Author: Editor web3

ஐசிசி வெளியிட்டுள்ள புதிய ஒருநாள் கிரிக்கெட் வீரர்களின் தரவரிசைப் பட்டியலில் பல முக்கிய மாற்றங்கள் நிகழ்ந்துள்ளன. இங்கிலாந்துக்கு எதிரான ஒருநாள் தொடரில் சிறப்பாக விளையாடிய இந்திய மற்றும் இங்கிலாந்து வீரர்கள் தரவரிசையில் குறிப்பிடத்தக்க முன்னேற்றம் கண்டுள்ளனர். இந்தியாவுக்கு எதிரான ஒருநாள் தொடரில் தொடர்ந்து சிறப்பாகச் செயல்பட்டு, ஆட்டமிழக்காமல் 76, 99 மற்றும் 74 ரன்களைக் குவித்த இங்கிலாந்து அணியின் நட்சத்திர வீரர் ஜோ ரூட், 4 இடங்கள் முன்னேறி 8-வது இடத்தைப் பிடித்துள்ளார். இதன் மூலம், கடந்த 5 ஆண்டுகளுக்குப் பிறகு (2020-க்குப் பின்) அவர் முதல் முறையாக மீண்டும் டாப் 10 பேட்டர்களின் பட்டியலுக்குள் நுழைந்துள்ளார். லார்ட்ஸ் மைதானத்தில் நடைபெற்ற போட்டியில் அபாரமாக விளையாடி 138 ரன்கள் குவித்த இந்திய அணியின் மூத்த வீரர் ரோகித் சர்மா, தரவரிசையில் முன்னேறி விராட் கோலிக்கு மிக அருகில் வந்துள்ளார். தற்போது இவர்களுக்கு இடையே வெறும் 9 புள்ளிகள் மட்டுமே வித்தியாசம் உள்ளது.…

சிவகங்கை மாவட்டம், காரைக்குடி அருகே உள்ள வேலங்குடி கிராமத்தில் ரேஷன் அரிசி பதுக்கி வைக்கப்பட்டிருந்த சம்பவம் பெரும் பரபரப்பை ஏற்படுத்தியுள்ளது. வேலங்குடி கிராமம் கணபதி அம்பலம் தெருவைச் சேர்ந்தவர் பாண்டி முருகன். இவரது மனைவி கோமதியும், அப்பகுதியில் உள்ள ரேஷன் கடை விற்பனையாளரான கவிதாவும் நெருங்கிய தோழிகள் ஆவர். இந்த நட்பைப் பயன்படுத்தி, கவிதா தனது கடைக்கு வர வேண்டிய பொதுமக்களுக்கான ரேஷன் பொருட்களை நேரடியாக லாரி மூலம் கொண்டுவந்து கோமதியின் வீட்டில் இறக்கி வந்துள்ளார். இதுகுறித்து இரகசியத் தகவல் கிடைத்ததை அடுத்து, பள்ளத்தூர் காவல்துறையினர் கோமதியின் வீட்டில் அதிரடியாகச் சோதனை நடத்தினர். அப்போது, தலா 50 கிலோ எடை கொண்ட 48 மூட்டைகளில் மொத்தம் 2,400 கிலோ ரேஷன் அரிசி பதுக்கி வைக்கப்பட்டுள்ளது கண்டறியப்பட்டது. இதையடுத்து, அந்த அரிசி மூடைகள் அனைத்தையும் பறிமுதல் செய்த காவல்துறையினர், பள்ளத்தூர் காவல் நிலையத்திற்கு எடுத்துச் சென்றனர். மேலும், அரிசியைப் பதுக்கி வைத்திருந்த கோமதியைக்…

நீட் வினாத்தாள் கசிவு சர்ச்சை தொடர்பாக அவையில் அரசு மற்றும் காங்கிரஸ் கட்சிகளுக்குப் பேச அனுமதி வழங்கப்பட்ட நிலையில், தனது கட்சிக்கு மட்டும் சபாநாயகர் ஓம் பிர்லா வாய்ப்பு மறுத்துவிட்டதாகச் சமாஜ்வாதி கட்சித் தலைவர் அகிலேஷ் யாதவ் கடும் கண்டனம் தெரிவித்துள்ளார். நீட் தேர்வு முறைகேடுகள் மற்றும் மாணவர்கள் மீதான காவல்துறை நடவடிக்கைகளுக்கு எதிரான தொடர் அமளிகளுக்குப் பின் மக்களவை மீண்டும் கூடியபோது, எதிர்க்கட்சிகளைச் சமமாக நடத்தவில்லை என்று கூறி அகிலேஷ் யாதவ் தனது அதிருப்தியை வெளிப்படுத்தினார். அரசு மற்றும் காங்கிரஸ் கட்சிகளைப் பேச அனுமதித்த சபாநாயகர், எங்களை ஏன் பேச அனுமதிக்கவில்லை? நீங்கள் அவர்களுடன் ஏதேனும் உடன்பாட்டிற்கு வந்துள்ளீர்களா? நாங்கள் ஒரு நிமிடம் மட்டுமே கேட்டோம், அது ஏன் மறுக்கப்பட்டது என்று அவர் கேள்வி எழுப்பினார். மேலும், “இது காங்கிரஸ், சமாஜ்வாதி கட்சி அல்லது பாஜக தொடர்பான பிரச்சினை அல்ல. இது இளைஞர்கள் மற்றும் மாணவர்கள் தொடர்பான பிரச்சினை” என்றும்…

