Author: Editor TN Talks

டெல்லியில் நடைபெற்ற  என்.டி.ஏ கூட்டணி எம்பிக்கள் ஆலோசனை கூட்டத்தில் பிரதமர் மோடி, மத்திய அமைச்சர்கள் அமித்ஷா, ராஜ்நாத் சிங், நட்டா உள்ளிட்டோர் பங்கேற்றனர். டெல்லியில் பார்லிமென்ட் வளாகத்தில் பாஜ தலைமையிலான தேசிய ஜனநாயகக் கூட்டணி எம்பிக்கள் ஆலோசனை கூட்டம் இன்று நடந்தது.இந்தக் கூட்டத்தில் அண்மையில் உருவான இந்திய தேசியவாத குடிமக்கள் கட்சியினர் முதல் முறையாக கூட்டத்தில் கலந்துகொண்டனர். மத்திய அமைச்சர்கள் அமித்ஷா, ராஜ்நாத் சிங், நட்டா உள்ளிட்டோரும் பங்கேற்றனர். கூட்டத்தில் மத்திய அமைச்சர் கிரண் ரிஜிஜூ பேசுகையில், சட்ட வல்லுநர்களுடன் கலந்து ஆலோசித்து தேர்வு முறைகேடுகளில் ஈடுபட்டவர்கள் மீது கடுமையான நடவடிக்கை எடுக்க பிரதமர் மோடி அழைப்பு விடுத்துள்ளார் என்றார். மாணவர்களின் நலன்களைப் பாதுகாப்பதே அரசின் முன்னுரிமையாக தொடர்வதாகவும் கூறினார்.  அண்மையில் பல்வேறு நாடுகளுடன் கையெழுத்திடப்பட்ட தடையற்ற வர்த்தக ஒப்பந்தங்கள் குறித்து விவாதித்த போது விவசாயிகளின் நலனில் அரசு கவனம் செலுத்துவதையும் அவர் எடுத்துரைத்தார்.

அதிமுகவைத் தீர்ந்துபோன சக்தி என விமர்சிக்கும் தமிழக வெற்றி கழகத் தலைவர் விஜய்யை, “நேற்று பெய்த மழையில் முளைத்த காளான்” எனவும், “முதலில் விஜய் வாயைத் திறந்து பேச வேண்டும்” எனவும் அதிமுக முன்னாள் அமைச்சர் கோகுல இந்திரா கடுமையாக விமர்சித்தார். சென்னை மதுரவாயலை அடுத்த நெற்குன்றம் பகுதியில் பள்ளி, வழிபாட்டுத் தலங்கள் மற்றும் பேருந்து நிலையம் அருகில் அமைந்துள்ள அரசு மதுபானக் கடையை மூட வலியுறுத்தி அதிமுக சார்பில் கண்டன ஆர்ப்பாட்டம் நடைபெற்றது. 145-ஆவது வார்டு அதிமுக கவுன்சிலர் சத்தியநாதன் தலைமையில் நடைபெற்ற இந்த ஆர்ப்பாட்டத்தில் அதிமுக முன்னாள் அமைச்சர் கோகுல இந்திரா, மாவட்டச் செயலாளர் ரவிச்சந்திரன் உள்ளிட்ட ஏராளமான நிர்வாகிகள் கலந்துகொண்டனர். கூட்டத்தில் பேசிய கோகுல இந்திரா, “மதுபானக் கடையை மூட வேண்டியது எம்.எல்.ஏ-வின் பணிதான். ஆனால் அதைச் செய்யாமல், மதுரவாயல் எம்.எல்.ஏ சிறுபிள்ளைத்தனமாகச் செயல்படுகிறார். மக்கள் போராடிக்கொண்டிருக்கும் நேரத்தில், ‘ஜனநாயகம்’ படத்தைப் பார்க்க வைப்பதற்காக அமைச்சர்களுக்கும் பிரபலங்களுக்கும்…

