Author: Editor web3

தூத்துக்குடியில் விசாரணைக்கு அழைத்துச்செல்லப்பட்ட நிலையில் காவலர்கள் தாக்கியதால் இளைஞர் அருணாச்சலம் உயிரிழந்ததாக கூறப்படும் நிலையில், உடற்கூறாய்வு நிறைவுபெற்று உடல் உறவினர்களிடம் ஒப்படைக்கப்பட்டது. தூத்துக்குடி அமுதா நகர் பகுதியைச் சேர்ந்த அருணாச்சலம் என்பவர் சட்டவிரோதமாக மதுபானம் விற்பனை செய்ததாக கூறப்படும் வழக்கில் கடந்த 17ஆம் தேதி காவல்துறையினரால் கைது செய்யப்பட்டார். பின்னர் அவர் விசாரணைக்காக தென்பாகம் காவல் நிலையத்திற்கு அழைத்துச் செல்லப்பட்டார். காவல் நிலையத்தில் விசாரணை முடிந்ததை தொடர்ந்து, அவரை நீதிமன்றத்தில் ஆஜர்படுத்துவதற்கான நடவடிக்கைகள் மேற்கொள்ளப்பட்டு வந்ததாக காவல்துறை தரப்பில் தெரிவிக்கப்பட்டது. அந்த நேரத்தில் அருணாச்சலத்திற்கு திடீரென வலிப்பு ஏற்பட்டதாகவும், இதனால் அவர் நிலைதடுமாறி கீழே விழுந்ததில் தலையில் பலத்த காயம் ஏற்பட்டதாகவும் கூறப்பட்டது. உடனடியாக அவரை மீட்டு தூத்துக்குடி அரசு மருத்துவக் கல்லூரி மருத்துவமனைக்கு சிகிச்சைக்காக கொண்டு சென்றனர். மருத்துவமனையில் தீவிர சிகிச்சை அளிக்கப்பட்டு வந்த நிலையில், சிகிச்சை பலனின்றி நேற்று காலை அருணாச்சலம் உயிரிழந்தார். அவரது மரணம் குறித்து தகவல்…

நீட் விவகாரம் தொடர்பாக மாணவர்கள் போராட்டம் நடத்திவரும் நிலையில், பிரதமர் நரேந்திர மோடி நள்ளிரவில் வெளியிட்டுள்ள திடீர் வீடியோ சமூக வலைதளங்களில் பெரும் விவாதத்தையும், வரலாற்றுச் சாதனையும் படைத்துள்ளது. நீட் தேர்வில் ஏற்பட்டுள்ள முறைகேடுகள் மற்றும் மாணவர்களின் தொடர் போராட்டங்கள் உச்சக்கட்டத்தை எட்டியுள்ள நிலையில், இதுகுறித்து அவர் வெளியிட்ட இந்த அதிரடித் தகவல் நாடு முழுவதும் உள்ள மாணவர்களையும் பெற்றோர்களையும் உன்னிப்பாக கவனிக்க வைத்துள்ளது. நீட் விவகாரத்தில் எந்தவித சமரசத்திற்கும் இடமில்லை என்றும், தவறு செய்தவர்கள் மீது மிகக்கடும் நடவடிக்கை எடுக்கப்படும் என்றும் பிரதமர் மோடி அந்த வீடியோவில் திட்டவட்டமாக எச்சரித்துள்ளார். மாணவர்களின் எதிர்காலத்துடன் விளையாடுபவர்கள் எங்கு இருந்தாலும் தப்பிக்க முடியாது என்றும், உரிய விசாரணை நடத்தி கடுமையான தண்டனை உறுதி செய்யப்படும் என்றும் அவர் உறுதி அளித்துள்ளார். இந்த வீடியோ இன்ஸ்டாகிராம் தளத்தில் மட்டும் இதுவரை கிட்டத்தட்ட 134 மில்லியன் பார்வைகளைக் கடந்து புதிய சாதனையைப் படைத்துள்ளதுடன், எக்ஸ் தளத்தில்…