நீட் தேர்வுக்கு எதிராக டெல்லியில் முழங்கும் இளைஞர்களின் குரல் நாடு முழுவதும் எதிரொலித்து வருகிறது. இந்த தருணம், கடந்த 2017-ஆம் ஆண்டு தமிழகத்தில் நடைபெற்ற வரலாற்றுச் சிறப்புமிக்க மெரினா ஜல்லிக்கட்டுப் போராட்டத்தை நினைவூட்டுகிறது. மெரினாவின் எழுச்சியும்… வெற்றியும்: தமிழர்களின் பாரம்பரிய விளையாட்டான ஜல்லிக்கட்டுக்குத் தடை விதிக்கப்பட்டபோது, எந்த ஒரு அரசியல் கட்சியும் முன்னின்று நடத்தாத, முற்றிலும் மாணவர்களும் இளைஞர்களும் சுயேச்சையாகத் திரண்ட எழுச்சிப் போராட்டம்தான் மெரினா புரட்சி. எந்தத் தலைவரின் வழிகாட்டுதலும் இன்றி, வாட்ஸ்அப் மற்றும் முகநூல் வாயிலாகக் கோடிக்கணக்கான இளைஞர்கள் மெரினா கடற்கரையில் தடையை மீறித் திரண்டனர். எந்தவிதமான வன்முறையும் இன்றி, அமைதியான முறையில் லட்சக்கணக்கில் கூடிப் போராடிய அந்த இளம்படையின் ஒற்றுமை ஒட்டுமொத்த உலகத்தையும் திரும்பிப் பார்க்க வைத்தது. பொதுமக்களும் உணவு, தண்ணீர் வழங்கிக் கைகொடுக்க, அரசுப் படைகளும் செய்வதறியாது திணறின. இறுதியில், இளைஞர்களின் அந்த அசைக்க முடியாத தன்னெழுச்சிக்கு மத்திய-மாநில அரசுகள் பணிந்தன; தடை நீக்கப்பட்டு ஜல்லிக்கட்டு…

போராட்டக்காரர்களின் கோரிக்கைகளை மத்திய அரசு நிறைவேற்றத் தவறினால், மாபெரும் போராட்டம் நடத்த லட்சக்கணக்கான இளைஞர்கள் டெல்லியை நோக்கி வருவார்கள் என்று கரப்பான்பூச்சி ஜனதா கட்சியின் (CJP) தேசிய செய்தித் தொடர்பாளர் அஷுதோஷ் ரங்கா கடுமையாக எச்சரித்துள்ளார். மேலும், கடந்த ஜூலை 20 அன்று நடைபெற்ற போராட்டம் வெறும் ‘டிரெய்லர்’ மட்டுமே என்றும் அவர் குறிப்பிட்டுள்ளார். இதுதொடர்பாக அவர் அளித்த பேட்டியில், இந்தியாவின் சுதந்திரத்திற்குப் பிந்தைய வரலாற்றிலேயே இதுவே மிகப்பெரிய இயக்கம் என்று வர்ணித்த ரங்கா, கோரிக்கைகளை அரசு ஏற்காவிட்டால் இன்னும் லட்சக்கணக்கான மக்கள் டெல்லிக்கு வருவார்கள் என்றும், இந்த முறை பின்வாங்கி அமைதியாக இருக்க மாட்டோம் என்றும் எச்சரித்தார். போராட்டக்காரர்கள் அமைதியற்றவர்கள் என்ற குற்றச்சாட்டை மறுத்த அவர், ஜூலை 20 பேரணி முற்றிலும் அமைதியான முறையில்தான் நடைபெற்றது என்றும், காவல்துறை மிருகத்தனமாக நடந்து கொண்டு மாணவர்களைத் தாக்கிய பின்னரே அங்கு மோதல் போக்கு உருவானது என்றும் குற்றம் சாட்டினார். காந்தி மற்றும்…

