Author: Editor TN Talks

மேகதாது அணை பிரச்னையில் தமிழ்நாட்டின் உரிமையை முதலமைச்சர் ச.ஜோசப் விஜய் அடகு வைத்திருப்பதாக எதிர்க்கட்சித் தலைவர் உதயநிதி ஸ்டாலின் கடிந்துரைத்துள்ளார். மேகதாது அணை கட்ட தமிழ்நாட்டின் அனுமதி கர்நாடகாவிற்குத் தேவை இல்லை என்ற ஒன்றிய இணை அமைச்சரின் பதில் காவிரி விவகாரத்தில் தமிழ்நாட்டின் உரிமையை கேள்விக்குறியாக்கி இருப்பதாக தனது எக்ஸ்தளப் பதிவில் உதயநிதி தெரிவித்துள்ளார். டெல்லி எஜமானர்களை பகைத்துக் கொள்ளாமலும் – ஆட்சிக்கட்டிலைக் காப்பாற்ற  காங்கிரஸுக்கு எதிராக பேசாமலும், தமிழ்நாட்டின் உரிமையை அடகு வைத்துள்ளார் முதலமைச்சர் எனச் சாடியுள்ள அவர், இந்த பிரச்சினையில், தமிழ்நாட்டு அரசியல் கட்சிகள் ஓரணியில் சென்று ஒன்றிய அரசிடம் மேகதாதுவுக்கு எதிராக குரல் கொடுக்க வேண்டுமென சட்டப்பேரவையில் பேசி இருந்தாகக் குறிப்பிட்டு, கர்நாடகாவில் பட வசூல் பாதிக்கும் என்ற பயத்தில், இந்த SofaModel முதலமைச்சர், எதிர்க்கட்சிகள் சொன்னதையும் கேட்கவில்லை, விவசாயிகளின் கோரிக்கையையும் ஏற்கவில்லை என காட்டமாக விமர்சித்திருக்கிறார். இனியும் காலம் தாழ்த்தினால் தமிழ்நாட்டு விவசாயிகளின் வாழ்வாதாரம் முற்றிலும்…

முதலமைச்சரின் அலுவலகம் இடமாற்றத்தால் பட்ஜெட் தயாரிப்பு பணி பாதிக்கப்படுவதாக தலைமைச் செயலக சங்க ஊழியர்கள் கூட்டமைப்பு தெரிவித்துள்ளது. இட நெருக்கடி காரணமாகச் சென்னை தலைமைச் செயலகத்தில் தற்போது உள்ள முதலமைச்சரின் அலுவலகம், முதலமைச்சரின் செயலாளர்கள், ஆலோசகர்களின் அறைகள் நாமக்கல் கவிஞர் மாளிகையின் 10வது தளத்திற்கு மாற்றம் செய்யப்பட்டு, அதற்கான அரசாணையும் வெளியிடப்பட்டுள்ளன. அதன்படி நாமக்கல் கவிஞர் மாளிகையின் 10வது தளத்தில் தற்போது இயங்கி வரும் செய்தி மற்றும் மக்கள் தொடர்புத் துறையின் அலுவலகப் பிரிவுகள், வரவு செலவு பிரிவு, பொருட்காட்சி அனுமதிப் பிரிவு, முதலமைச்சரின் சமூக ஊடகப் பிரிவு, செய்தி மற்றும் மக்கள் தொடர்புத் துறையின் கட்டுப்பாட்டுப் பிரிவு ஆகியவை கலைவானர் அரங்கிற்கு மாற்றப்படுகின்றன. அதோடு 10வது தளத்தில் செயல்பட்டு வரும் சுற்றுலாத் துறையின் எழுதுபொருட்கள் அறையை, அதே துறையின் பிற பிரிவுகள் அமைந்துள்ள 9வது தளத்திற்கு மாற்றிக் கொள்ள அறிவுறுத்தப்பட்டுள்ளது. இந்த நிலையில் முதலமைச்சர் அலுவலக இடமாற்றத்தால் நடைமுறை சிக்கல்கள்…

