Author: Editor web1

தேசியப் பாடலான ‘வந்தே மாதரம்’ பாடலுக்குத் தேசிய கீதத்திற்கு இணையான சட்டப் பாதுகாப்பை வழங்கும் புதிய மசோதா, நாடாளுமன்றத்தின் மழைக்கால கூட்டத்தொடரின் முதல் நாளான இன்று (ஜூலை 20) மாநிலங்களவையில் தாக்கல் செய்யப்படுகிறது. மத்திய உள்துறை அமைச்சர் அமித் ஷா, ‘தேசிய அவமதிப்பு தடுப்பு (திருத்த) மசோதா 2026’ (Prevention of Insults to National Honour Amendment Bill) என்ற புதிய சட்டத் திருத்த மசோதாவை இன்று அறிமுகப்படுத்துகிறார். தற்போதைய சட்டப்படி தேசியக் கொடி, இந்திய அரசியலமைப்புச் சட்டம் மற்றும் தேசிய கீதம் (ஜன கண மன) ஆகியவற்றை அவமதிப்போருக்கு மட்டுமே தண்டனை வழங்கும் வழிவகை உள்ளது. தற்போது கொண்டு வரப்படும் புதிய திருத்தத்தின் மூலம் தேசியப் பாடலான ‘வந்தே மாதரம்’ பாடலும் இந்த சட்ட வரம்பிற்குள் கொண்டு வரப்படுகிறது. இந்த புதிய சட்ட மசோதா நாடாளுமன்றத்தின் இரு அவைகளிலும் நிறைவேற்றப்பட்டு சட்டமாக்கப்பட்டால், ‘வந்தே மாதரம்’ பாடலை யாரேனும் வேண்டுமென்றே…

ஏலகிரி மலையில், 2 நாட்களாக நடைபெற்ற கோடை விழா இன்றுடன் இனிதே நிறைவடைந்தது. திருப்பத்தூர் மாவட்டம், ஜோலார்பேட்டை அருகே உள்ள புகழ்பெற்ற சுற்றுலாத் தலமான ஏலகிரியில் கோடை விழா நடைபெற்றது. 2 நாட்கள் நடைபெற்ற விழாவின் நிறைவு நாளான நேற்று (ஜூன் 19) பொதுமக்களின் வருகை வழக்கத்தை விட மிக அதிகமாகக் காணப்பட்டது. சுற்றுலா பயணிகள் அங்குள்ள ஏரியில் படகு சவாரி செய்து கோடை விழாவை உற்சாகமாகக் கொண்டாடினர். சுற்றுலாத்துறை சார்பில் நடைபெற்ற இந்த விழாவின் முக்கிய ஈர்ப்பாக நாய் கண்காட்சி மற்றும் போட்டிகள் நடைபெற்றன. இதில் திருப்பத்தூர், வேலூர், கிருஷ்ணகிரி மற்றும் ராணிப்பேட்டை ஆகிய மாவட்டங்களில் இருந்து உரிமையாளர்கள் தங்களது வளர்ப்பு நாய்களைக் அழைத்து வந்திருந்தனர். 50-க்கும் மேற்பட்ட பல்வேறு வகையான நாய்கள் இப்போட்டியில் பங்கேற்றன. நாய்களின் உடல் அமைப்பு மற்றும் செயல்பாடுகளின் அடிப்படையில் அவை சிறியது, நடுத்தரம் மற்றும் பெரியது என மூன்று பிரிவுகளாகப் பிரிக்கப்பட்டு போட்டிகள் நடத்தப்பட்டன.…

தமிழக முதல்வர் விஜய் மற்றும் அவரது அரசு குறித்து அவதூறாகவும், வன்முறையைத் தூண்டும் வகையிலும் பேசிய வழக்கில், விளாத்திகுளம் தொகுதி திமுக சட்டமன்ற உறுப்பினர் மார்க்கண்டேயன் கைது செய்யப்பட்டுள்ளார். தூத்துக்குடி மாவட்டம் கோவில்பட்டி கிருஷ்ணன் கோவில் திடலில் திமுக சார்பில் வாக்காளர்களுக்கு நன்றி தெரிவிக்கும் பொதுக்கூட்டம் நடைபெற்றது. இதில் கலந்துகொண்டு பேசிய விளாத்திகுளம் திமுக எம்.எல்.ஏ மார்க்கண்டேயன், தமிழக முதல்வர் விஜய் மற்றும் தமிழக அரசை மிகக் கடுமையான வார்த்தைகளால் விமர்சித்துப் பேசினார். சட்டமன்றத்தை கூட்டிப் பார், அப்போது உனக்கு உடலில் எலும்பு இருக்காது என்றும் அதை உடைத்து விட்டுத்தான் அனுப்பி வைப்போம் என்றும் முதலமைச்சர் விஜய்யை குறிப்பிட்டு பேசியதாக எம்.எல்.ஏ மார்க்கண்டேயன் மீது குற்றச்சாட்டு வைக்கப்பட்டுள்ளது. கைது செய்துவிடுவார்கள் என்று பயந்து கரூரிலிருந்து இரவோடு இரவாக கேராவனில் யாரை வைத்துக்கொண்டு ஓட்டம் எடுத்ததாகவும் அவர் பேசியதாக புகார் அளிக்கப்பட்டுள்ளது. தமிழகத்தில் சட்டம் ஒழுங்கு சீர்கெட்டுப் போய்விட்டதாகவும், 3 வயது குழந்தை…