டெல்லி ஜந்தர் மந்தரில் மாணவர்கள் மீது நடத்தப்பட்டதாகக் கூறப்படும் “காவல்துறை வன்முறையை” எதிர்த்துத் தாக்கல் செய்யப்பட்ட மனுவை அவசரமாக விசாரிக்கக் கோரிய கோரிக்கையை, “காணொளிகளைப் பார்க்க எங்களுக்கு நேரமில்லை” என்று கூறி உச்ச நீதிமன்ற தலைமை நீதிபதி சூர்யகாந்த் நிராகரித்துள்ளது பெரும் சர்ச்சையை ஏற்படுத்தியுள்ளது. உச்சநீதிமன்ற தலைமை நீதிபதி சூர்ய காந்த் தலைமையிலான, நீதிபதிகள் ஜாய்மால்யா பாக்சி மற்றும் வி. மோகனா ஆகியோரையும் கொண்ட அமர்வின் முன்பு இந்த விவகாரம் தொடர்பான மனு அளிக்கப்பட்டது. அதாவது, வழக்கை அவசரமாக பட்டியலிடக் கோரிய மனுதாரரின் வழக்கறிஞர், திங்கள்கிழமை நடந்த போராட்டத்தின்போது மாணவர்கள் மீது காவல்துறை வன்முறை நடத்தியதாகவும், அந்த மனுவில் மூன்று முக்கியக் கோரிக்கைகள் அடங்கியுள்ளதாகவும் நீதிமன்றத்தில் தெரிவித்தார். மேலும், “காவல்துறை வன்முறை தொடர்பான காணொளிகளும் என்னிடம் உள்ளன… நாளை விசாரணைக்குப் பட்டியலிட முடிந்தால் நன்றாக இருக்கும், அங்கு மாணவர்கள் இருக்கிறார்கள்” என்றும் வாதிட்டார். இதைக் கேட்ட தலைமை நீதிபதி, “எங்களுக்கு அந்த…

நீட் தேர்வு வினாத்தாள் கசிவு மற்றும் கல்வி சீர்திருத்தங்களுக்கு எதிராக ‘கரப்பான்பூச்சி ஜனதா கட்சி’ (CJP) தலைமையில் நடைபெற்று வரும் மாணவர் போராட்டங்கள் குறித்து நடிகை கத்ரீனா கைஃப் மௌனம் காத்து வருவதால், சமூக வலைதளங்களில் புதிய சர்ச்சை வெடிந்துள்ளது. இந்த விவகாரத்தில் நடிகை கருத்துத் தெரிவிக்கக் கோரி, 70,000-க்கும் மேற்பட்ட பின்தொடர்பவர்களைக் கொண்டிருந்த அவரது முக்கிய ரசிகர் பக்கம் ஒன்று திடீரென மூடக்கப்பட்டுள்ளது இந்திய மாணவர்களைப் பாதிக்கும் ஒரு முக்கியமான பிரச்சினை குறித்துத் தங்களுக்குப் பிடித்தமான நடிகை பேசத் தவறிவிட்டதாகக் குற்றம் சாட்டியே இந்த முடிவு எடுக்கப்பட்டுள்ளது. இந்தச் சம்பவம் இணையத்தில் பெரும் விவாதத்தைக் கிளப்பியுள்ளதுடன், பயனர்களிடையே கலவையான எதிர்வினைகளையும் ஏற்படுத்தியுள்ளது. இது குறித்து அந்த ரசிகர் பக்கம் வெளியிட்டுள்ள அறிக்கையில், “நான் சிறுவயதிலிருந்தே உங்கள் ரசிகன், ஆனால் உங்களை மனதார நேசிக்கும் எங்களைப் போன்ற இந்தியர்கள் மற்றும் மாணவர்களுக்காக உங்களால் ஒரு வார்த்தை கூட பேச முடியவில்லை. அரசாங்கத்திற்கு…