டெல்லியில் போராட்டத்தில் ஈடுபட்ட மாணவர்கள் மீது  பெல்லட் கன் மற்றும் பீகாரில் AK-47 துப்பாக்கி பயன்படுத்தப்பட்டதாகக் கூறப்படும் சம்பவம் குறித்து, மத்திய உள்துறை அமைச்சர் அமித் ஷா நாடாளுமன்றத்தில் நேரில் வந்து விளக்கம் அளிக்க வேண்டும் என காங்கிரஸ் எம்.பி. கே.சி. வேணுகோபால் வலியுறுத்தியுள்ளார். நாடாளுமன்றத்தில் எதிர்க்கட்சிகளின் தொடர் போராட்டம் நடைபெற்று வரும் நிலையில், செய்தியாளர்களிடம் பேசிய அவர், இந்த விவகாரத்தில் உள்துறை அமைச்சர் விவாதத்தில் பங்கேற்காததை கடுமையாக விமர்சித்தார். “கிரண் ரிஜிஜு எங்கள் கட்சித் தலைவர் அல்ல; அவர் இந்திய அரசின் பிரதிநிதி. பீகாரில் மாணவர்கள் மீது AK-47 பயன்படுத்தியதற்கும், டெல்லியில் பெல்லட் கன் பயன்படுத்தியதற்கும் யார் உத்தரவிட்டார்கள்? உள்துறை அமைச்சர் எங்கே? ஏன் ஒளிந்திருக்கிறார்? அவர் மக்களவைக்கு வந்து இதற்கு பதில் சொல்ல வேண்டும். இந்த அத்துமீறல்களுக்கு அவர் பொறுப்பு என மக்கள் கருதுகின்றனர்,” என்று வேணுகோபால் குற்றம்சாட்டினார். இதற்கிடையில், காங்கிரஸ் எம்.பி. மணிஷ் திவாரியும் ஆயுதமற்ற, அமைதியான…

திருட்டுத்தனமாக வெளியிடப்பட்ட ஜனநாயகன் படத்தை இணையதளத்தில் பார்த்தார் என்பதற்காக வழக்குபதிவு செய்யப்பட்டவருக்கு  முன் ஜாமீன் வழங்கி சென்னை உயர் நீதிமன்றம் உத்தரவிட்டுள்ளது. சட்டமன்ற தேர்தலுக்கு முன்பாக, தனது கடைசிப்படம் என முதலமைச்சர் விஜய் அறிவித்து, நடித்த ஜனநாயகன் படம், கடந்த பொங்கல் பண்டிகைக்கு வெளியாகும் என அறிவிக்கப்பட்டிருந்தது. ஆனால், தணிக்கைக் குழுவின் மறு ஆய்வில் படம் இருந்த நிலையில், ஏப்ரல் 3ஆம் தேதி சட்டவிரோதமாக இணையதளத்தில் வெளியானது. படத் தயாரிப்பு நிறுவனமான கே.வி.என். புரொடக்‌ஷன்ஸ் அளித்த புகாரின் அடிப்படையில் பதிவுசெய்யப்பட்ட வழக்கை சென்னை காவல் துறையின் சைபர் கிரைம் பிரிவு போலீசார் விசாரித்து வருகின்றனர். இந்த வழக்கில் சேலம் மாவட்டம் மேட்டூரை  எறகுண்டப்பட்டியை சேர்ந்த ஆர்.பிரதீப்குமார் என்பவர் மீதும் வழக்குப்பதிவு செய்யப்பட்டது. இந்த வழக்கில் முன் ஜாமீன் கோரி பிரதீப்குமார் தாக்கல் செய்த மனு நீதிபதி சி.குமரப்பன் முன்பு விசாரணைக்கு வந்தது. அப்போது, மனுதாரர் தரப்பில் ஜனநாயகன் படம் திருட்டுத்தனமாக வெளியான…

