Author: Editor web3

நீட் வினாத்தாள் கசிவை சாதகமாகப் பயன்படுத்திக்கொண்டு சில மாணவர்கள் சிறப்பாக தயாராகி நல்ல மதிப்பெண்களைப் பெற்றனர் என்று மத்திய நிதியமைச்சர் நிர்மலா சீதாராமன் கூறிய கருத்து, எதிர்க்கட்சிகள் மற்றும் CJP தரப்பிலிருந்து கடும் எதிர்ப்பை உருவாக்கியுள்ளது. CJP-யின் போராட்டம் குறித்துப் பேசிய சீதாராமன், “வினாத்தாள் கசிவு நடந்தபோது முதலில் அது எனக்குச் சற்று வருத்தத்தை அளித்தது, ஆனால் பின்னர் நான் அதைச் சாதகமாகப் பயன்படுத்திக்கொண்டு இன்னும் சிறப்பாகத் தயாரானேன், அதனால் எனது செயல்பாடு மேம்பட்டு நான் நன்றாகச் செயல்பட்டேன் என்று கூறும் இளைஞர்கள் உள்ளனர். எனவே, இதை ஒரு சவாலாக ஏற்றுக்கொண்டு, அதை எதிர்கொண்டு, சிறப்பான வெற்றியைப் பெற்ற இளைஞர்களும் இருக்கிறார்கள். இதையெல்லாம் கருத்தில் கொண்டுதான் அரசாங்கமும் பிரதமரும் பதிலளித்து வருகின்றனர்,” என்று கூறினார். இக்கருத்துகள் உடனடியாகவும் கடுமையாகவும் விமர்சிக்கப்பட்டன. இந்தத் தர்க்கத்தின்படி பார்த்தால், நாட்டின் ஒவ்வொரு வினாத்தாளும் கசிவதைத்தான் அனுமதிக்க வேண்டும்” என்று சி.ஜே.பி செய்திதொடர்பாளர் அசுதோஷ் ரான்கா கடுமையாக…

எச். வினோத் இயக்கத்தில் தளபதி விஜய் நடிப்பில் வெளியாகியுள்ள ‘ஜனநாயகன்’ திரைப்படம் உலகளாவிய வசூலில் வலுவான தொடக்கத்தைத் தந்திருந்தாலும், பாக்ஸ் ஆபிஸ் சாதனைகளை முறியடிக்கத் தவறிவிட்டது. இப்படம் உலகளவில் தனது முதல் நாளில் ரூ. 80 கோடிக்கு மேல் வசூலித்து, தமிழ் சினிமாவின் மிகப்பெரிய ஓப்பனிங் படங்களில் ஒன்றாக இடம்பிடித்துள்ளது. இருப்பினும், ரஜினிகாந்தின் ‘கூலி’ படத்தின் சாதனையை முறியடிப்பது உட்பட பல முக்கிய மைல்கற்களை எட்ட இப்படத்தால் முடியாமல் போனது. மமீதா பைஜு, பாபி தியோல் மற்றும் பூஜா ஹெக்டே நடிப்பில் உருவாகியுள்ள இப்படத்தின் இந்தியா கிராஸ் வசூல் ரூ. 50.28 கோடியாகவும், வெளிநாட்டு சந்தை வசூல் ரூ. 30 கோடியாகவும் உள்ளது. இதன் மூலம் உலகளாவிய மொத்த வசூலான ரூ. 80.28 கோடியை எட்டியுள்ள இப்படம், தமிழ் சினிமாவின் மிகப்பெரிய உலகளாவிய முதல் நாள் வசூலில் 9ஆவது இடத்தைப் பிடித்துள்ளது. இப்பட்டியலில் ரஜினிகாந்தின் ‘கூலி’ திரைப்படம் ரூ. 151.7 கோடி…