நீட் தேர்வு முறைகேடுகள் மற்றும் போராட்டத்தில் ஈடுபட்ட மாணவர்கள் மீதான காவல்துறை நடவடிக்கையைக் கண்டித்து, மக்களவை எதிர்க்கட்சித் தலைவர் ராகுல் காந்தி தலைமையில் எதிர்க்கட்சி எம்.பி.க்கள் கருப்பு உடை அணிந்து நாடாளுமன்றத்திற்கு வந்து மத்திய அரசுக்கு எதிராகப் போராட்டத்தில் ஈடுபட்டனர். நாடாளுமன்ற மழைக்கால கூட்டத்தொடரின் மூன்றாவது நாளான இன்று, எதிர்க்கட்சிகளின் ‘இந்தியா’ கூட்டணி எம்.பி.க்கள் நாடாளுமன்ற வளாகத்தில் உள்ள மகர் துவார் முன்பு திரண்டு மத்திய அரசுக்கு எதிராக முழக்கங்களை எழுப்பினர். காங்கிரஸ் எம்.பி. பிரியங்கா காந்தி வத்ரா, சமாஜ்வாதி கட்சித் தலைவர் அகிலேஷ் யாதவ், திரிணாமூல் காங்கிரஸ் எம்.பி. மஹுவா மொய்த்ரா, ஜே.எம்.எம். எம்.பி. மஹுவா மாஜி உள்ளிட்ட பல தலைவர்கள் கருப்பு உடை அணிந்து கலந்துகொண்டனர். முன்னதாக, நீட் விவகாரம் மற்றும் மாணவர்களின் எதிர்காலம் குறித்து விவாதிக்கக் கோரியும், போராட்டத்தில் ஈடுபட்ட மாணவர்கள் மீது நடத்தப்பட்ட தடியடியைக் கண்டித்தும் நேற்று  பிரதமர் இல்லம் முன்பு காங்கிரஸ் உள்ளிட்ட எதிர்க்கட்சிகள்…

பெங்களூருவில் இருந்து கேரளாவுக்குச் சொகுசு காரில் கடத்த முயன்ற ரூ.3 லட்சம் மதிப்பிலான 70 கிராம் மெத்தாம்பெட்டமின் போதைப்பொருளை கோவை மாவட்ட காவல்துறையினர் பறிமுதல் செய்துள்ளனர். மேலும், இது தொடர்பாக 5 பேர் கொண்ட கும்பல் அதிரடியாக கைது செய்யப்பட்டுள்ளது. கோவையில் போதைப்பொருள் புழக்கத்தை முற்றிலுமாகத் தடுப்பதற்காக மாவட்ட காவல் கண்காணிப்பாளர் பவன் K. ரெட்டி உத்தரவின்பேரில் தீவிர நடவடிக்கைகள் எடுக்கப்பட்டு வருகின்றன. இதன் ஒரு பகுதியாக, ரகசியத் தகவலின் அடிப்படையில் கருமத்தம்பட்டி மேம்பாலப் பகுதியில் தனிப்படை போலீசார் தீவிர வாகனத் சோதனையில் ஈடுபட்டனர். அப்போது அந்த வழியாக வந்த காரை மறித்துச் சோதனையிட்டதில், காரின் மறைவான பகுதியில் பதுக்கி வைக்கப்பட்டிருந்த 70 கிராம் மெத்தாம்பெட்டமின் போதைப்பொருள் சிக்கியது. உடனே காரையும் போதைப்பொருளையும் பறிமுதல் செய்த போலீசார், பாலக்காடு மற்றும் கோவையைச் சேர்ந்த அஜ்மல், அபுதாஹிர், பாலாஜி, முகமது அலி ஆகிய 4 பேரைக் கைது செய்தனர். இவர்களிடம் நடத்தப்பட்ட விசாரணையில்,…

கோவை கவுண்டம்பாளையம் பகுதியில் அமைந்துள்ள சமூக நீதி மாணவிகள் விடுதியில், கோவை அரசு கலைக் கல்லூரியில் பயின்று வரும் 60-க்கும் மேற்பட்ட மாணவிகள் தங்கி படித்து வருகின்றனர். இவர்கள் தினமும் கல்லூரிக்குச் செல்லும்போது பொதுப் பேருந்துகளில் நிலவும் கடும் கூட்ட நெரிசலால் அவதிப்பட்டு வந்தனர். இது குறித்து விடுதியில் ஆய்வு மேற்கொண்ட பிற்படுத்தப்பட்டோர் நலத்துறை அமைச்சர் சம்பத்கு குமாரிடம் மாணவிகள் தங்களுக்குத் தனிப் பேருந்து வசதி கோரி விண்ணப்பித்தனர். மாணவிகளின் கோரிக்கையை உடனடியாக ஏற்ற அமைச்சர், கவுண்டம்பாளையம் விடுதியிலிருந்து காலை நேரத்தில் அரசு கலைக் கல்லூரிக்குச் செல்ல பிரத்யேகச் சிறப்புப் பேருந்து இயக்கப்படுவதைத் துவக்கி வைத்தார். பின்னர் பேருந்தில் ஏறி மாணவிகளுக்கு வாழ்த்துகள் தெரிவித்த அவர், அவர்களின் மகிழ்ச்சியைக் பகிர்ந்து கொண்டார். தங்களுக்குத் தனிப் பேருந்து வசதி செய்து தந்த அமைச்சருக்கும் முதலமைச்சருக்கும் மாணவிகள் தங்களது நெஞ்சார்ந்த நன்றிகளைத் தெரிவித்தனர்.