கடந்த 1956ஆம் ஆண்டு நவம்பர் மாதம் தமிழ்நாட்டில் நிகழ்ந்த கோரமான அரியலூர் ரயில் விபத்தில் 140-க்கும் மேற்பட்ட பயணிகள் பரிதாபமாக உயிரிழந்தனர். இந்த விபத்து நாட்டையே உலுக்கிய நிலையில், அதற்கு நேரடியாக  தான் காரணம் இல்லாவிட்டாலும், தார்மீகப் பொறுப்பேற்று அன்றைய ரயில்வே துறை அமைச்சரான லால் பகதூர் சாஸ்திரி தனது பதவியை ராஜினாமா செய்தார். சொந்த விருப்பத்தின் பேரிலும், மனசாட்சியின் உந்துதலின் பேரிலும் அவர் எடுத்த இந்த அதிரடி முடிவு இந்திய அரசியல் வரலாற்றில் ஒரு புதிய முன்னுதாரணத்தை ஏற்படுத்தியது. அப்போது சாஸ்திரியைப் பதவி விலகும்படி எந்தவொரு ஊடகமோ அல்லது எதிர்க்கட்சிகளோ தீவிரமான நெருக்கடிகளைக் கொடுக்கவில்லை. அப்போதைய பிரதமர் ஜவஹர்லால் நேரு கூட அவரைப் பதவி விலகுமாறு வற்புறுத்தவில்லை. இருப்பினும், பொதுமக்கள் மற்றும் நாட்டின் நலனுக்காகத் தாமே முன்வந்து பொறுப்பேற்பது அவசியம் என்பதில் அவர் உறுதியாக இருந்தார். அவரது முதல்கட்ட ராஜினாமா கடிதத்தை பிரதமர் நேரு ஏற்க மறுத்தபோதிலும், அரியலூர் விபத்தின்…

வினாத்தாள் கசிவு விவகாரத்தில் மாணவர்களின் போராட்டத்திற்கு ஆதரவு தெரிவித்துள்ள பாலிவுட் நடிகர் சல்மான் கான், பிரதமர் உறுதி அளித்துள்ளதால் மாணவர்கள் அனைவரும் வீடுகளுக்கு திரும்புமாறு கேட்டுக்கொண்டுள்ளார். “சோனம், போதும் நண்பா, இதை மேலும் நீட்டிக்க வேண்டாம்; உணவு அருந்துங்கள், தேவைப்பட்டால் எனது வீட்டிலிருந்தே உணவு அனுப்பி வைக்கிறேன்” என்று சல்மான் கான் தனது எக்ஸ் பதிவில் குறிப்பிட்டுள்ளார். இருப்பினும், மத்திய அமைச்சர்கள் நேரில் சந்தித்து பேசியதையடுத்து, சோனம் வாங்சுக் தனது உண்ணாவிரத போராட்டத்தை முடித்துக்கொண்டார் என்பது குறிப்பிடத்தக்கது. இந்த விவகாரத்தில் மாணவர்களின் போராட்டம் அரசியல் கட்சிகளால் திசைதிருப்பப்படக் கூடாது என்றும், இந்த வெற்றி மாணவர்களுக்கே சேர வேண்டும் என்றும் சல்மான் கான் குறிப்பிட்டுள்ளார். இவரைத் தவிர கரீனா கபூர், மம்மூட்டி உள்ளிட்ட பல பிரபலங்களும் மாணவர்களின் போராட்டத்திற்குத் தொடர்ந்து தங்களது ஆதரவைத் தெரிவித்து வருவது குறிப்பிடத்தக்கது.