காமன் வெல்த் போட்டியில் வெள்ளிப்பதக்கம் வென்றுள்ள தமிழ்நாட்டு வீரர் ராஜா முத்துப்பாண்டிக்கு பிரதமர் மோடி தனது வாழ்த்துகளை தெரிவித்துள்ளார். 23-வது காமன்வெல்த் விளையாட்டுப் போட்டியில் ஆண்களுக்கான 65 கிலோ எடைப் பிரிவில் தமிழ்நாட்டைச் சேர்ந்த ராஜா முத்துப்பாண்டி வெள்ளிப் பதக்கம் வென்று மாநிலத்திற்கு பெருமை சேர்த்துள்ளார். இந்த சாதனைக்கு தி.மு.க. தலைவரும் முன்னாள் முதலமைச்சருமான மு.க.ஸ்டாலின் பாராட்டு தெரிவித்துள்ளார். ஸ்காட்லாந்தின் கிளாஸ்கோ நகரில் நடைபெற்று வரும் 23-வது காமன்வெல்த் போட்டியில், பளுதூக்கும் போட்டியில் தூத்துக்குடி மாவட்டம் கோவில்பட்டி அருகே சங்கரலிங்கபுரத்தைச் சேர்ந்த ராஜா முத்துப்பாண்டி மொத்தம் 286 கிலோ எடையைத் தூக்கி இரண்டாவது இடத்தைப் பிடித்து வெள்ளிப் பதக்கம் வென்றுள்ளார். இந்த வெற்றியை பாராட்டி பிரதமர் நரேந்திர மோடி தனது எக்ஸ் தளத்தில் பதிவிட்டுள்ளார். அதில், பளுதூக்கலில் இந்தியாவுக்கு மேலும் ஒரு பதக்கம் கிடைத்துள்ளதாகக் குறிப்பிட்டுள்ளார். ஸ்காட்லாந்தின் கிளாஸ்கோவில் நடைபெறும் காமன்வெல்த் விளையாட்டுப் போட்டிகளில், ஆண்கள் 65 கிலோ எடைப்பிரிவில் வெள்ளிப்…

ஓய்வுபெற்ற ஐஏஎஸ் அதிகாரி சகாயத்துக்கு துப்பாக்கி ஏந்திய போலீஸ் பாதுகாப்பு வழங்க தமிழக டிஜிபி க்கு சென்னை உயர்நீதிமன்றம் உத்தரவிட்டுள்ளது. விருப்ப ஓய்வு பெற்ற ஐஏஎஸ் அதிகாரி சகாயம் தாக்கல் செய்த மனுவில், ”மதுரை மாவட்ட ஆட்சியராக பணிபுரிந்தபோது, கிரானைட் முறைகேட்டை விசாரிக்க தன்னை ஆணையராக உயர்நீதிமன்றம் நியமித்தது.  உயர் நீதிமன்ற உத்தரவின் அடிப்படையில் விசாரணை நடத்தியதில், சட்டவிரோதமாக கிரானைட் கற்கள் வெட்டி எடுத்ததில் அரசுக்கு ஒரு லட்சத்து 11 ஆயிரம் கோடி ரூபாய் இழப்பு ஏற்பட்டுள்ளதாக உயர் நீதிமன்றத்துக்கு அறிக்கை சமர்ப்பித்தாகவும் தெரிவித்தார். இந்த அறிக்கையின் அடிப்படையில், மதுரை சிறப்பு நீதிமன்றத்தில் வழக்கு விசாரணையில் உள்ளது. உயர் நீதிமன்ற உத்தரவின் அடிப்படையில் கடந்த 2014-ம் ஆண்டு முதல் எனக்கு வழங்கப்பட்ட போலீஸ் பாதுகாப்பு, 2023-ம் ஆண்டு விலக்கிக் கொள்ளப்பட்டுள்ளதாகவும் மனுவில் கூறியுள்ளார் பாதுகாப்பு விலக்கிக் கொள்ளப்பட்டதால், கிரானைட் முறைகேடு வழக்கில் சாட்சியாக சேர்க்கப்பட்டுள்ள தன்னால், நீதிமன்றத்தில் ஆஜராகி சாட்சியம் அளிக்க…