காவிரி நதி நீர் சிக்கலில் தேர்தலை மனதில் வைத்து கர்நாடகாவுக்கு மத்திய அரசு ஆதரவாகச் செயல்படுகிறதா என வீ த லீடர்ஸ் அமைப்பின் அண்ணாமலை கேள்வி எழுப்பியுள்ளார். சமூக வலைத்தளத்தில் பதிவிட்டுள்ள அண்ணாமலை, கடந்த 16.02.2018 அன்று, உச்சநீதிமன்றம் வழங்கிய காவிரி நதி நீர் பங்கீடு தொடர்பான தீர்ப்பில், கர்நாடக அரசு காவிரியின் குறுக்கே எந்தவொரு கட்டமைப்பையும் புதிதாக ஏற்படுத்த, காவிரி நதி பாயும் மாநிலங்களான தமிழ்நாடு, கேரளா மற்றும் புதுச்சேரியின் ஒப்புதலைப் பெற வேண்டும் என்று எங்கும் குறிப்பிடப்படவில்லை என நேற்றைய தினம், மாநிலங்களவையில், காவிரி நதி தொடர்பாக, மத்திய நீர்வளத் துறை அமைச்சகம் அளித்துள்ள பதில் மிகுந்த அதிர்ச்சியளிப்பதாகக் கூறியுள்ளார். கடந்த 05.08.2021 அன்று அன்றைய மத்திய நீர்வளத்துறை அமைச்சர் கஜேந்திர சிங் ஷெகாவத், அணைக் கட்டுமானத்திற்கான விரிவான திட்ட அறிக்கை (DPR) தயாரிக்க, கர்நாடக மாநிலத்துக்கு வழங்கப்பட்ட அனுமதி நிபந்தனைக்குட்பட்டது என்றும், மாநிலங்களுக்கு இடையேயான நதிநீர் பங்கீடு…

நடிகையும், நாடாளுமன்ற உறுப்பினருமான கங்கனா ரணாவத், இன்றைய இளம் பெண்கள் குறித்து தனது இன்ஸ்டாகிராம் ஸ்டோரியில் வெளியிட்ட கருத்து சமூக வலைதளங்களில் பரபரப்பை ஏற்படுத்தியுள்ளது. சமீபத்தில் நீட் வினாத்தாள் கசிவு தொடர்பான மாணவர் போராட்டங்கள் குறித்து “Gen Z Protest Reels” என விமர்சித்திருந்த கங்கனா ரணாவத், தற்போது “மேற்கத்திய கலாச்சாரத்தைப் பின்பற்றும் இளம் இந்து பெண்கள்” குறித்து நீண்ட பதிவொன்றை வெளியிட்டுள்ளார். அந்தப் பதிவில், “உண்மையாக சுயமாக வாழும் பெண்கள் தங்களது சுதந்திரத்தை தாங்களே சம்பாதிக்கிறார்கள். அவர்கள் துணிச்சலான முடிவுகளை எடுக்கிறார்கள், தங்களது செயல்களுக்கு முழுப் பொறுப்பும் ஏற்கிறார்கள். ஆனால் குடும்பத்தைச் சார்ந்தே வாழ்ந்துகொண்டு சுதந்திரம் பற்றி பெருமை பேசுவதால் மட்டும் ஒருவர் சுயாதீனமானவராக மாற முடியாது” என்று குறிப்பிட்டுள்ளார். மேலும், “இன்றைய மேற்கத்திய கலாச்சாரத்தைப் பின்பற்றும் சில இந்திய இளம் பெண்களை நான் ‘Generation Gutter’ என்று அழைக்கிறேன். அவர்கள் படிப்பிலும் சிறந்து விளங்குவதில்லை; குடும்பப் பொறுப்புகளையும் ஏற்கத்…

பிரதமர் நரேந்திர மோடி பேஸ்புக்கில் வெளியிட்டிருந்த முதல் செல்ஃபி வீடியோ தற்காலிகமாக நீக்கப்பட்ட சம்பவம் குறித்து மெட்டா நிறுவனம் விளக்கம் அளித்துள்ளது. அந்த வீடியோ “தவறுதலாக நீக்கப்பட்டது; தற்போது மீண்டும் மீட்டெடுக்கப்பட்டுள்ளது” என்று மெட்டா நிறுவனத்தின் செய்தித் தொடர்பாளர் தெரிவித்துள்ளார். NEET வினாத்தாள் கசிவு விவகாரம் தொடர்பாக இளைஞர்கள் மற்றும் மாணவர்களிடம் உரையாற்றும் வகையில் பிரதமர் மோடி இந்த செல்ஃபி வீடியோவை வெளியிட்டிருந்தார். ஆனால், அது சில மணி நேரங்களுக்கு பேஸ்புக்கில் காணாமல் போனது. பின்னர் வீடியோ மீண்டும் பதிவேற்றப்பட்ட நிலையில், இது தொழில்நுட்பப் பிழை காரணமாக ஏற்பட்டதாக மெட்டா விளக்கம் அளித்துள்ளது. அந்த வீடியோவில், வினாத்தாள் கசிவைத் தடுக்கும் வகையில் மத்திய அரசு மேலும் கடுமையான நடவடிக்கைகளை எடுக்கவுள்ளதாக பிரதமர் மோடி உறுதியளித்திருந்தார். மேலும், இதற்கான சட்ட மசோதா குறித்து மத்திய அமைச்சரவை ஆலோசித்து, நாடாளுமன்றத்தில் விரைவாக நிறைவேற்ற நடவடிக்கை எடுக்கப்படும் என்றும் தெரிவித்திருந்தார். நாட்டில் NEET தேர்வு முறைகேடுகள்…