காமன்வெல்த் விளையாட்டுப் போட்டிகளில் ஆண்களுக்கான ஹெவிவெயிட் பாரா பவர்லிஃப்டிங் பிரிவில் பங்கேற்ற இந்தியாவின் ஜண்டு குமார் வெண்கலப் பதக்கம் வென்று, நாட்டின் பதக்கக் கணக்கைத் தொடங்கி வைத்துள்ளார். நேற்று (வெள்ளிக்கிழமை) இரவு நடைபெற்ற இப்போட்டியில், பி பிரிவில் களமிறங்கிய ஜண்டு குமார், தனது முதல் முயற்சியில் 181 கிலோ எடையையும், இரண்டாவது முயற்சியில் 190 கிலோ எடையையும் வெற்றிகரமாகத் தூக்கினார். இறுதியில் 130.9 புள்ளிகளைப் பெற்ற அவர், மேத்யூ ஹார்டிங் மற்றும் வெற்றி பெற்ற லில்வான் இட்ரிஸ் ஆகியோருக்கு அடுத்தபடியாக மூன்றாவது இடத்தைப் பிடித்தார். பீகார் மாநிலம் நாலந்தா மாவட்டம் ஹர்நௌத் பகுதியில் எளிய குடும்பத்தில் பிறந்த ஜண்டு குமார், சிறுவயது முதலே போலியோ பாதிப்பால் அவதிப்பட்டார். இவரது தந்தை ஒரு காய்கறி வியாபாரி ஆவார். கடும் வறுமை மற்றும் உடல் ரீடியான சவால்களைக் கடந்து, தனது உறுதியினாலும் கடின உழைப்பினாலும் இந்தச் சாதனையைப் படைத்துள்ளார். 2017 ஆம் ஆண்டு பாரா…

சென்னை தியாகராஜன் இந்திய கம்யூனிஸ்ட் கட்சியின் தலைமை அலுவலகமான பாலன் இல்லத்தில் தமிழக கரப்பான் பூச்சி ஜனதா கட்சியினர் தொடர்ந்து 5வது நாளாக நீட் தேர்வு ரத்து மற்றும் கல்வித்துறை அமைச்சர் தர்மேந்திரா பிரதான் பதவி விலக வேண்டும் என்று போராடி வருகின்றனர். இந்த போராட்டத்திற்கு ஆதரவு தெரிவித்து மேடையில் பேசிய இயக்குனர் வெற்றி மாறன், இளைஞர்களின் எழுச்சியும் ஒற்றுமையும் தங்களுக்குப் பெரும் ஊக்கமாக அமைகின்றன என்றும், எந்தவொரு போராட்டமும் மாணவர்களின் கைகளில் எடுக்கப்பட்டால் மட்டுமே அது முழுமையான வெற்றியைப் பெறும் என்றும் குறிப்பிட்டார். மேலும், உங்களது இந்த நியாயமான போராட்டத்திற்கு நாங்களும் முழு பலமாக உங்களோடு நிற்போம் என்றும், நீங்கள் எடுக்கும் முடிவுகளுக்குத் துணை நிற்பதே எங்கள் வேலை என்றும் அவர் உறுதியளித்தார். இந்த மாணவர்கள் போராட்டத்தை வேறு யாரும் தங்கள் சுயநலத்திற்காகத் தனதாக்கிக் கொள்ள அனுமதிக்காதீர்கள் என்றும், மாணவர்களின் போராட்டம் எப்போதும் மாணவர்கள் போராட்டமாகவே தனித்து ஒளிர வேண்டும்…