‘ஏரிகளின் மாவட்டம்’ என்று அழைக்கப்படும் காஞ்சிபுரம் மாவட்டத்தில், நடப்பு பருவத்தில் போதிய மழையின்மை, பாசன நீர் தட்டுப்பாடு மற்றும் உரம் தட்டுப்பாடு போன்ற அடுக்கடுக்கான காரணங்களால், பயிரிடப்பட்ட நெற்பயிர்களை கைவிடும் அவல நிலை ஏற்பட்டுள்ளதாக விவசாயிகள் தெரிவித்துள்ளனர். வாலாஜாபாத் வட்டாரத்திற்கு உட்பட்ட அவளூர், காவந்தண்டலம் உள்ளிட்ட பல்வேறு கிராமங்களைச் சேர்ந்த விவசாயிகள், இந்த ஆண்டு பருவமழை கை கொடுக்கும் என்ற நம்பிக்கையில் விதைகளை வாங்கி நெல் பயிரிடும் முதல்கட்டப் பணிகளைத் தொடங்கினர். ஏற்கனவே ஏரிகளில் நீர் சேமிப்பு குறைவாக இருந்தபோதிலும், மழையை மட்டுமே நம்பி சாகுபடியில் இறங்கிய விவசாயிகளுக்கு நடப்பு பருவமழை ஏமாற்றத்தையே தந்துள்ளது. மழை இல்லாததாலும், கடும் வெயில் காரணமாகவும் முதல்கட்டமாக வளர்க்கப்பட்ட பயிர்கள் அனைத்தும் கருகத் தொடங்கியுள்ளன. இதனால் வேறு வழியின்றி விவசாயிகள் தங்களது நெற்பயிர்களை அப்படியே கைவிட்டுள்ளனர். போதிய நீரின்றி விவசாய நிலங்கள் அனைத்தும் பாலம் பாலமாக வெடித்துக் காணப்படுவது காண்போரின் நெஞ்சை உருக்குவதாக உள்ளது. பாலாறு…

பரபரப்பான சூழலில் நாடாளுமன்றத்தின் மழைக்கால கூட்டத்தொடர் இன்று (ஜூலை 20) கூடுகிறது. ஆகஸ்ட் 13-ஆம் தேதி வரை நடைபெறவுள்ள இந்த கூட்டத்தொடரில், பல்வேறு முக்கிய விவகாரங்களை எழுப்ப எதிர்க்கட்சிகள் திட்டமிட்டுள்ளதால் அவை நடவடிக்கைகள் மிகவும் பரபரப்பாக இருக்கும் என்று எதிர்பார்க்கப்படுகிறது.  நாடாளுமன்ற கூட்டத்தொடரை சுமுகமாக நடத்துவது தொடர்பாக மத்திய அரசு ஞாயிற்றுக்கிழமை (ஜூலை 19) அனைத்துக் கட்சி கூட்டத்தைக் கூட்டியது. இந்த கூட்டத்தில் எதிர்க்கட்சிகள் தங்களின் கோரிக்கைகளையும், விவாதிக்க வேண்டிய முக்கியப் பிரச்சினைகளையும் முன்வைத்தன. நாடு முழுவதும் பெரும் அதிர்வலைகளை ஏற்படுத்திய நீட் தேர்வு வினாத்தாள் கசிவு மற்றும் தேர்வு முறைகேடுகள் குறித்து நாடாளுமன்றத்தில் விரிவான விவாதம் நடத்த வேண்டும் என்றும், மத்திய அரசு இதற்குப் பதிலளிக்க வேண்டும் என்றும் எதிர்க்கட்சிகள் வலியுறுத்தவுள்ளன. அயோத்தி ராமர் கோவில் கட்டுமானத்திற்கான நன்கொடைகளில் முறைகேடு மற்றும் திருட்டு நடந்துள்ளதாகக் கூறி, அதுகுறித்த புகார்களை அவையில் எழுப்ப காங்கிரஸ் உள்ளிட்ட ‘இந்தியா’ கூட்டணி கட்சிகள் முடிவெடுத்துள்ளன. திரிணமூல்…