விருதுநகர் மாவட்​டம் சிவ​காசி அருகே செங்​கமலப்​பட்​டியைச் சேர்ந்த  சகோதரர்களான ராமச்​சந்​திரன் (40), ராம்​பிர​காஷ் (32) ஆகியோர் சட்டவிரோதமாகத் தயாரித்து வந்த பட்டாசுகள் வெடித்த விபத்தில் 5 பேர் உயிரிழந்துள்ளனர். உரிய அனுமதியும் பெறாமல் பாதுகாப்பு வழிமுறைகளையும் பின்பற்றாமல் ஷெட்டுகள் அமைத்து பட்டாசு ஆலை நடத்தி வந்துள்ளனர். இதேபோல் விருதுநகர் மாவட்டத்தில் பல இடங்களில் ஆடு, மாடுகளுக்கு தகர ஷெட் அமைப்பதாகக் கூறி சட்டவிரோத பட்டாசு ஆலைகள் நடைபெற்று வருவதாகத் தகவ்லகள் தெரிவிக்கின்றன. இந்தச் சூழலில் அண்மையில் நிகழ்ந்த பட்டாசு ஆலை விபத்தினைத் தொடர்ந்து விருதுநகர் மாவட்ட காவல்துறை விழிப்புணர்வு அறிவிப்பை வெளியிட்டுள்ளது. சட்டவிரோத பட்டாசு தயாரிப்பை முற்றிலுமாகத் தடுப்போம் எனக் கூறியுள்ள விருதுநகர் மாவட்ட காவல்துறை அனுமதியின்றியும் பாதுகாப்பு ஏற்பாடுகள் இன்றியும் பட்டாசு தயாரிப்பது தண்டனைக்குரிய குற்றமாகும் என அறிவித்துள்ளது. அவ்வாறு யாரேனும், பட்டாசு ஆலைகளை நடத்துவது தெரியவந்தால், இதுகுறித்த தகவல்களை 96009 69100 என்ற எண்ணிற்கு உடனடியாகத் தெரிவிக்கலாம். தகவல்…

இன்று உலக இயற்கை வளம் பாதுகாப்பு தினம் கொண்டாடப்படும் நிலையில் தமிழ்நாடு இயற்கை வளங்கள் துறை அமைச்சர் டாக்டர். TK. பிரபு வெளியிட்டுள்ள வாழ்த்து செய்தியில் கூறியிருப்பதாவது… இயற்கை வளங்கள் என்பது நமது வாழ்வின் அடித்தளம்.. மனிதகுலத்தின் எதிர்காலத்தை தீர்மானிக்கும் விலைமதிப்பற்ற செல்வங்கள்..! இயற்கையைப் பாதுகாப்பது என்பது இன்றைய தேவையை மட்டும் பூர்த்தி செய்வதற்காக அல்ல; வருங்கால சந்ததியினருக்கு வளமான, பாதுகாப்பான மற்றும் நிலையான உலகை விட்டுச் செல்லும் நமது தார்மீகப் பொறுப்பாகும். தமிழ்நாடு அரசு, முதலமைச்சர்  ச.ஜோசப் விஜய் தலைமையில், ஊரக வளர்ச்சி மற்றும் நீர்வளத்துறை அமைச்சர் என். ஆனந்த் வழிகாட்டுதலில் நீர்நிலைகள் பாதுகாப்பு, மரக்கன்றுகள் நடுதல், மழைநீர் சேகரிப்பு, இயற்கை வளங்கள் மேம்பாடு மற்றும் சுற்றுச்சூழல் பாதுகாப்பு உள்ளிட்ட பல்வேறு முன்னெடுப்புகளை தொடர்ந்து செயல்படுத்தி வருகிறது. உலக இயற்கை வளம் பாதுகாப்பு தினத்தை முன்னிட்டு, இயற்கை வளங்களைப் பாதுகாக்கவும், சுற்றுச்சூழலை மாசுபடுத்தாமல் பேணிக் காக்கவும், பசுமையான தமிழ்நாட்டை உருவாக்க…