டெல்லி ஜந்தர் மந்தரில் நீட் தேர்வு முறைகேடுகளைக் கண்டித்துத் தொடர் போராட்டங்கள் நடைபெற்று வரும் சூழலில், பிரதமர் நரேந்திர மோடி நேற்று வெள்ளிக்கிழமை நள்ளிரவில் 2வது முறையாக  வீடியோ வெளியிட்டு இளைஞர்களுக்கு நன்றி தெரிவித்தார். தேர்வுத் தாள் கசிவு வழக்குகளை விரைவு நீதிமன்றங்கள் மூலம் விரைவுபடுத்துவதாக உறுதியளித்திருந்த நிலையில், “மதிப்புமிக்க ஆலோசனைகளை” வழங்கிய அனைத்து “இளைஞர் நண்பர்களுக்கும்” அவர் நன்றி தெரிவித்துள்ளார். இன்ஸ்டாகிராம் பதிவில் பிரதமர் மோடி, “நன்றி நண்பர்களே!  நான் வெளியிட்ட காணொளிக்கு அமோக வரவேற்பு கிடைத்தது. மதிப்புமிக்க ஆலோசனைகளை வழங்கிய அனைவருக்கும் நன்றி. நாம் தொடர்ந்து நேர்மறையான வழியில் இணைந்திருப்போம். அனைவருக்கும் நன்றி” என்று பதிவிட்டுள்ளார். பிரதமர் வியாழக்கிழமை வெளியிட்ட காணொளியைத் தொடர்ந்து, தாள் கசிவு வழக்குகளுக்குக் கடுமையான தண்டனை வழங்கும் வரைவு மசோதாவை மத்திய அமைச்சரவை வெள்ளிக்கிழமை நிறைவேற்றியது. நாடாளுமன்ற வளாகத்தில் பிரதமர் தலைமையில் நடைபெற்ற கூட்டத்தில், 2024 ஆம் ஆண்டின் பொதுத் தேர்வுகள் சட்டத்திற்குப் பதிலாக இந்த…

ரஷ்யா-உக்ரைன் இடையிலான மோதல் நான்கு ஆண்டுகளுக்கும் மேலாகத் தொடரும் நிலையில், கருங்கடல் பகுதியில் வணிகக் கப்பல் மீது நடத்தப்பட்ட தாக்குதலில் இந்திய மாலுமி ஒருவர் உயிரிழந்தார் என்று வெளியுறவு அமைச்சகம் தெரிவித்துள்ளது. ரஷ்ய கடல் எல்லைப் பகுதியில் இருந்த இக்கப்பல், மார்சு தீவுகள் கொடியைக் கொண்ட MV OMORFI என அடையாளம் காணப்பட்டுள்ளது. ரஷ்யாவின் செயின்ட் பீட்டர்ஸ்பர்க் துறைமுகத்திலிருந்து புறப்பட்ட இக்கப்பலில், 3 இந்தியர்கள் உட்பட மொத்தம் 10 பணியாளர்கள் இருந்தனர். இந்தத் தாக்குதலில் உயிரிழந்த இந்திய மாலுமியின் பெயர் வெளியிடப்படவில்லை என்றாலும், அவரது குடும்பத்தினருக்கு அரசு தரப்பில் ஆழ்ந்த இரங்கல் தெரிவிக்கப்பட்டுள்ளது. கப்பலில் இருந்த மற்ற இரண்டு இந்தியர்களும் பாதுகாப்பாக உள்ளனர் என்றும், உயிரிழந்தவரின் குடும்பத்தினருக்குத் தேவையான அனைத்து உதவிகளையும் வழங்குவதற்காக ரஷ்யாவில் உள்ள இந்தியத் தூதரகம் தீவிர முயற்சிகளை மேற்கொண்டு வருகிறது என்றும் வெளியுறவு அமைச்சகம் தெரிவித்துள்ளது. வணிகக் கப்பல்கள் மீதான தாக்குதல்களையும், சர்வதேச கடற்பயண பாதுகாப்பு மற்றும்…