நியூ ஜெர்சியில் உள்ள மெட்லைஃப் மைதானத்தில் விறுவிறுப்பாக நடைபெற்ற 2026 பிஃபா உலகக் கோப்பை கால்பந்து போட்டியின் இறுதி ஆட்டத்தில், நடப்பு சாம்பியனான அர்ஜென்டினாவை 1-0 என்ற கோல் கணக்கில் வீழ்த்தி ஸ்பெயின் அணி இரண்டாவது முறையாக உலக சாம்பியன் பட்டம் வென்று வரலாற்று சாதனை படைத்துள்ளது. ஆட்டத்தின் நிர்ணயிக்கப்பட்ட 90 நிமிடங்களில் இரு அணிகளும் கோல் எதுவும் அடிக்காததால் ஆட்டம் கூடுதல் நேரத்திற்குச் சென்றது. இரு அணிகளுமே தற்காப்பு மற்றும் தாக்குதல் ஆட்டத்தை மாற்றி மாற்றி வெளிப்படுத்தியதால் ஆட்டம் இறுதிவரை விறுவிறுப்பாக நகர்ந்தது. கூடுதல் நேரத்தின் இரண்டாம் பாதியில், ஆட்டத்தின் 106-வது நிமிடத்தில் ஸ்பெயின் வீரர் நிக்கோ வில்லியம்ஸ் தனது தலையால் தட்டிக்கொடுத்த பந்தை, மாற்று வீரராக களம் புகுந்த ஃபெர்ரன் டோரெஸ் மிக நேர்த்தியாக கோலாக மாற்றினார். இந்த ஒரு கோல் ஸ்பெயின் அணியின் வரலாற்று வெற்றிக்கு வழிவகுத்தது. தொடர்ந்து 108-வது நிமிடத்தில் ஸ்பெயின் அடித்த மற்றொரு கோலை…

உலகெங்கிலும் உள்ள கால்பந்து ரசிகர்களின் நீண்ட நாள் எதிர்பார்ப்பான 2026 FIFA உலகக் கோப்பை கால்பந்து தொடரின் இறுதிப் போட்டி இன்று நள்ளிரவு நடைபெறுகிறது. அமெரிக்காவின் நியூ ஜெர்சியில் உள்ள புகழ்பெற்ற மெட்லைஃப் ஸ்டேடியத்தில் நடைபெறும் இந்த வரலாற்றுச் சிறப்புமிக்க மகுடத்திற்கான போரில், நடப்பு சாம்பியன் அர்ஜென்டினாவும், ஐரோப்பிய பலசாலியான ஸ்பெயினும் பலப்பரீட்சை நடத்துகின்றன. லியோனல் மெஸ்ஸி தலைமையிலான அர்ஜென்டினா அணி, கடந்த 2022 உலகக் கோப்பை வெற்றியைத் தொடர்ந்து, இந்த முறையும் கோப்பையைத் தக்கவைத்துக் கொள்ளும் முனைப்பில் களம் காண்கிறது. 39 வயதாகும் மெஸ்ஸிக்கு இதுவே கடைசி உலகக்கோப்பை தொடராக இருக்கும் எனக் கருதப்படுவதால், அர்ஜென்டினா அணி அவருக்கு மற்றொரு உலகக் கோப்பை மகுடத்துடன் விடைபெற வைக்கக் கடுமையாகப் போராடும். அரையிறுதியில் பிரான்ஸை வீழ்த்திய அர்ஜென்டினா, தற்போதும் உச்சக்கட்ட ஃபார்மில் உள்ளது. மறுபுறம், 2010-க்குப் பிறகு மீண்டும் உலகக் கோப்பையைக் கைப்பற்ற ஸ்பெயின் அணி துடிக்கிறது. யூரோ 2024 தொடரைக்…