திருப்பத்தூர் மாவட்டம் ஆம்பூர் அருகே காணாமல் போன டீக்கடை தொழிலாளி கிணற்றில் சடலமாகக் கிடந்தது பரபரப்பை ஏற்படுத்தி இருக்கிறது. பெரிய குப்பம் பகுதியைச் சேர்ந்த இளங்கோவன், ஆம்பூரில் உள்ள டீக்கடை ஒன்றியில் பணியாற்றி வந்துள்லார். கடந்த ஞாயிற்றுக்கிழமை வீட்டை விட்டு சென்ற அவர், 3 நாட்களாகியும் வீடு திரும்பாததால் குடும்பத்தினர் பல்வேறு இடங்களில் தேடியதோடு, காவல்நிலையத்திலும்  புகார் அளித்துள்ளனர். இந்த நிலையில் இன்று காலை பெரியங்குப்பம் பகுதியில் உள்ள  பொது கிணற்றில்  இளங்கோவனின் சடலம் மிதந்துள்ளது.  தகவலின் பேரில் அங்கு வந்த ஆம்பூர் கிராமிய காவல்நிலைய போலீசார், மற்றும் ஆம்பூர் தீயணைப்பு படையினர் கிணற்றில் இருந்த சடலத்தை மீட்டு  பிரேத பரிசோதனைக்காக ஆம்பூர் அரசு மருத்துவமனைக்கு அனுப்பி வைத்தனர். மேலும்,  இதுகுறித்து வழக்கு பதிவு செய்த போலீசார் இளங்கோவனின் மரணம் குறித்து விசாரணை மேற்கொண்டு வருகின்றனர்.

கடந்த 2024 ஆம் ஆண்டு நடந்த மக்களவை தேர்தலின்போது, தேர்தல் நடத்தை விதிகளை மீறியதாகக் கூறி, விருதுநகர் தொகுதி காங்கிரஸ் எம்.பி. மாணிக்கம் தாகூர், பாஜக மாநிலத் தலைவர் நயினார் நாகேந்திரன் மீது தொடுக்கப்பட்ட  வழக்குகளை ரத்து செய்து சென்னை உயர்நீதிமன்றம்  உத்தரவிட்டது. கடந்த 2024-ஆம் ஆண்டு நடந்த மக்களவை தேர்தலில் விருதுநகர் தொகுதியில் காங்கிரஸ்  சார்பில் மாணிக்கம் தாகூர் போட்டியிட்டார். ஏப்ரல் 19-ம் தேதி வாக்குப்பதிவு நடந்த நிலையில், தேர்தல் பிரச்சாரம் முடிவடைந்த பின், ஏப்ரல் 18 ஆம் தேதி  தனது முகநூலில் பிரசாரம் மேற்கொண்டதாக, மாணிக்கம் தாகூர் மீது விருதுநகர் மேற்கு போலீஸார் வழக்குப்பதிவு செய்திருந்தனர். இந்த வழக்கை ரத்து செய்யக் கோரி மாணிக்கம் தாகூர் சென்னை உயர்நீதிமன்றத்தில் மனு தாக்கல் செய்திருந்தார். அந்த மனுவில், 188-வது சட்டப்பிரிவின் படி, அரசு ஊழியர் எழுத்துப்பூர்வ புகார் அளித்திருந்தால் மட்டுமே  தேர்தல் விதிமீறல் வழக்கு பதிவு செய்ய முடியும் என்பதால்…

தனக்கெதிரான தேர்தல் வழக்கை நிராகரிக்க கோரி ஊத்தங்கரை தவெக எம்.எல்.ஏ. இளையராஜா தாக்கல் செய்த மனுவிற்கு பதிலளிக்க வாக்காளர் கீதாவிற்கு சென்னை உயர்நீதிமன்றம் உத்தரவிட்டுள்ளது. கிருஷ்ணகிரி மாவட்டம், ஊத்தங்கரை தொகுதி தவெக எம்.எல்.ஏ. இளையராஜாவின் வெற்றியை எதிர்த்து தொகுதி வாக்காளர் கீதா சென்னை உயர்நீதிமன்றத்தில் தேர்தல் வழக்கை தாக்கல் செய்திருந்தார். மனு கோரிக்கையில், இளையராஜாவுக்கு பதில் வேறு ஒருவர் பெயர் இடம் பெற்றிருந்ததால், திருத்த மனுவை தாக்கல் செய்ய மனுதாரர் கீதா தரப்புக்கு சென்னை உயர்நீதிமன்றம் உத்தரவிட்டிருந்தது. இந்த மனு, நீதிபதி டி.பரத சக்கரவர்த்தி முன் இன்று மீண்டும் விசாரணைக்கு வந்தபோது, மனுதாரர் தரப்பில், திருத்த மனுவை தாக்கல் செய்து விட்டதாக தெரிவிக்கப்பட்டது. இதற்கிடையில், தனக்கு எதிரான தேர்தல் வழக்கை நிராகரிக்க கோரி ஊத்தங்கரை தவெக எம்.எல்.ஏ இளையராஜா மனுத்தாக்கல் செய்திருந்தார். இந்த  மனுவிற்கு பதிலளிக்கும்படி, மனுதாரர் கீதாவிற்கு உத்தரவிட்ட நீதிபதி,   விசாரணையை ஆகஸ்ட் 4ஆம் தேதிக்கு தள்ளிவைத்தார். இதேபோல திருவண்ணாமலை…