திருப்பத்தூர் மாவட்டம், நாட்றம்பள்ளி அடுத்த சொரக்காயல் நத்தம் ஊராட்சிக்குட்பட்ட கந்தன் நகர் பகுதியில் ஊராட்சி ஒன்றிய தொடக்கப்பள்ளி இயங்கி வருகிறது. இப்பள்ளியில் 1 முதல் 5 ஆம் வகுப்பு வரை 21 மாணவர்கள் கல்வி பயின்று வரும் நிலையில், இரண்டு ஆசிரியர்கள் பணிபுரிந்து வருகின்றனர். கடந்த 1988 ஆம் ஆண்டு கட்டப்பட்ட இந்த பள்ளி கட்டிடம், கடந்த 2023 ஆம் ஆண்டில் பெயிண்ட் அடிக்கப்பட்டு புதுப்பிக்கப்பட்டது. இருப்பினும், தற்போது வகுப்பறை சுவர்களில் ஆங்காங்கே சிமெண்ட் பூச்சுகள் பெயர்ந்து விழுந்து மிகவும் ஆபத்தான நிலையில் காணப்படுகிறது. இதனால் மாணவர்களின் பாதுகாப்பைக் கருதி, அருகில் உள்ள ஒரு  வீட்டில் அமர்ந்து அவர்கள் கல்வி கற்று வருகின்றனர். கலைத்திருவிழா உள்ளிட்ட பல்வேறு போட்டிகளில் கலந்துகொண்டு பல பரிசுகளை வென்றுள்ள திறமையான இந்த மாணவர்கள், தொடர்ந்து வீடுகளில் படித்து வருவது பெற்றோரிடையே கவலையை ஏற்படுத்தியுள்ளது. எனவே, சம்பந்தப்பட்ட கல்வித்துறை அதிகாரிகள் உடனடியாகத் தலையிட்டு, பழுதடைந்த பள்ளி கட்டிடத்தைச்…

திண்டுக்கல் மாவட்டம் கொடைக்கானல் பி.டி. ரோடு அரசு மருத்துவமனையில், பாதுகாப்புப் பணியில் இருக்க வேண்டிய காவலரே மதுபோதையில் அத்துமீறி நுழைந்து ரகளையில் ஈடுபட்ட சம்பவம் அதிர்ச்சியை ஏற்படுத்தியுள்ளது. நேற்று இரவு மருத்துவமனைக்கு வந்த தங்கப்பாண்டி என்ற காவலர், அவசர சிகிச்சை பிரிவில் பணியில் இருந்த செவிலியர்களிடம் முறையற்ற விதத்தில் நடந்து கொண்டுள்ளார். போதை வெறியில் வாக்குவாதத்தில் ஈடுபட்ட அவர், அங்கிருந்த மேஜை, கட்டில் மற்றும் கணினிகள் உள்ளிட்ட மருத்துவமனைப் பொருட்களை அடித்து நொறுக்கிச் சூறையாடியுள்ளார். இதைக் கண்டு அதிர்ச்சியடைந்த செவிலியர்கள், உயிரைக் காப்பாற்றிக் கொள்ள  அறைக்குள் சென்று கதவை மூடிக்கொண்டனர். பின்னர் தகவலறிந்து வந்த சக காவலர்கள், தங்கப்பாண்டியை முறையாக விசாரிக்காமல் அலட்சியமாக அழைத்துச் சென்றது மருத்துவமனை ஊழியர்கள் மத்தியில் கடும் கொந்தளிப்பை ஏற்படுத்தியுள்ளது. இந்தச் சம்பவத்தின் சிசிடிவி காட்சிகள் தற்போது வெளியாகி பெரும் பரபரப்பை ஏற்படுத்தியுள்ள நிலையில், அரசு மருத்துவமனையிலேயே மருத்துவர்களும் செவிலியர்களும் பாதுகாப்பற்ற சூழலில் பணிபுரிய வேண்டிய நிலை…

