் பிரியங்கா காந்தி ஆகியோர் ஆதரவு தெரிவித்ததோடு, அவர்களுடன் சேர்ந்து பிரதமர் நரேந்திர மோடியின் இல்லத்தை முற்றுகையிட முயன்றனர். முன்னதாக அவர்கள்  ஆர்ப்பாட்டத்தில் ஈடுபட்டனர். அவர்கள் முன்னேறிச் செல்லமுடியாத வகையில் பாதுகாப்பு படையினர் அவர்களை அங்கேயே தடுத்து நிறுத்தியதால் ராகுல்காந்தி தனது எம்.பிக்களுடன் மாணவர்களுடன் சேர்ந்து தர்ணாவில் ஈடுபட்டதால் அங்கு பரபரப்பு நிலவுகிறது. திங்கள்கிழமை நடைபெற்ற ‘சலோ சன்சத்’ (Chalo Sansad) பேரணியின்போது போராட்டக்காரர்களுக்கும் டெல்லி போலீசாருக்கும் இடையே பல்வேறு இடங்களில் கடும் மோதல் ஏற்பட்டது. தடுப்புகளை உடைத்து முன்னேற முயன்ற போராட்டக்காரர்களை கலைக்க போலீசார்…

பொள்ளாச்சி அருகே கிணத்துக்கடவு சட்டமன்ற உறுப்பினர் அலுவலகத்திற்கு வந்திருந்த மதுவிலக்கு ஆயத் தீர்வைத் துறை அமைச்சர் விக்னேஷ் பொதுமக்களின் கோரிக்கைகள் குறித்து தீர்வு காணும் வகையில் அதிகாரிகளை சந்தித்து ஆலோசனைகளை வழங்கினார். பின்னர் செய்தியாளர்களிடம் அவர் பேசினார்…. கிணத்துக்கடவு பகுதியில் அதிக அளவில் கல் குவாரிகள் செயல்பட்டு வருகிறது. கடந்த ஆட்சியில் முறைகேடாக கனிம வளங்கள் வெட்டி எடுக்கப்பட்டுள்ளதாக தொடர்ந்து புகார்கள் வந்தது.  இதன் அடிப்படையில்  கனிமவளத்துறை அதிகாரிகள் ட்ரோன்கேமரா வாயிலாக முழுமையாக ஆய்வு செய்துள்ளனர். முறைகேடாக செயல்பட்ட கல்குவாரிகள் மூடப்பட்டுள்ளது . தொடர்ந்து ஆய்வு செய்து பிரச்சினைகள் சரி செய்யப்படும். விவசாயிகளின் நியாயமான கோரிக்கைகள்  குறித்து நடவடிக்கை எடுக்கப்படும். பல மதுபான கடைகளில் கூட்ட நெரிசல் காரணமாக மது வழங்கும் கவுண்டர்களில் விற்பனையாளர்கள் சிரமத்திற்கு உள்ளாகின்றார்கள். மதுக் கூடங்களில் ஆங்காங்கே பாட்டில்கள் குப்பைகள் சிதறி கிடக்கிறது.  சிலர் மது போதையில் படுத்து கிடக்கின்றார்கள். இந்த நிலை தொடர கூடாது, சீரமைக்க…

நீட் தேர்வுக்கு எதிராக கருத்து தெரிவித்த ராப் பாடகர் ‘தெருக்குரல்’ அறிவு கைது செய்யப்பட்டதற்கு எதிர்க்கட்சித் தலைவர் உதயநிதி ஸ்டாலின் கடும் கண்டனம் தெரிவித்துள்ளார். மேலும், முதலமைச்சர் சி. ஜோசப் விஜய் தலைமையிலான தமிழக அரசின் நடவடிக்கையை அவர் விமர்சித்துள்ளார். இதுகுறித்து உதயநிதி ஸ்டாலின் தனது சமூக வலைதள பதிவில், “நீட் தேர்வுக்கு எதிராக குரல் கொடுத்ததற்காக ராப் பாடகரும், என் அன்பு சகோதரருமான ‘தெருக்குரல்’ அறிவை கைது செய்த தமிழக அரசை நான் வன்மையாக கண்டிக்கிறேன். அவரது குரல் தமிழ்நாட்டின் மட்டுமல்ல, இந்தியா முழுவதும் உள்ள கோடிக்கணக்கான மக்களின் உணர்வுகளையும் கோரிக்கைகளையும் பிரதிபலிக்கிறது” என்று குறிப்பிட்டுள்ளார். மேலும், “நாடு முழுவதும் CJP தலைமையில் நீட் எதிர்ப்பு பேரணிகளும் போராட்டங்களும் தீவிரமடைந்து வரும் இந்த நேரத்தில், அறிவை கைது செய்ய தமிழக அரசு முடிவு செய்துள்ளது. இது, டெல்லியில் போராடும் மாணவர்களுக்கு ஆதரவாக தமிழ்நாட்டிலும் தெருக்களில் இறங்கி போராட நினைக்கும் இளைஞர்களுக்கு…