ரசிகர்களுக்கு உச்சக்கட்ட விருந்தாக அமைந்த நடப்பு உலகக் கோப்பை கால்பந்து தொடரின் 3வது இடத்திற்கான வெண்கலப் பதக்கப் போட்டியில், பிரான்ஸ் அணியை 6-4 என்ற கோல் கணக்கில் வீழ்த்தி இங்கிலாந்து அணி வரலாற்று வெற்றியைப் பெற்றுள்ளது. அரைஇறுதியில் தோல்வி அடைந்து இறுதிப்போட்டி வாய்ப்பை இழந்த முன்னாள் சாம்பியன்களான இங்கிலாந்தும், பிரான்சும் மியாமியில் உள்ள மைதானத்தில் 3-வது இடத்திற்காக மோதின. ஆட்டம் தொடங்கிய முதலே இங்கிலாந்து வீரர்கள் விஸ்வரூபம் எடுத்தனர். குறிப்பாக நட்சத்திர வீரர் புகாயோ சாகா அபாரமாக விளையாடி ஹாட்ரிக் கோல் அடித்து அசத்தினார். இதனால் முதல் பாதியிலேயே இங்கிலாந்து அணி 4-0 என்ற கணக்கில் வலுவான முன்னிலை பெற்றது. 2வது பாதியில் விழித்துக்கொண்ட பிரான்ஸ் அணி பதில் தாக்குதலில் இறங்கியது. பிரான்ஸ் கேப்டன் கிலியன் எம்பாப்பே ஆக்ரோஷமாக விளையாடி 2 கோல்களை அடித்தார். இதன் மூலம் உலகக் கோப்பை வரலாற்றில் தனது 22-வது கோலை பதிவு செய்த எம்பாப்பே, லியோனல்…

இந்தியா மற்றும் இங்கிலாந்து அணிகளுக்கு இடையிலான மூன்று போட்டிகள் கொண்ட ஒருநாள் கிரிக்கெட் தொடரின் வெற்றியாளரைத் தீர்மானிக்கும் இறுதி மற்றும் 3-வது ஒருநாள் போட்டி லண்டன் லார்ட்ஸ் மைதானத்தில் இன்று நடைபெறுகிறது. இந்த ஒருநாள் தொடரில் இதுவரை நடந்து முடிந்துள்ள 2 போட்டிகளில் இரு அணிகளும் தலா ஒரு போட்டியில் வெற்றி பெற்று 1-1 என்ற கணக்கில் சமநிலையில் உள்ளன. இதனால் இன்றைய போட்டியில் வெற்றி பெறும் அணியே ஒருநாள் தொடரைக் கைப்பற்றும் என்பதால் ஆட்டத்தில் விறுவிறுப்புக்குக் பஞ்சம் இருக்காது. அக்சார் பட்டேலின் சிறப்பான பந்துவீச்சு (4 விக்கெட்டுகள்) மற்றும் சுப்மன் கில்லின் பேட்டிங் (80*) உதவியுடன் முதல் போட்டியில் இந்தியா 6 விக்கெட் வித்தியாசத்தில் வெற்றி பெற்றது. ஜோ ரூட்டின் (99) சிறப்பான ஆட்டத்தால் இங்கிலாந்து அணி 4 விக்கெட் வித்தியாசத்தில் 2வது ஆட்டத்தில் வெற்றி பெற்று தொடரைச் சமன் செய்தது. டி20 தொடரை இழந்த இந்திய அணிக்கு இந்த…

கரூர் அருகே கஞ்சா வழக்கு தொடர்பாகக் காவல் நிலையத்தில் விசாரணையில் இருந்த இளைஞர் ஒருவருக்கு திடீரென வலிப்பு ஏற்பட்டு மயங்கிய சம்பவம் பரபரப்பை ஏற்படுத்தியுள்ளது. கரூர் வேலாயுதம்பாளையம் காவல் நிலைய எல்லைக்குட்பட்ட பகுதியில் கஞ்சா விற்பனை செய்யப்படுவதாகப் போலீசாருக்கு ரகசியத் தகவல் கிடைத்தது. அதனடிப்படையில், கஞ்சா விற்பனையில் தொடர்புடையதாகக் கூறப்படும் இளைஞர் ஒருவரை வேலாயுதம்பாளையம் போலீசார் காவல் நிலையத்திற்கு அழைத்து வந்து தீவிர விசாரணை நடத்தினர். விசாரணை நடந்துகொண்டிருந்தபோதே, அந்த இளைஞர் திடீரென பேச்சு, மூச்சு இல்லாமல் மயங்கி விழுந்ததாக கூறப்படுகிறது. இதனால் போலீசார் மற்றும் அங்கு வந்திருந்த அவரது உறவினர்கள் அதிர்ச்சியடைந்தனர். பிறகு, இளைஞருக்குத் வலிப்பு ஏற்பட்டதையடுத்து, அங்கிருந்தவர்கள் அவரைத் கைகளில் தூக்கிக்கொண்டு ஓடி வந்து, வாசலில் நின்ற ஆம்புலன்ஸில் ஏற்றினர். பின்னர் அவர் சிகிச்சைக்காக அருகில் உள்ள வேலாயுதம்பாளையம் அரசு மருத்துவமனைக்குக் கொண்டு செல்லப்பட்டார். இச்சம்பவம் குறித்து விளக்கமளித்துள்ள காவல் துறை, விசாரணைக்கு அழைத்து வரப்பட்ட இளைஞருக்குக் கஞ்சா…