கூட்டுறவுத்துறை தொடர்பான கோரிக்கைகளுக்கு எவ்வித தாமதமும் இன்றி உடனுக்குடன் தீர்வு காணும் வகையில் புதிய மற்றும் முறையான வழிகாட்டு நெறிமுறைகள் வெளியிடப்பட்டுள்ளன. இதன் ஒரு பகுதியாக, ஒவ்வொரு மாதத்தின் முதல் வெள்ளிக்கிழமையன்று வட்டார அளவில் கூட்டுறவு சார் பதிவாளர்களும் கள அலுவலர்களும் பொதுமக்களிடமிருந்து கோரிக்கை மனுக்களைப் பெற்று, அவற்றின் மீது தகுதியின் அடிப்படையில் உரிய தீர்வுகளை வழங்க வேண்டும். அதேபோல், முதல் கட்டமாக வட்டார அளவில் தீர்க்க முடியாத மனுக்கள் மற்றும் துணைப்பதிவாளர்களால் நேரடியாகப் பெறப்படும் மனுக்கள் மீதான பரிசீலனை மற்றும் தீர்வு நடவடிக்கைகள் மாதத்தின் இரண்டாவது வெள்ளிக்கிழமையன்று மேற்கொள்ளப்படும். இந்த இரு நிலைகளிலும் தீர்வு காணப்படாத கோரிக்கைகள் மற்றும் மண்டல இணைப்பதிவாளர்களின் நேரடிப் பார்வையில் பெறப்படும் மனுக்கள் மீது, மாதத்தின் மூன்றாவது வெள்ளிக்கிழமையன்று மண்டல இணைப்பதிவாளர்கள் தகுந்த நடவடிக்கை எடுத்துத் தீர்வு காண்பர். இவ்வாறு பெறப்பட்டு, பல்வேறு கட்டங்களாக உடனுக்குடன் தீர்வு காணப்பட்ட கோரிக்கை மனுக்கள் குறித்த முழு விவரங்களையும்…

மாணவர்கள் நடத்தி வரும் தொடர் போராட்டங்களை அவமதிக்கும் வகையில் பிரதமர் நரேந்திர மோடி நள்ளிரவில் வீடியோ வெளியிட்டுள்ளதாக கூறி, காங்கிரஸ் மூத்த தலைவர் ராகுல் காந்தி கடுமையான கண்டனங்களைப் பதிவு செய்துள்ளார். தேர்வு வினாத்தாள் கசிவு மற்றும் முறைகேடுகளுக்கு எதிராக நாடு முழுவதும் மாணவர்கள் தீவிரப் போராட்டத்தில் ஈடுபட்டு வரும் நிலையில், பிரதமரின் இந்தச் செயல் மாணவர்களின் கோரிக்கைகளைப் திசைதிருப்பும் வகையில் உள்ளதாக அவர் விமர்சித்துள்ளார். சமூக வலைதளம் மூலம் பிரதமர் மோடி நேற்று இரவு வெளியிட்ட வீடியோவை சுட்டிக்காட்டி தனது எக்ஸ் தளத்தில் பதிவிட்டுள்ள ராகுல் காந்தி, மாணவர்கள் தற்பொழுது எதை எதிர்பார்க்கிறார்கள், மத்திய கல்வி அமைச்சர் தர்மேந்திர பிரதானின் ராஜினாவை மட்டுமே மாணவர்கள் பிரதான கோரிக்கையாக முன்வைத்துள்ளனர் என்றும், இந்தச் சூழலில் நள்ளிரவு நேரத்து வீடியோக்கள் மூலம் மாணவர்களின் புத்திசாலித்தனத்தை அவமதிக்க வேண்டாம் என்றும் அவர் அதில் குறிப்பிட்டுள்ளார். மேலும், போராட்டத்தில் ஈடுபடும் மாணவர்கள் மீது வன்முறையை ஏவியவர்கள் மீது…