ஆகஸ்ட் 15 ஆம் தேதி சுதந்திர தினத்தையொட்டி சென்னை கோட்டை கொத்தளத்தில் முதலமைச்சர் ஜோசப் விஜய் தேசியக் கொடி ஏற்ற உள்ள நிலையில் அதற்கான ஏற்பாடுகள் தொடங்கியுள்ளன. நாடு முழுவதும் ஆகஸ்ட் 15 ஆம் தேதி சுதந்திர தினவிழா கொண்டாடப்பட உள்ளது. அன்றைய தினம் முதலமைச்சர் ஜோசப் விஜய் சென்னை தலைமைச் செயலகத்தில் உள்ள கோட்டை கொத்தளத்தில் தேசியக் கொடியை ஏற்றி, வீர தீர செயல்கள் புரிந்த காவல்துறையினருக்கு விருதுகள் வழங்கி உரையாற்ற உள்ளார். சுதந்திர தின விழாவுக்கான முன்னேற்பாடுகளை பொதுப்பணித்துறை தொடங்கியுள்ளது.  இதற்காக கோட்டை கொத்தளத்திற்கு எதிரே முக்கிய விருந்தினர்கள் அமர்வதற்காக பிரம்மாண்ட பந்தல் அமைக்கப்படுவதற்கான முதற்கட்ட பணிகள் தொடங்கியுள்ளன. தமிழக வெற்றிக் கழகம் ஆட்சியில் அமர்ந்துள்ள நிலையில் சுதந்திர தினத்தில் தேசியக் கொடியினை முதலமைச்சர் ச.ஜோசப் விஜய் ஏற்ற உள்ளது இப்போதே தவெகவினரி குஷிப்படுத்தியுள்ளது.

கொளத்தூர் தொகுதியில் போட்டியிட திமுக தலைவர் ஸ்டாலின் தாக்கல் செய்த வேட்புமனுவில் தகவல்களை மறைத்தது தொடர்பாக வழக்கின் விசாரணையை ஜூலை 29 ஆம் தேதிக்கு சென்னை உயர்நீதிமன்றம் தள்ளிவைத்துள்ளது. நடந்து முடிந்த சட்டமன்ற தேர்தலில், சென்னை கொளத்தூர் தொகுதியில் முன்னாள் முதல்வரும், திமுக தலைவருமான ஸ்டாலின் போட்டியிட்டார். அவர் தாக்கல் செய்த வேட்புமனுவில், திமுக அறக்கட்டளையின் நிர்வாகியாக இருப்பதையும், அறக்கட்டளை சார்பாக செங்கல்பட்டு மாவட்டம், கடம்பாடியில் 2 கோடியே 27 லட்சம் ரூபாய்க்கு சொத்து வாங்கிய விவரத்தை தெரிவிக்கவில்லை எனவும், தகவலை மறைத்தது தொடர்பாக விசாரணை நடத்த தேர்தல் ஆணையத்துக்கு உத்தரவிடக் கோரி, தொகுதியில் தேசிய மக்கள் சக்தி கட்சி சார்பில் போட்டியிட்ட  திருஞானசம்பந்தம் என்பவர் சென்னை உயர்நீதிமன்றத்தில் வழக்கு தாக்கல் செய்துள்ளார். அந்த மனுவில், வேட்புமனுவில் தகவல்களை மறைத்த விவகாரம் தொடர்பாக விசாரணை நடத்த தேர்தல் ஆணையத்துக்கு மனு அளித்தும் எந்த நடவடிக்கையும் எடுக்கவில்லை என்பதால், தனது மனுவை பரிசீலித்து,…