தமிழ்நாடு மற்றும் புதுச்சேரி பார் கவுன்சில் தேர்தலில் பதிவான வாக்கு 86 நாட்கள் எண்ணிக்கைக்கு பின் இன்று முழுமையாக முடிவுகள் அறிவிக்கப்பட்டன. வழக்கறிஞர்கள் பி.எஸ். அமல்ராஜ், கே.பாலு, ஆர்.சி பால் கனகராஜ், எம்.வேல்முருகன், ஜி.மோகனகிருஷ்ணன், டி.பிரசன்ன உள்ளிட்ட 23 பேர் வெற்றி பெற்றதாக அறிவிக்கப்பட்டுள்ளது. தமிழ்நாடு மற்றும் புதுச்சேரி பார் கவுன்சிலுக்கு 23 உறுப்பினர்களை தேர்வு செய்வதற்கான தேர்தல், கடந்த ஏப்ரல் 30 தேதி தமிழகம் முழுவதும் உள்ள அனைத்து நீதிமன்றங்களில் நடைபெற்றது. மொத்தமுள்ள 23 உறுப்பினர் பதவிகளுக்கு, குறைந்தது 5 பெண் வழக்கறிஞர்கள் உறுப்பினராக தேர்வு செய்யப்பட வேண்டும். இந்த தேர்தலில் வழக்கறிஞர் மோகனகிருஷ்ணன், பால் கனகராஜ், வேல்முருகன், பாலு, சந்திரமோகன்,  அமல்ராஜ் உள்ளிட்ட 143 வழக்கறிஞர்கள் தேர்தலில் போட்டியிட்டனர். தமிழகத்தில் 166 வாக்குச்சாவடி மையங்களும், புதுச்சேரியில் 2 மையங்களும் என மொத்தம் 168 வாக்குச்சாவடிகளில் வாக்குப்பதிவு நடைபெற்றது. தேர்தலில்  81 சதவீதம் வாக்குகள் பதிவாகின. வாக்கு பெட்டிகள் அனைத்தும்…

நீட் தேர்வு முறைகேடுகளை எதிர்த்து நாடாளுமன்றம் அருகே போராட்டத்தில் ஈடுபட்ட மாணவர்கள் மீது டெல்லி போலீசார் மேற்கொண்ட நடவடிக்கையை கடுமையாக விமர்சித்துள்ள மக்களவை எதிர்க்கட்சித் தலைவர் ராகுல் காந்தி, பிரதமர் நரேந்திர மோடி மாணவர்களிடம் மன்னிப்பு கேட்க வேண்டும் என்றும், மத்திய உள்துறை அமைச்சர் அமித் ஷாவுடன் சேர்ந்து பதவி விலக வேண்டும் என்றும் வலியுறுத்தினார். நாடாளுமன்ற வளாகத்தில் செய்தியாளர்களிடம் பேசிய ராகுல் காந்தி, மாணவர்கள் தொடர்பான விவகாரம் குறித்து நாடாளுமன்றத்தில் விவாதம் நடத்த அனுமதி வழங்குமாறு சபாநாயகர் ஓம் பிர்லாவை, எதிர்க்கட்சி எம்.பி.க்களுடன் சந்தித்து கோரிக்கை வைத்ததாக தெரிவித்தார். அதற்கு, அரசின் கருத்தை கேட்ட பிறகே முடிவு எடுக்க முடியும் என்று சபாநாயகர் தெரிவித்ததாகவும், “நாடாளுமன்றத்தில் விவாதம் நடத்த கூட அரசிடம் அனுமதி கேட்க வேண்டும் என்று சபாநாயகர் கூறுவது வருத்தமளிக்கிறது” எனவும் ராகுல் காந்தி விமர்சித்தார். திங்கள்கிழமை நடைபெற்ற போராட்டத்தின் போது மாணவர்கள் மீது போலீசார் மேற்கொண்ட தடியடி…