சென்னை நுங்கம்பாக்கத்தில் நீட் தேர்வுக்கு எதிரான போராட்டங்கள் தீவிரமடைந்துள்ளன. லயோலா கல்லூரி வளாகத்தில் அனுமதியின்றி உள்ளிருப்பு போராட்டத்தில் ஈடுபட்ட 500-க்கும் மேற்பட்ட மாணவர்கள் பேரணியாகச் சென்று ஆர்ப்பாட்டம் நடத்தினர். முன்னதாக காலை 8.30 மணிக்கு கல்லூரியின் நுழைவாயிலில் ஆர்ப்பாட்டம் நடைபெறும் என அறிவித்திருந்த நிலையில் அதற்கு கல்லூரி நிர்வாகம் அனுமதி மறுத்ததாக கூறப்படுகிறது. இந்த நிலையில் கல்லூரியில் வளாகத்திற்கு உள்ளாகவே 500க்கும் மேற்பட்ட மாணவர்கள் பேரணியாக சென்று ஆர்ப்பாட்டம் நடத்தியுள்ளனர். இதேபோல், டெல்லியில் போராடும் மாணவர்களுக்கு ஆதரவு தெரிவித்தும், மத்திய கல்வித்துறை அமைச்சர் தர்மேந்திர பிரதான் பதவி விலகக் கோரியும் மே 17 இயக்கம் சார்பில் நுங்கம்பாக்கம் சாஸ்திரி பவன் முற்றுகையிடப்பட்டது. திருமுருகன் காந்தி தலைமையில் நடைபெற்ற இந்தப் போராட்டத்தில், காவல்துறையினர் அனுமதி மறுத்ததையடுத்து ஒதுக்கப்பட்ட இடத்தில் ஆர்ப்பாட்டம் நடைபெற்றது. இதன்பிறகு செய்தியாளர்களைச் சந்தித்த திருமுருகன் காந்தி, நீட் தேர்வை ரத்து செய்யக் கோரி நாடு முழுவதும் மாணவர்கள் தொடர் போராட்டத்தில்…

தமிழ்நாட்டில் எம்பிபிஎஸ் மற்றும் பிடிஎஸ் மருத்துவப் படிப்புகளுக்கான ஆன்லைன் விண்ணப்பப் பதிவு நேற்றுடன் நிறைவடைந்த நிலையில், நடப்பாண்டில் மொத்தம் 70,485 பேர் விண்ணப்பித்துள்ளதாக மருத்துவக் கல்வி இயக்குநரகம் தெரிவித்துள்ளது. கடந்த ஜூன் 29-ம் தேதி தொடங்கிய இந்த விண்ணப்பப் பதிவு, நீட் தேர்வு முடிவுகள் வெளியானதை அடுத்து வழங்கப்பட்ட கால அவகாசத்துடன் சேர்த்து நேற்று (ஜூலை 23) மாலை 5 மணியுடன் முடிவுக்கு வந்தது. இதன் விபரப்படி, அரசு ஒதுக்கீட்டு இடங்களுக்கு 40,760 விண்ணப்பங்களும், நிர்வாக ஒதுக்கீட்டு இடங்களுக்கு 29,725 விண்ணப்பங்களும் பெறப்பட்டுள்ளன. கடந்த ஆண்டு 72,743 பேர் விண்ணப்பித்திருந்த நிலையில், இந்த ஆண்டு விண்ணப்பங்களின் எண்ணிக்கை சற்று குறைந்துள்ளது. தற்போது பெறப்பட்டுள்ள அனைத்து விண்ணப்பங்களிலும் பதிவேற்றம் செய்யப்பட்டுள்ள சான்றிதழ்கள் மற்றும் விவரங்களை சரிபார்க்கும் பணி தீவிரமாக நடைபெற்று வருகிறது. மேலும், தேசிய தேர்வு முகமையிடமிருந்து மாணவர்களின் அதிகாரப்பூர்வ நீட் மதிப்பெண் விவரங்களைப் பெற்ற பிறகு, தகுதியான மாணவர்களுக்கான இறுதித் தரவரிசைப்…