நீண்டகாலமாக பணியிடை நீக்கத்தை தொடர்வதை சட்டப்படி ஏற்றுக்கொள்ள முடியாது என சென்னை உயர்நீதிமன்றம் அதிரடியாகத் தெரிவித்துள்ளது. கிருஷ்ணகிரி மாவட்டத்தில் கிராம நிர்வாக அலுவலராக  பணியாற்றி வந்த  ராமசந்திரன்,  பட்டா வழங்குவதற்கு லஞ்சம் பெற்றதாக லஞ்ச ஒழிப்புத்துறை பதிவு செய்த வழக்கின் அடிப்படையில், 2025-ஆம் ஆண்டு நவம்பர் மாதம் சஸ்பெண்ட்  செய்யப்பட்டார். தொடர்ந்து, பணியிடை நீக்கத்திலேயே வைத்திருந்ததால் சஸ்பெண்ட் உத்தரவை ரத்து செய்யக் கோரி ராமசந்திரன் சென்னை உயர்நீதிமன்றத்தில் மனு தாக்கல் செய்தார். இந்த மனு நீதிபதி பி.டி. ஆஷா முன்னிலையில் விசாரணைக்கு வந்தபோது, மனுதாரர் சார்பில்  ஆஜரான மூத்த வழக்கறிஞர் அசன் முகம்மது ஜின்னா, லஞ்ச ஒழிப்பு விசாரணை ஏழு மாதங்களுக்கு மேலாகியும் , இதுவரை குற்றப்பத்திரிகை தாக்கல் செய்யப்படவில்லை என்றும்,  துறை ரீதியான விசாரணை தொடர்பாக குற்ற குறிப்பாணை வழங்கப்படவில்லை என்றும், ஏழு மாதங்களுக்கு மேலாக மனுதாரரை தொடர்ந்து பணியிடை நீக்கத்தில் வைத்திருக்க எந்த சட்டபூர்வமான காரணமும் இல்லை என்றும்…

மேற்கு வங்கம்–வடக்கு ஒடிசா கடற்கரையை இன்று பிற்பகலில் ஆழ்ந்த காற்றழுத்த தாழ்வு மண்டலம் கடக்கும் என இந்திய வானிலை ஆய்வு மையம் எச்சரித்துள்ளது. வங்கக் கடலின் வடமேற்குப் பகுதியில், மேற்கு வங்கம்–வட ஒடிசா கடலோரப் பகுதிகளை ஒட்டியுள்ள ஆழ்ந்த காற்றழுத்த தாழ்வு மண்டலம் கடந்த 6 மணி நேரத்தில் மணிக்கு சுமார் 3 கி.மீ. வேகத்தில் மிக மெதுவாக வடக்கு நோக்கி நகர்ந்து வருகிறது. இது மேற்கு வங்கத்தின் சாகர் தீவிற்கு தெற்கே 30 கி.மீ., திகாவிற்கு கிழக்கு–தென்கிழக்கே 70 கி.மீ., டயமண்ட் ஹார்பருக்கு தெற்கே 90 கி.மீ., கேனிங்கிற்கு தெற்கு–தென்மேற்கே 110 கி.மீ. மற்றும் ஒடிசாவின் பாலசோருக்கு கிழக்கு–தென்கிழக்கே 120 கி.மீ. தொலைவில் மையம் கொண்டுள்ளதாக இந்திய வானிலை ஆய்வு மையம்  தெரிவித்துள்ளது. இந்த ஆழ்ந்த காற்றழுத்த தாழ்வு இன்று பிற்பகலில் வடக்கு–வடமேற்கு திசையில் நகர்ந்து, ஒடிசாவின் பாலசோர் மற்றும் மேற்கு வங்கத்தின் கேனிங் இடையே கடற்கரையை கடக்கும் என…