உக்ரைன் கடற்கரைக்கு அருகே ரஷ்ய ஏவுகணை தாக்குதலில் இந்திய மாலுமிகள் 4 பேர் உயிரிழந்த சம்பவத்துக்கு இந்தியா கடும் கண்டனம் தெரிவித்துள்ளது. இதுதொடர்பாக, இந்திய வெளியுறவுத் துறை (MEA) ரஷ்யாவின் Charge d’Affaires (பொறுப்பு தூதரக அதிகாரி)-யை அழைத்து தனது கடும் அதிருப்தியை பதிவு செய்துள்ளது. வெளியுறவுத் துறை அதிகாரிகள், இந்தியர்கள் உயிரிழக்கக் காரணமான வணிகக் கப்பல் மீதான தாக்குதல் ஏற்க முடியாதது என்றும், இதுபோன்ற சம்பவங்கள் மீண்டும் நடைபெறக் கூடாது என்றும் ரஷ்ய தரப்பிடம் வலியுறுத்தியதாக தகவல் வெளியாகியுள்ளது. வெளியுறவுத் துறை வெளியிட்ட அறிக்கையின்படி, ஜூலை 19 மாலை உக்ரைனின் ஓடெசா (Odesa) துறைமுகத்திலிருந்து புறப்பட்ட கினியா-பிசாவ் (Guinea-Bissau) நாட்டுக் கொடி ஏந்திய MV Golden Leo என்ற சரக்குக் கப்பல் மீது ஏவுகணை தாக்குதல் நடத்தப்பட்டது. அப்போது கப்பலில் மொத்தம் 17 பணியாளர்கள் இருந்தனர். இதில் 5 இந்தியர்கள் இடம்பெற்றிருந்தனர். தாக்குதலில் 4 இந்திய மாலுமிகள் உயிரிழந்தனர். மேலும்,…

நீட் தேர்வு வினாத்தாள் கசிவு விவகாரத்தில் மத்திய கல்வி அமைச்சர் தர்மேந்திர பிரதான் பதவி விலக வேண்டும் என்ற கோரிக்கையுடன் Cockroach Janta Party (CJP) நடத்திய “சன்சத் சலோ” (Sansad Chalo) பேரணிக்குப் பிறகு ஏற்பட்ட மோதலில் காயமடைந்தவர்களை மத்திய சுகாதாரத்துறை அமைச்சர் ஜே.பி. நட்டா டெல்லி ராம் மனோஹர் லோகியா (RML) மருத்துவமனையில் நேரில் சந்தித்து நலம் விசாரித்தார். இதனைத் தொடர்ந்து, மக்களவை எதிர்க்கட்சித் தலைவர் ராகுல் காந்தியும் மருத்துவமனைக்கு சென்று காயமடைந்த போராட்டக்காரர்களை சந்திக்க உள்ளதாக தகவல் வெளியாகியுள்ளது. முன்னதாக, சிஜேபி தலைவர் அபிஜீத் திப்கே, போலீசாரால் “மிகக் கொடூரமாக தாக்கப்பட்ட” தனது ஆதரவாளர்களிடம் மன்னிப்பு கோரியதுடன், போராட்டம் தொடரும் எனவும் தெரிவித்தார். மத்திய அரசுடன் சிஜேபி நடத்திய முதல் அதிகாரப்பூர்வ சந்திப்பில், கட்சியின் செய்தித் தொடர்பாளர்களான அசுதோஷ் ரங்கா மற்றும் சௌரவ் தாஸ் ஆகியோரை ஜே.பி. நட்டா சந்தித்தார். அப்போது, சிஜேபி முன்வைத்த கோரிக்கைகள் குறித்து…

திமுக தலைவர் மு.க.ஸ்டாலின் வெளியிட்டுள்ள எக்ஸ் தளப் பதிவில், தவெக ஆணவத்துக்கு மக்கள் பாடம் புகட்டுவார்கள் எனத் தெரிவித்துள்ளார். த இந்து ஆங்கில நாளேட்டில் தவெக ஆட்சி தொடர்பான தலையங்கம் ஒன்று வெளியிடப்பட்டுள்ளது. அதில்  ஆட்சிக்கு வந்த இரண்டு மாதங்களில் முதலமைச்சர் மற்றும் அமைச்சர்களை விமர்சித்த ‘குற்றத்திற்காக’ பத்து பேரை அவதூறு வழக்கில் தவெக அரசு கைது செய்திருப்பதாகவும், ஜனநாயகத்திற்கு இது நல்லதில்லை என்றும் கண்டித்துள்ளது. மு.க.ஸ்டாலின் தனது பதிவில்,  ஆட்சிக்கு எதிரான விமர்சனங்களை எல்லாம் கிரிமினல் சட்டப்பிரிவுகளைப் பயன்படுத்தி அடக்கிடப் பார்க்கும் த.வெ.க. அரசின் போக்கை தி இந்து நாளிதழ்  கடுமையாகச் சாடியுள்ளதாகக் குறிப்பிட்டுள்ளார்.  நம் முதலமைச்சருக்குப் புரிவது போல சொல்லவேண்டுமென்றால், இந்தியா முழுவதும் வெளியாகும் பத்திரிகையின் நடுப்பக்கம் அவரது தலையில் நங்கு நங்கென்று குட்டியிருக்கிறது. ஆட்சியின் அலங்கோலங்களை எல்லாம் கைது நடவடிக்கைகளால் சரிக்கட்டி விடலாம் என்று இந்த அரசு எண்ணினால் மக்களே அந்த ஆணவத்துக்குச் சரியான பாடத்தைப் புகட்டுவார்கள்…