தமிழக முதல்வர் மற்றும் நடிகருமான விஜய்யின் திரையுலகப் பயணத்தில் கடைசித் திரைப்படமான  ‘ஜனநாயகன்’, உலகம் முழுவதும் நேற்று ஜூலை 23 ம் தேதி மிக பிரம்மாண்டமாகத் திரைக்கு வந்தது. ஹெச். வினோத் இயக்கத்தில், கேவிஎன் புரொடக்ஷன்ஸ் தயாரித்துள்ள இத்திரைப்படம் வெளியானதையடுத்து, தமிழகம் முழுவதும் விஜய் ரசிகர்கள் திருவிழா போன்ற பிரம்மாண்டமான கொண்டாட்டத்தில் ஈடுபட்டு வருகின்றனர். பெரும் வரவேற்பைப் பெற்றுள்ள இப்படம், முதல் நாளிலேயே பாக்ஸ் ஆபிஸில் மிகப்பெரிய வசூல் வேட்டையை நிகழ்த்தியிருப்பதாக சினிமா வட்டாரங்கள் தெரிவித்துள்ளன. உலகளவில் இப்படம் முதல் நாளில் மட்டும் தோராயமாக ரூ.78.27 கோடி வசூலைக் குவித்துள்ளதாக அதிகாரப்பூர்வமற்ற தகவல்கள் வெளியாகியுள்ளன. இந்தியாவில் மட்டும் இப்படம் சுமார் ரூ.48.27 கோடி கிராஸ் வசூலையும் (சுமார் ரூ.41 கோடி நெட் வசூல்), வெளிநாடுகளில் சுமார் ரூ.30 கோடி வரையிலும் வசூலித்துள்ளதாகத் தெரிகிறது. குறிப்பாக தமிழ்நாட்டில் மட்டும் இப்படம் சுமார் ரூ.24 கோடி வரை வசூலித்து சாதனை படைத்துள்ளது. மேலும், சென்னை…

இத்தாலி பிரதமர் ஜார்ஜியா மெலோனியின் அதிகாரப்பூர்வ இன்ஸ்டாகிராம் பதிவுகளில், காகரோச் ஜனதா கட்சி ஆதரவாளர்கள் எனக் கூறிக் கொள்ளும் சிலர் பதிவிட்டுள்ள கமெண்ட்கள் தற்போது இணையத்தில் பெரும் வைரலாகி வருகின்றன. மாணவர்களின் பிரச்சினைகளைக் கேட்கும்படி அவரது காதலனிடம் கூறுங்கள் (Oi tell your boyfriend to listen to students) என்ற வாசகத்துடன் அவர்கள் பதிவிட்டுள்ள கமெண்ட்கள் சமூக வலைதளங்களில் பலத்த விவாதத்தை ஏற்படுத்தியுள்ளன. இந்த விவகாரம் குறித்து நெட்டிசன்கள் பலரும் தங்களது மாறுபட்ட கருத்துகளைப் பதிவிட்டு வருகின்றனர். உள்நாட்டு மாணவர் போராட்டத்திற்கும் வெளிநாட்டுத் தலைவர்களுக்கும் எந்தத் தொடர்பும் இல்லாத நிலையில், உலகத் தலைவர்களின் சமூக வலைதளப் பக்கங்களில் போய் இதுபோன்று கருத்து பதிவிடுவது உலக அரங்கில் இந்தியாவுக்கு அவப்பெயரை ஏற்படுத்தும் என ஒரு தரப்பினர் கடுமையாக விமர்சித்து வருகின்றனர். அதேசமயம், சமூக வலைதளங்களில் மற்றொரு தரப்பினர் இதைப் பார்த்து நகைச்சுவையாகவும், மீம்ஸ்களாகவும் பகிர்ந்து விவாதித்து வருகின்றனர். இந்தியப் பிரதமர் நரேந்திர…

2026 காமன்வெல்த் போட்டிகளை நடத்துவதாக இருந்த ஆஸ்திரேலியாவின் விக்டோரியா மாகாணம், செலவு அதிகரித்ததை காரணம் காட்டி கடந்த 2023-ஆம் ஆண்டு விலகிக் கொண்டது. இதனையடுத்து, போட்டிகளை நடத்த முன்வந்த ஸ்காட்லாந்தின் கிளாஸ்கோ (Glasgow) நகருக்கு வெறும் மூன்று ஆண்டுகள் மட்டுமே அவகாசம் இருந்ததால், முழு அளவிலான போட்டிகளை நடத்துவது சாத்தியமில்லாமல் போனது. புதிதாக விளையாட்டு கிராமம் மற்றும் உள்கட்டமைப்புகளை உருவாக்குவதைத் தவிர்க்க கிளாஸ்கோ நிர்வாகம் முடிவு செய்தது. ஏற்கனவே உள்ள நான்கு அரங்குகள் மற்றும் விடுதிகளை மட்டுமே பயன்படுத்திப் போட்டிகளைச் சுருக்கமான முறையில் நடத்தத் திட்டமிட்டதால், விளையாட்டுகளின் எண்ணிக்கை 19-ல் இருந்து 10 ஆகக் குறைக்கப்பட்டது. இந்த அதிரடி மாற்றத்தால் பேட்மிண்டன், கிரிக்கெட், ஹாக்கி, ஸ்குவாஷ், மேஜை டென்னிஸ், மல்யுத்தம் உள்ளிட்ட பல முக்கிய விளையாட்டுகள் நீக்கப்பட்டுள்ளன. கடந்த பர்மிங்காம் போட்டிகளில் இந்தியா வென்ற மொத்தப் பதக்கங்களில் பாதியளவு இந்த விளையாட்டுகளின் மூலமாகவே கிடைத்தது குறிப்பிடத்தக்கது. இந்த விளையாட்டுகள் நீக்கப்பட்டதன் காரணமாக,…

ஜந்தர் மந்தரில் மாணவர்களின் போராட்டம் தீவிரமடைந்து வரும் நிலையில், போராட்டத்தை வேண்டுமென்றே சீர்குலைக்க வெளியில் இருந்து ஆட்கள் அனுப்பப்படுவதாக காகரோச் ஜனதா கட்சி தலைவர் அபிஜித் திப்கே குற்றம்சாட்டியுள்ளார். மேலும், போராட்டக்காரர்களின் பெயரைக் கெடுக்கும் வகையில் பாரதிய ஜனதா கட்சி தொழிலாளர்கள் கல்வீச்சுத் தாக்குதல்களில் ஈடுபடுவதாகவும் அவர் குற்றம்சாட்டியுள்ளார். இதுகுறித்து அவர் செய்தியாளர்களிடம் பேசுகையில், “எந்தவிதப் பிரச்சினையும் இன்றி கடந்த ஒரு மாதமாக இந்தப் போராட்டம் அமைதியாக நடந்து வருகிறது. ஆனால், போராட்டம் தீவிரம் அடைந்தவுடன், நிலைமையை மாற்ற பாஜக தரப்பிலிருந்து வெளியில் இருந்து குண்டர்கள் அனுப்பப்படுகிறார்கள்” என்று தெரிவித்தார். தொடர்ந்து பேசிய அவர், “போராட்டத்தை வேண்டுமென்றே சீர்குலைக்கவே வெளியாட்கள் அனுப்பப்படுகின்றனர். பாஜகவினர்தான் இங்கு வந்து கற்களை வீசுகிறார்கள். காவல்துறையினர் லாரிகளில் கற்களைக் கொண்டு வந்து இறக்குகிறார்கள். பாஜக குண்டர்கள் வந்து கற்களை வீசிவிட்டு, CJP மீது பழிசுமத்துகிறார்கள்” என்றார். போராட்டத்தின் போது காவல்துறையினர் நடத்திய தடியடி மிகவும் கொடூரமானது எனக்…